فى اى حد قابلته مشكلة فى فرامل اللينيا يعنى جه يفرمل فجاة ملقاش فرامل او لقى مشوار الدواسة طول منه او حس ان العربية خدت وقت علشان تقف
عرض للطباعة
فى اى حد قابلته مشكلة فى فرامل اللينيا يعنى جه يفرمل فجاة ملقاش فرامل او لقى مشوار الدواسة طول منه او حس ان العربية خدت وقت علشان تقف
معلش و بدون مؤاخذة
هو ايه علاقة عنوان الموضوع بالموضوع ؟؟؟؟
و ليه السؤال ده عندك مشكلة في اللينيا بتاعتك؟؟؟
اصلك بصراحة سيبت ركبي على عربية نص المنتدي معاه زيها و محدش اشتكي من حاجة زي كده غير ان احمد اللي معاه اللينيا تربو دايما بركب معاه العربية و الفرامل فوق الوصف و ياريت بلاش عناوين المواضيع اللي تفزع ديه و ممكن تسوء سمعة العربية من مجرد قراية عنوان موضوع
ديه لينيا يا باشا عربية اوروبي عندهم الأمان نمرة واحد مش عربية مش معروف ليها مصدر زي عربيات كتير!
عموما استني بليل شوية هيردو عليك بتوع اللينيا بس ياريت تجاوب علي تاني سؤال علشان نعرف لو في مشكلة عندك في العربية
اولا شكرا لردك
ثانيا انا اعتبر من اول ملاك اللينيا فى المنتدى و انا عارف كويس اوى يعنى ايه لينيا و يعنى ايه فيات و انا مش بسوء سمعة العربية و لكن انا بسال سوال علشان انا ركوب العربية بالنسبة ليا احساس ة بحس بابسط حاجة بتحصل فى العربية و فى الفترة الاخيرة لاحظت ان مشوار الدواسة طول و للاسف والدى و هو راجع القاهرة بالعربية على الصجراوى عربية مقطورة خبطته و جه يدوس فرامل ملاقهاش خالص و العربية اتقلبت بيه
الغريب فى الموضوع ان الفرامل قبلها كانت كويسة جدا و العربية ذى الفل و وقت الحادثة الايرباج مفتحش و الفرامل اختفت علشان كده انا عاوز اعرف العيب منين هل عيب صناعة و لا عيب فردى فى العربية ده
!!!!!!!!!!!!!!!
حمد لله على سلامة والدك
معقول ما فيش فرامل خالص ؟؟
الله يسلمك ياباشا و بيعد عنك الشرور
نهائى و هو ده اللى مخلينى هاتجن عربية زيرو و عامله 5000 كيلو و تعمل كده يبقى فيه حاجة غلط
الحمد لله على سلامة الوالد ،ربنا يعوض عليكم .
أول حاجة حمد الله على سلامة الواد (أنا قابلته شخصيا في التوكيل) ومفيش حاجة في الفرامل عندي أنا عامل بيها 20 الف (وجبتها بعد ما قريت موضوعك عنها)
وده غالبا المستر ضرب!!!
والعربيه لما إتقلبت إتخبطت في صدر العربيه ولا لأ لإن لو خبطت الصدر يبقى ترفع عليهم قضيه غير كده لأ لإن العربيه عندك 2 إيرباج بس
شكرا يا احمد على ردك
العربية متخبطتش من ادام اتخبطت فى الجنب الشمال كله و الشنطة
طيب هل من المنطقى ان المستر يضرب بالسرعة ديه ده انا الشاهين معايا لسة مغيرلها الماستر بعد 130000 كيلو
انا صدقنى مستغرب الموقف و مش عارف اعمل ايه
انا عارف ان العربية ده محترمة و مايطلعش منها الحركات ديه بس اقول ايه ارادة ربنا كده
الف حمد لله علي سلامتك و سلامة الوالد
اعتقد في حالتك الماستر ضرب بالنسبة الايرباجز ديه اتخبطت من الجمب و الشنطه ة انت عندك الاثنين الاماميين مش هيفتحوا طبعا
معلش قدر الله ما شاء فعل
ايه الخساير طيب ؟
بالظبط كدا زي ما يوكو قالك خلي التوكيل يبص عليها (رغم انا خايف يكون كان فيها حاجة و التوكيل يقول مافيهاش منعا للتشويش) لو فعلا الماستر كان في حاجة او اي حاجة في منظومة الفرامل يبقي فيه كلام تاني ما تسكتش و لازم تاخد حقك ! دي فرامل كان ممكن لا قدر الله الحادثة تؤدي للوفاة و حمد لله علي السلامة
قدر الله و ما شاء فعل المهم الوالد بخير ؟؟
ربنا يعوض عليك
موضوع الفرامل اتأكد ان والدك داس فرامل اصلاً لان واحد صاحبي لسه عامل حادثه قريب بلانسر مع مقطوره(حسبي الله ونعم الوكيل) نفس حادثة والدك بالظبط واتلخبط وداس بنزين بدل فرامل وجه ينقل رجله عالفرامل كانت بترتعش ومعرفش يدوس كويس واتقلب والايرباج مفتحش لانه مخبطش من قدام حتى فوانيسه كانت سليمه
حمد لله على سلامة الوالد.... :)
حمدلله على سلامة الوالد وياريت تبلغه سلامى عشان انا قعدت مع والدك وتحدثت معاه فوق الساعتين وهو راجل يندر وجوده الايام دى.
