(علبة الفيوزات - نور الفوانيس) للماروتى

**alking_2006** · 01-09-2010 11:34 AM

السلام عليكم

دلوقتى الماروتى بتاعتى لقيتها فجأة كدا و بدون سابق انذار النور الواطى بتاعها مش شغال و كمان النور العالى لقيت لمبة شغاله و لمبة لأ

المهم روحت للكهربائى قام باصص على علبة الفيوزات (بتلاقيها عند الدركسيون من تحت على الشمال) و قالى فيه فيوز محروق روح هاتلى كارتة فيوزات و دى لقيتها صينى و بيبقى فيها 6 فيوزات متسمين من اول 10 امبير و انتا طالع و تشوف انتا عايز انهو امبير و تغيره

و كمان لقى اللمض منفخة قمنا مغيرنها بردو (لمبة الماروتى بتبقى "90/100" و بتبقى ب 12.5 جنيه) و الدنيا بقت زى الفل

دلوقتى عندى سؤالين يا ماروتيه

1- يا ريت لو حد عنده خريطة علبة الفيوزات (بتبين كل فيوز مسئول عن انهى جزء كهربائى فى العربية) يبقى يبعتها او يصورها و يعمل سكان و يبعت بأى طريقة.

2- هل فيه اى طريقة علشان اعرف انهو فيوز اللى محروق غير انى افك فيوز فيوز.

و شكرا

**dr.hazem** · 01-09-2010 03:02 PM

غالي والطلب رخيص
ادي الخريطه

واعتقد مفيش طريقه انك تعرف الا عن طريق الخريطه تشوف ايه اللي فصل وتغيره
بس الاهم انك تشوف ايه اللي خلا الفيوز يتحرق

تحياتي

**m7nsh** · 01-09-2010 04:21 PM

على ما افتكر كان مكتوب جمب كل فيوز ده بتاع ايه او رسمه ليه ..

ويا كيمو انت و الكينج .. عاوزين نشوفكو فى المقابله اللى هنعملها دى . ايه الكلام ؟؟

**alking_2006** · 02-09-2010 10:16 AM

المشاركة الأصلية كتبت بواسطة m7nsh

على ما افتكر كان مكتوب جمب كل فيوز ده بتاع ايه او رسمه ليه ..

ويا كيمو انت و الكينج .. عاوزين نشوفكو فى المقابله اللى هنعملها دى . ايه الكلام ؟؟

يا باشا انا راشق
بس لحد دلوقتى الاتفاق النهائى على امتى و فين؟
انا سامع كلام على الجيزة بس ناس تقول الجمعه و ناس تقول السبت
الو الجمعه انا راشق بس عايز حد يقابلنى و يدلنى علشان مروحتش خالص الجيزة قبل كدا اصل من شبرا يا زميل

مستنى الرد يا محنش باشا

**m7nsh** · 02-09-2010 12:05 PM

تم التظبيط ع الأيميل ;)

**kimo_cat** · 05-09-2010 01:19 PM

والله علىحسب الميعاد انا مش عارف ظروفي بس يا ريت هنا في المنتدي يتعمل تنبيه الناس تشوفه اول ما تفتح الموقع
يكون فيه الميعاد

**hobz_88** · 16-10-2015 05:08 PM

السلام عليكم
معايا ماروتي ٢٠٠٩ وانا ماشي مشيت ريحه شياط دورت لاقيت انه الفيوز بتاع الموبينه البلاستك ساح بس الفيوز مضاربش ايه السبب وكنت عايز خريطه الفيوضات وشكراا