الموضوع: مقارنه بين شركات التأمين التكافلى فى مصر (رجاء المشاركه من كل من لديهم تجربه شخصيه)

السلام عليكم

قمت مؤخرا بعقد مقارنه بين عدد من شركات التأمين التكافلى لتأمين سيارتى الجديده .. فى البدايه احب اشكر العضو (ِA.Saad)
على موضوعه المميز (مقارنة لشروط واسعار شركات التامين فى مصر) و الذى ساعدنى كثيرا ..
http://www.nilemotors.net/Nile/74440-a.html

المقارنه كانت قائمه على الاتصال بفرعين مختلفين لنفس الشركه او الاتصال بفرع و زيارة الاخر (للتأكد من نظام الشركه و هل سأسمع نفس الشروط فى المرتين ام سيكون هناك اختلاف)

برجاء المشاركه من كل من لديهم تجربه شخصيه مع الشركات المذكوره

الشركات التى فى المقارنه هى:
- وثاق للتأمين التكافلي
- بيت التأمين المصرى السعودى
- نايل تكافل
- المصريه للتأمين التكافلي
- المشرق العربي للتأمين التكافلي

نبدأ على بركة الله ...

- وثاق للتأمين التكافلي:

الانطباع العام عند زيارة الشركه: فرع سموحه بالأسكندريه منظم - جديد - استقبال ممتاز من أ/عبدالفتاح

1- السعر: %2.8 بدون تحمل 0.004 عند كل مطالبه و لكن مع تحمل 10% عند الأصلاح بالتوكيل (السعر غير شامل الدمغات و مصاريف الأصدار)
2- بدفع اولا ثم اقوم بحساب الشركه: نعم
3- مدة اصدار الشيك بعد استيفاء الورق المطلوب: 3 اسابيع
4- هل لديهم مراكز اصلاح معتمده: فى طريقهم للاتفاق مع مراكز اصلاح (الشركه تحاسب المركز مباشرة)
5- تغطية الخدوش: ممكن اذا كانت المطالبه معقوله
6- تحمل مع تكرار المطالبه: لا
7- الأصلاح بدون محضر حتى : 5000 جنيه
8- نسبة اهلاك اول عام: حوالى 5% على الاجزاء الميكانيكيه
9- تغطية الزجاج و الكاوتش: الزجاج عليه نسبة تحمل للعميل
10- تغطية الونش: ممكن تدفع 120 حنيه مع مبلغ التأمين مره واحده و تحصل على خدمة مساعدة الطريق مجانا .. شامله الونش و حتى الأمداد بالوقود فى الكمان الذى تعطلت فيه
11- خصم ثانى سنه عند عدم المطالبه: نسبة التأمين تقل ب 10% فى كل الأحوال (استهلاك)
12- المسئوليه المدنيه: حتى 10000 جنيه
13- نسبة الهلاك الكلى: 50%

.................................................. ......*

- بيت التأمين المصرى السعودى:

للأسف الورقه التى كتبت فيها الشروط ضاعت .. سوف استعين بالذاكره قدر الامكان
الانطباع العام عند زيارة الشركه: المكاتب غير منظمه - مسؤل التأمين استقبلى و هو يدخن حتى انتهاء استفسارى منه

1- السعر: 3.25 % بتحمل 0.004 و 4 % بدون (السعر قابل للتفاوض و التخفيض)
2- بدفع اولا ثم اقوم بحساب الشركه: نعم
3- مدة اصدار الشيك بعد استيفاء الورق المطلوب: لا اذكر
4- هل لديهم مراكز اصلاح معتمده: لا
5- تغطية الخدوش: لا اذكر
6- تحمل مع تكرار المطالبه: لا
7- الأصلاح بدون محضر حتى : 5000 جنيه
8- بسبة اهلاك اول عام: حوالى 5% على الاجزاء الميكانيكيه
9- تغطية الزجاج و الكاوتش: لا اذكر
10- تغطية الونش: ممكن حتى 50 جنيه
11- خصم ثانى سنه عند عدم المطالبه: ممكن
12- المسئوليه المدنيه: 10000 جنيه
13- نسبة الهلاك الكلى: 50 %

............................................*

المشاركة الأصلية كتبت بواسطة nour_nrc

طيب انا مش عارف ايه احسن واحدة فيهم معلش انا مش بافهم اقوي في النسب

انا عامل الموضوع ده علشان اسمع تجارب الناس الفعليه مع الشركات دى .. علشان الكلام حاجه ووقت التعويض الفعلى و اجراءاته حاجه تانيه

فأنا عاوز أعرف من أعضاء المنتدى إذا كان حد فيهم ليه تجربة تعويض مع اى شركه فيهم أو لا

عن نفسى انا استبعدت (بيت التأمين المصرى السعودى) علشان مستريحتش للمندوب بتاعهم زائد موقف حصل مع واحد صحبى عندهم

استبعدت كمان نايل علشان عندهم تحمل 150 جنيه عن كل حادث

المصريه للتأمين التكافلي السعر: 3% بدون اى تحملات (ولا حتى ال 10 % اصلاح توكيل خلال اول عام فقط) ودى ميزه مهمه

وثاق اقل نسبه تأمين و حسيت انهم منظمين و كمان استريحت فى التعامل مع فرع اسكندريه

المشرق العربي للتأمين التكافلي ميزتهم ان عندهم مراكز صيانه متعاقدين معاهم ( الشركه تحاسب المركز مباشرة)