عايز أعرف مزايا وعيوب الفانتازيا 2010

**TarekGaafar000** · 01-09-2010 06:09 AM

السلام عليكم
يا جماعة عايز حد يقولى بصراحة مزايا وعيوب الفانتازيا 2010 , لأنى بفكر اشتريها و قلقان , خاصة إن قوتها 102 حصان و قلقان تكون مبتسحبش أو يكون فيها عيوب تانية , و الأفضل التوكيل واللا الخليجى . و شكراً

**adventurer** · 02-09-2010 02:07 PM

الاسلام عليكم امتلك فانتازيا خليجى من شهرين اهم المزايا الا مان الكامل والثبات الوهمى خلاف البرستيج العالى الغير موجود الا فى الاوربى لا يعيبها سوى الصوت العالى ـ الموتور ـ والذى لايسبب مشكله وبطئ التجميع هيا موش بطه بس مقارنه بالكورى واليابانى نظر للوزن بس هتحس انك واخد بكل فلوسك خامات موش منظر بس يعنى الابواب تقيله والتابلوه مخدوم صاج متين يويه عاليه الجوده بخلاف الفيبر المستخدم فى التشطيب الداخلى محمل موش بلاستيك خفيف بتحس انوا فلوسك مراحتش اونطه تكيفها ممتاز فى توزيع البروده ولكن ميخلكش تحس انك سقعان زى التويوتا مثلا عفشه متينه مرتفعه عن الجيتا مثلا يراعى مطبات المحروسه ورأييى فى موضوع الوكيل انو مفيش توكيل فى مصر محترم كفايه انو بيدخل كماليات اقل من الخليجى علشان المكسب دلع نفسك كماليات زياده ووفر عشرين الف وصين فى مراكز الخدمه اللى ملت مصر بفلوسك ومفيش حد يقولك عيب مستخدم والعربيات دى صعب اوى تيجى بعيوب الا لو اختبار من الله وعليك بالصبر

**inspiron** · 02-09-2010 02:55 PM

ليا تعقيب صغير..إيه هي الكماليات الإضافية اللي موجودة في الخليجي ومش موجودة في الوكيل.

**inspiron** · 02-09-2010 07:04 PM

المشاركة الأصلية كتبت بواسطة ahmedtaha20012000

شوف ابعد عن الخليجي لان انا عايش في الخليخ و بقولك حارم ترمي فلوس زياده علي الفاضي الفرق بيكون اختلاف بعد الاشياء اللي ما بتكونش ذات قيمه اما بالنسبه للتقفيل المصري يفرق في ان العفشه احسن وبتستحمل لان بتكون مصممه علي الطرق المصريه و اعلي شويه عشان بيضعوا قي الاعتبار المطباط

هو مين دي اللي تقفيل مصري..إيه يا جدعان الكلام ده..إشاعة جديدة دي ولا إيه ؟!!!!!!!!!!

**TarekGaafar000** · 02-09-2010 07:20 PM

متشكر جداً لكل الردود , و لسة متابع باهتمام .

**som3aa** · 03-09-2010 12:33 AM

بص حضرتك
العربية كمالياتها اكتر فى الوكيل مش الخليجى بس الخليجى ارخص كتير
اولا الوكيل اسعاره : 167-183-207-209
ال207 زى ال209 بس ال209 فيها gps و ناقص فيها تقريبا 6cd و فتحة الusb.

ال207 و ال209 فيهم فتحة سقف و زينون و مرايات ضم و فرش جلد و جنوط 16 و شاشة تاتش و voice control و tire pressure warning system و ASR و بقية الحاجات العادية

الخليجى ب 172 نفس الكماليات بتاعت اللى 207 ناقص الفرش الجلد و المرايات الكهرباء و الضمان طبعا و سمعت كمان بس مش متاكد اوى ان الخليجى مفيهاش تصفيح تحت الموتور (fiber مش صاج ) و دا خطر جداا فى مصر لان الواحد كتير بيلاقى مطبات قدامه مبيبقاش شايفها و يا ريت تبص و تسال و تتاكد بنفسك عن النقطة دى

اللى ب 207 و 209 بيتباعوا فى السوق عند الموزعين و المعارض ب 200 و 203 تقريبا

العربية طبعا ممتازة جدااااا و يعيبها حاجتين بالظبط , اولا موتورها ضعيف بشكل يضايق و يا ريت تجرب تسوقها بنفسك علشان تتاكد و تحكم بنفسك خصوصا لما تتحرك من الثبات بتحس ان العربية تقيلة اوى.
النقطة التانية تكيفها كويس اوى بس مش زى اليابانى و الكورى و برده شوفه بنفسك و احكم
غير كدا عربية ممتازة اوى و انصحك بيها جدا بس لو اقتنعت بموضوع الموتور دا و خصوصا انى فى رايى حاليا ملهاش منافس اساسا و خصوصا ان الجيتا الجديدة هتنزل قريب و العربية عالية على فكرة.

**inspiron** · 03-09-2010 12:47 AM

بردو يا som3aa هتقول الموتور ضعيف بشكل يضايق..إنت مصمم بقي.

إلي صاحب الموضوع.الموتور بتاع العربية دي مش ضعيف..لكنه مش رياضي.مش بتاع شد والكلام ده.لكن علي طرق السفر شغال معاك لحد 210 كم/ساعة..وتسارع حلو أوي بعد الـ 100..

إنما نقول ضعيف بشكل يضايق دي كلمة وحشة في سمعة وحق العربية دي.وحضرتك لو دورت في المنتدي كويس..هتلاقي فيديو بتاع عضو إسمه محمد عباس في تسارع العربية من 0-100 في 12.5 ثانية..يعني مش ضعيف بشكل يضايق..مش بطة بلدي يعني.