اما بخصوص العربية ان شاء الله احاول اعرف انا ويوكو ايه نية التوكيل بخصوصها.
يا ساتر يا رب
المهم والدك بخير الف حمد و شكر لله و ربنا يباركلك في عمره يا رب
و بالنسبة للعربية يوكو و damasry اللي يقدرو يفيدوك
العربيه التقدير المبدأي كده
عفشه أمامي شمال (بالكوبلن بعلبة الدركسيون)
صدر بكل الي حواليه
بابين ورفرفين وشنطة وكبوت
دونجل
مساعد خلفي
وربنا يستر وفي أقرب وقت هنكلم الإدارة ونشوف الدنيا فيها إيه
لا حول ولا قوة الا بالله و قدر الله ما شاء فعل الف حمدلله على سلامة والدك اهم حاجة
و ربنا يعوض عليك
yoko باشا انا مش مأمن عليها و هى العربية فعلا فى التوكيلاقتباس:
حضرتك مأمن عليها؟؟؟
على العموم خلي التوكيل يبص عليها لإن لو فعلا المستر ضرب لوحده لازم يتصرفوا مع فيات الأم
وفيه إحتمال يكون الوالد من الخضة مدش فرامل كويس (حصلت معايا قبل كده -بكرولا-)
صعب قوى ان الوالد ميدسش فرامل لانه بقالها اكثر من 30 سنة بيسوق و هو من النوع اللى اعصابه هادية و متحكم اوى و انته قابلته شخصيا و يمكن لاحظت كده
اقتباس:
الف حمد لله علي سلامتك و سلامة الوالد
اعتقد في حالتك الماستر ضرب بالنسبة الايرباجز ديه اتخبطت من الجمب و الشنطه ة انت عندك الاثنين الاماميين مش هيفتحوا طبعا
معلش قدر الله ما شاء فعل
ايه الخساير طيب ؟
الله يسلمك ياباشا و يبعد عنك الشروراقتباس:
بالظبط كدا زي ما يوكو قالك خلي التوكيل يبص عليها (رغم انا خايف يكون كان فيها حاجة و التوكيل يقول مافيهاش منعا للتشويش) لو فعلا الماستر كان في حاجة او اي حاجة في منظومة الفرامل يبقي فيه كلام تاني ما تسكتش و لازم تاخد حقك ! دي فرامل كان ممكن لا قدر الله الحادثة تؤدي للوفاة و حمد لله علي السلامة
لو الماستر ضرب طبعا هيبقى فى كلام تانى و بعدين انا مش عاوز افترض سوء النية فى الناس فخلينا معاهم للاخر
انا حقيقى لغاية دلوقت شايف معاملة قمة فى الاحترام و التزام فى الكلام اللى بيقولوه
الخساير من اللى انا شفته الجنب الشمال بالكامل هيتغير الرفرف الامامى و الخلفى و الباب الامامى و الخلفى و المراية الجنب
الاكصدام الامامى و الخلفى و الشبكة
الفانوس الامامى و الخلفى شمال و الغماز الشمال
المقص الشمال و الكويلن و الجنط الامامى شمال
للاسف غطا الموتور مكبوس فى العربية و معرفتش افتحه علشان اعرف فيه ايه فى الموتور و الميكانيكا
ماهو اللى انا متاكد منه انه داس فرامل و يمكن انا قولت السبباقتباس:
ربنا يعوض عليك
موضوع الفرامل اتأكد ان والدك داس فرامل اصلاً لان واحد صاحبي لسه عامل حادثه قريب بلانسر مع مقطوره(حسبي الله ونعم الوكيل) نفس حادثة والدك بالظبط واتلخبط وداس بنزين بدل فرامل وجه ينقل رجله عالفرامل كانت بترتعش ومعرفش يدوس كويس واتقلب والايرباج مفتحش لانه مخبطش من قدام حتى فوانيسه كانت سليمه
ربنا يعوض عليكم .
الحمد لله على سلامة والدك وقدر الله وماشاء فعل واجاركم الله فى مصيبتكم واخلفكم بخيرا منها