برنامج بيشوف الرادارات الثابته اللي على الطريق

**mimo116** · 01-09-2010 01:34 PM

بناء على طلب الاستاذ فوزي لما كنت معاه الناس الحلوه جدا في مقابله الشيفوليه الاولى كنا بنتكلم على الرادارات اللي الطريق الدائري .. فقولت انا معايا برنامج بيشوف الرادارات الثابته دي و انا مظبته ان يديني انزار قبل الرادار ب2 كيلو و جربته على المحور و الحمد لله مجلاش رادار واحد على الطريق هوه برنامج بينزل على اي موبايل بس لازم الموبايل ده يكون فيه جي بي اس و يكون 3جي طبعا و بينزل عادي خالص و بيشتغل على طول فيه منو للنوكيا و السامسنج و كمان الويندوز موبايل ... انا معايا e71 و مشغله و تمام معايا ... بس ملاحظتي عليه انو مبيشوفف الرادات المتحركه ... بيشوف الثابت و دلواتي نيجي للتفاصيل:

البرنامج اسمه Trapster و اللينك اللي ممكن تخش عليه عشان تعرفو اكتر عنو و تعمللو register عليه او حساب و ممكن و انت بتسطب البرنامج على الموبايل تعمل الحساب الخاص بيك و بنفس الحساب تخش على الموقع بتاعه و الموقع هوه Speed Trap Sharing System - Trapster مستني تجاربكو عليه و التعليقات و اي استفسار و ان الشاء الله هقولكو فكرته بعد كده ...

**fawzyyyy** · 01-09-2010 01:46 PM

متشكر يا باشا علي استجابتك الفورية ديه.........و جاري التجربة ان شاء الله

**mido** · 01-09-2010 02:43 PM

ده معتمد على ان الناس بتبعت تقول مكان الردار فين

**mimo116** · 01-09-2010 03:41 PM

المشاركة الأصلية كتبت بواسطة mido

ده معتمد على ان الناس بتبعت تقول مكان الردار فين

صح يا باشا .. و هيه دي الفكره اللي انا كنت مخليها شويه بس انت حرقتهالي .... هوه بيعتمد على الناس المشتركه فيه بطريقه فيها تعاون .. وده مش وحش و عاجبني و عن تجربه كل حاجه مريت بيها كانت صح حتى الكاميرات اللي بتصور على ميدان الرمايه برضو اداني اشاره بيها ... جه دليل على ان فيه ناس كتير بتستعمله و بتدي العلامات دي للناس اللي بعدها و لما بتسبت ان فيه هنا كاميرا مراقبه او ان رادار ثابت بتنبه اي حد تاني يعدي على الطريق ان فيه رادار هنا و ده الجميل ... يعني مثلا انت لو حد عدى على رادار و مش متسجل على التراب انت ممكن تسجله و انا لو عديت بعدك في اي يوم او اي حد عدى بيديلو انزار ان فيه رادار هنا و بكده الواحد ياخد باللو ... فالفكره ان احنا هنا لو عممنا الكلام ده ممكن الاعضاء و هما ماشيين في الطريق و نسجل الرادارات او الكاميرات الجديده اللي مش متسجله كده ممكن نغطي اكتر من 90 في الميه من الطرق ف اي حد بيستعمل البرنامج ده بعد كده يعرف الاماكن بتاعت الرادارات و الكاميرات بكل سهوله و ياخد باللو و يبقه عندنا داتا بيز بكل بيانات الطرق و انا عن راي شخصي هيبقه مفيد لكل الاعضاء.. ولا ايه رايكو ...؟؟؟؟ اسف على الايطاله

**mido** · 01-09-2010 03:45 PM

المشاركة الأصلية كتبت بواسطة mimo116

صح يا باشا .. و هيه دي الفكره اللي انا كنت مخليها شويه بس انت حرقتهالي .... هوه بيعتمد على الناس المشتركه فيه بطريقه فيها تعاون .. وده مش وحش و عاجبني و عن تجربه كل حاجه مريت بيها كانت صح حتى الكاميرات اللي بتصور على ميدان الرمايه برضو اداني اشاره بيها ... جه دليل على ان فيه ناس كتير بتستعمله و بتدي العلامات دي للناس اللي بعدها و لما بتسبت ان فيه هنا كاميرا مراقبه او ان رادار ثابت بتنبه اي حد تاني يعدي على الطريق ان فيه رادار هنا و ده الجميل ... يعني مثلا انت لو حد عدى على رادار و مش متسجل على التراب انت ممكن تسجله و انا لو عديت بعدك في اي يوم او اي حد عدى بيديلو انزار ان فيه رادار هنا و بكده الواحد ياخد باللو ... فالفكره ان احنا هنا لو عممنا الكلام ده ممكن الاعضاء و هما ماشيين في الطريق و نسجل الرادارات او الكاميرات الجديده اللي مش متسجله كده ممكن نغطي اكتر من 90 في الميه من الطرق ف اي حد بيستعمل البرنامج ده بعد كده يعرف الاماكن بتاعت الرادارات و الكاميرات بكل سهوله و ياخد باللو و يبقه عندنا داتا بيز بكل بيانات الطرق و انا عن راي شخصي هيبقه مفيد لكل الاعضاء.. ولا ايه رايكو ...؟؟؟؟ اسف على الايطاله

كلنا معاك يا ريس لما ارجع البيت هنزله على التليفون

**Adham** · 01-09-2010 03:46 PM

ولا ليها لازمة

لانهم بيغيروا مكان الرادار

و الرادار مش موجود في كل الاوقات

يعني انت حاتهدي و تمسك سرعه واطية و بعدين تلاقي مافيش رادار و بعد شوية يمسكك الرادار من حتة تانية

**mimo116** · 01-09-2010 03:56 PM

المشاركة الأصلية كتبت بواسطة Adham

ولا ليها لازمة

لانهم بيغيروا مكان الرادار

و الرادار مش موجود في كل الاوقات

يعني انت حاتهدي و تمسك سرعه واطية و بعدين تلاقي مافيش رادار و بعد شوية يمسكك الرادار من حتة تانية

انا قولت للرادارات الثابته ... و فيه كلامه برضو للرادارات المتحركه يعني مثلا ... ممكن تدي علا مه على الوصله الجديده اللي فوق المريوطيه اللي بتوصل الدائري ببعضه ان في الطريق ده رادار متحرك برضو انت افدت الناس بالمعلومه فالناس تاخد بالها و فيه اتجاه في مصر انهم يعممو الرادارات الثابته فهيبقه الموضوع سهل جدا ... و زي ماقولت الفكره في الموضوع التعاون مع بعضينا

**Adham** · 01-09-2010 04:15 PM

اعتقد ان:

الرادار الثابت = هو رادار يتم وضعه بجوار الطريق و يتم تغيير مكانة حيث يتم وضعه لعده ساعات في مكان و عمل كمين بعده و ثاني يوم يتم وضعه في مكان اخر لعدة ساعات

فهو ليس محطة رادار مثل تلك التابعه للجيش و انما رادار السرعه هو جهاز بحجم سخان الحمام مثلا بالكتير

الرادار المتحرك هو رادار موضوع في سيارة شرطة تقوم بالسير بسرعه بطيئة و الابلاغ عن السيارات المخالفة لاسلكيا لكمين بعد عده كيلومترات

و الله أعلم