إللي يعرف يقيم سعر العربية دي يدخل يشاركني...أخوكو مبتدئ عاوز دليل

قدامي دلوقت عربيه لادا ٢١٠٧ كحلي ميتالك موديل٢٠٠٣ مش رشه جوه و لا بره فيها تكييف شغال بس تقريبا عاوز شحن..معاها رخصه سنه و نص.. بحاله أظن جيده جدا..فرش محترم نضيف..بها حكه ف الجنب اليمين نتيجه ركنه غلط..يقال إنه هيتظبط علي البارد<مش فاهم يعني إيه>كانت ف إيد واحد أو اتنين ع الأكتر...


ياريت حد يقوللي قيميتها كام تقريبا..و أكشف عليها ازاي..مع العلم ان هيكون معايا واحد بيفهم ف العربيات بس هو كان سمكري
هما طالبين فيها'تسعه و عشرين'..هااا أسمع آراء خبرا اللادا في مصر...
و ياريت لو معاها نصيحه لأخوكو الجديد نوفي ف كار السواقه و العربيات ..اول ما اشتريها أعمل إيه فيها عشان تبقي متظبطه ?

ممكن 33 او اقل

اكشف عليها كويس شوف سمكري وكمان شوف ميكانيكي يشوف الماتور

العربيه لو عجباك من حيث الشكل لازم تلاته يشوفوها
سمكرى لفحص دواخل السياره وخوارجها وانها موخداش خبطات اوراشه
بتاع عفشه يشوف عفشه العربيه سليمه ولا عاوزه شغل من جلب ومساعدين وبيضات ومقصات وخلافه
ميكانيكى لفحص الموتور وحالته وادائه ليكون داخل على شنبر اوعمره
واخيرا بص على العربيه حاله البطاريه والكاوتش والتكييف محتاج شحن ولا الموضوع كبير كل دى حاجات تركز فيها وهى اللى تخليك تعرف تتزل من تمن العربيه
ومبروك مقدما

علي ما اسمع
الناس بتقول ان موديلات لادا الجديده من بعد 2000 مش حلوه
شوفلك حاجه موديل 95 او 96 وفي كل الاحوال هي نفس الشكل
وروقها بباقي المبلغ
وليك حريه الاختيار طبعا

اقتباس:

---

المشاركة الأصلية كتبت بواسطة shnory

علي ما اسمع
الناس بتقول ان موديلات لادا الجديده من بعد 2000 مش حلوه
شوفلك حاجه موديل 95 او 96 وفي كل الاحوال هي نفس الشكل
وروقها بباقي المبلغ
وليك حريه الاختيار طبعا

---

اعتقد يا باشا لو روسي تبقي افضل وحتكون موديل عالي

يا باشا انت قولت لم ترش دواخل او بره تبقي عربيه حالتها علي كلامك كويسه ممكن تنزل من تمنها ألف او ألفين

شكرا بجد لكل الناس المحترمه إللي ردوا ..
فعلا هو كان لازم ميكانيكي و كهربائي يشوفوها..عموما...العربيه أنا اخدتها بسته و عشرين و نص...
هي لادا روسي 2003 حالتها كويسه بس بعد ما اخدتها كانت بتغلبني ف الدوران و بتبطل و انا ماشي..اخدتها لميكانيكي قاللي الموتور خفيف و يمكن يحتاج طقم شنابر!! و فك خرطوم كدا داخل عند العمه تقريبا دا خرطوم الفايض!!


في واحد قاللي يمكن عشان العربية كانت مركونه بقالها فتره غيرلها زيت عشان ينضف الموتور...الزيت فعلا كان وحش.. و فعلا غيرت الزيت كالتكس و بيقولي كدا غسلت الموتور...حط زيت موبيل نضيف و شوف الاخبار إيه!!...

و العربيه ماشيه دلوقت لسه بعد ما غيرتلها او غيار زيت و لسه هاخدها لميكانيكي يشوف اذا كان الموتور محتاج عمره ولا لأ???

سؤال مهم جدا جدا ..انا لسه معرفش ميكانيكيه و كهربائيه عشان لسه جديد ف حوارات المستعمل....
سؤالي هو

الميكانيكي و الكهربائي كل واحد ياخد كام فلوس عشان يكشف ع العربيه قبل الشرا و يشوف عيوبها و محتاجه إيه?????...و هل هاخد العربية و أديها لأي ميكانيكي هل هيعرف عيوبها حتي لو العربيه ماشيه كدا من غير ما يكون ظهر حاجه ??!!