بيجو 205 لمبة الرادياتير بتنور

لمبة الرادياتير بتنور اوقات كتير وخاصة اوقات لما تكون العربيه سخنه يعنى لو خرجت بالنهار او كام اشاره طولوا كده بالليل مش عارف ده معناه انها واخده هوه ولا هى عايزه اشغل المروحه وسخنه يارايت حد يفيدنى فى الامر ده ولو واخده هوه اروح اعمل دورة فى البنيزينه يعنى تنظيف الرادياتير
وياريت حد يفيدنى عن موضوع المياه الخضراء دى بالنسبه للرداياتير مفيد فعلا وخاصة وانه فى واحد بتاع راديتير قالى انه الراديتير عندى المومنيوم والمياه مش صح ليه فهل الكلام ده صحيح مع العلم انى العربيه عندى موديل 84 متعدله تسعينات
وياريت الاجابه بسرعه وضرورى

1- افحص طرمبه الحراره يمكن بايظه وعايزة تغيير .

2- لو فضلت المشكله اشتري رادييتر نحاس بدل ما تسيخ القديم وهات مروحتين قدام عمرها ما حتسخن انا عندي مروحتين قدام صوتها شبه المرسيدس بس عمرها ماسخنت .

3- لو الميه بتنقص عندك دايما افحص الوصلات وطرمبه الميه يمكن تلاقي تسريب .

ممكن يكون الريداتير مسدود فعلا

حدرتك مركب قربه ال gti ولا العاديه بتاعهتهاا ؟؟

انا شاكر ليك ردك
انا بصراحه مش عارف انا مشترى العربيه من وقت قصير واعتقد انها القربه العاديه هى العرييه موديل 84 ولكن الموتور تسعينات اعتقد 95 وعلى فكره انا وديتها للميكانيكى وقلت له انه الرادياتير واخد هوه نفخ فى القربه وشاف قالى مفيش هوا ولا حاجه وواضح انه نفخته كان فيها البركه من ساعتها اللمبه دى منورتش خالص مع انى واحد صاحبى نفخ فيها لما طلعت روحه ومكانش فى فايده علشان يطلع الهوا حسب اعتقاده وكان بيفضل ينفخ يجى ساعه على ماللمبه تطفىء فانا عايز اعرف هى بطلت تنور علشان الجو اتحسن وبالتالى العربيه مش بتسخن واللمبه دى مسئوله عن السخونيه ولا هى كان فيها هوا فعلا وكانت منتظره صاحبنا ده ينفخ نفخه
واللمبه دى مش باقدر اشوف شكلها الا لما تنور يعنى شكلها مش واضح خالص يعنى لما بتكون مش منوره واوريها لحد مش بيعرف يشوفها لانها موجوده فى الاطار بتاع البنزين تحت على اليمين وفى لمبه تانيه للبنزين على الشمال خاصه بالبنزين فعايز اعرف هى بتاعت ايه بالظبط هل مؤشر للسخونيه قبل لما لمبة السخونيه تقولى خلاص كده ارحمنى كفايه ولا مؤشر للهوا خاصة انه المياكنيى بيقولى دى خاصه بالرادياتير يعنى الهوا

وياريت حضرتك تقولى لو عندك فكره برضه المياه الخضرا بالنسبه للرداياتير الالومونيوم بتأثر عليه وليها مشاكل فى ناس بتقول كده وناس بتقولى العكس مش عارف اسمع مين وعل ىلاعموم انا جبت مياه خضرا الجركن 5 لتر بتاع شركة مصر للبترول وعايز اعرف هو كويس ولا لأ
وربنا يكرم وتعبتك معايا لكن معلش اخوك لسه جديد فى المواضيع دى يدوب بتعلم واعذرنى طولت عليك

اولا هواء العربية دي بيتاخد على كذا مرة عن تجربة
يعني الميكانيكي ياخد هوا وتمشي يوم وتاخد تاني الهوا وتكرر العملية تلات مرات
وفيه مسمار الانكيه على وش الموتور ده المكان الاول ومسمار بلاستيك من ناحية الصدر
ورأيي تنظف الريداتير بره العربية
وبالنسبة للمياه انها بتأثر على الريداتير دي اشااااااااااااااعاااااااا ااااااااااااات زي الي بيقول البنزين ال 92 حامي ع المكنة هههههههههه
انا مجرب المياه الحمرا بتاعت توتال ممتازة

تحياتي