| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 9 من 9

  1. #1

    الصورة الرمزية AshTurbo

    رقم العضوية : 19705

    تاريخ التسجيل : 21Sep2008

    المشاركات : 1,866

    النوع : ذكر

    الاقامة : Alexandria

    السيارة: ...

    السيارة[2]: Hyundai Elantra 2012

    دراجة بخارية: ......

    الحالة : AshTurbo غير متواجد حالياً

    Lightbulb أية رأيكم في مشروع مطعم وجبات سريعة ؟ - Facebook Twitter whatsapp انشر الموضوع فى :

    hasad">

    أترددت قبل ما أكتب الموضوع دة ولكن في الآخر قولت أدينا بندردش مع بعض وكلنا بنفيد وبنستفيد ... ندخل في الموضوع طبعاً كلنا عارفين ان الأكل والشرب حاجتين الناس بتستهلكهم كل يوم واكثر من مرة في اليوم والحمد لله عندنا وفرة في البشر تضمن للمشروع دة النجاح بأذن الله وتوفيقه ومن زمان بفكر أعمل مشروع خاص بي ويكبر معايا لحد ما يوصل لسلسلة مطاعم( ليه لأ) المهم الفلوس موجودة والحمد لله ومش محتاج أخد قرض وأدفع فوائد كل سنة وطبعاً أنتم عارفين الفوائد على القروض عندنا نار جهنم فالحمد لله مش هأشيل هم فوائد .

    المطلوب من الأعضاء الأفاضل اللي ليهم خبرة أو تجربة أو حتى معلومة ممكن يضيفوها هنا عن الآتي :

    1- عن رأس المال المقترح للبدأ .
    2- عن التراخيص والتجهيزات والمعدات والعمالة .
    3- عن الموقع المفضل (في أسكندرية) .
    4- عن العائد المادي السنوي المتوقع بالنسبة المئوية .
    5- هل من الأفضل أني أعمل المشروع لوحدي ولا ممكن شريك معايا (أحد أقاربي) .
    6- رأيكم بوجه عام عن المشروع .
    7- دي أهم نقطة بالنسبة لي وهو أني معنديش أدنى فكرة عن ادارة أي مشروع ولكن عندي الطموح والعزيمة والحمد لله ثم أني مش هطبخ ولا هغسل ولا هأعمل أي حاجة في مجال التخصص دة أنا هأجيب ناس عندهم خبرة في المجال دة تشغل المطعم وأنا الأدارة أو حتى أجيب مدير للمطعم مش مشكلة وهتابع معاه بكل تأكيد فهل أقدر أبتدي كدة ولا أشتغل الأول كعامل مثلاً في مطاعم وجبات سريعة زي ماك أو كنتاكي أو أي حاجة كويسة عشان أخد خبرة وأنا عندي أستعداد أتبهدل يعني عادي مش هتفرق معايا في سبيل أني أتعلم وآخد خبرة بدل ما آخد شهادات وخبرات وفي الآخر أشتغل كبيري ب 1500 جنيه حد هيقولي ممكن ب 3000 ممكن ب 5000 ( لو 5500 ممكن أبتدي أفكر ) طيب ليه ما أبقاش صاحب عمل وأكسب أكتر من كدة وآخد كمان ثواب في تشغيل الشباب المصري المكافح والمجتهد وأبقى ساهمت في حل مشكلة من مشاكل شباب بلدي وشكراً مقدماً لكل من يشارك وربنا يجعله في ميزان حسناته .


  2. #2

    الصورة الرمزية mynameh

    رقم العضوية : 31226

    تاريخ التسجيل : 26Jan2009

    المشاركات : 356

    النوع : ذكر

    الاقامة : cairo

    السيارة: banda

    السيارة[2]: 128

    الحالة : mynameh غير متواجد حالياً

    افتراضي -

    بصراحة الفكرة دي في دماغي بقالها فترة بس المشكلة البداية في كل حاجة :
    1 طبعا راس المال هيكون في حدود كام
    2 العمالة عددها بالنسبة لحجم النشاط اد اية ؟
    يعني و كذا حاجة تانية بس كل بيكون مترتب علي راس المال
    ياريت اللي يعرف يقول

    و اللي بيكسب اكتر " محل فول و طعمية " بس دي انا شوفت مكسبة قبل كدة بس الفكرة مش سهل انك تفتح محل فول و طعمية من نفسك كدة دة لازم تكون عارف واحد " حبيبك " حط تحتها 100 خط عشان يدلك تعمل اية بالظبط عشان متخسرش


  3. #3

    الصورة الرمزية hazemhany

    رقم العضوية : 46067

    تاريخ التسجيل : 03Sep2009

    المشاركات : 500

    النوع : ذكر

    الاقامة : Giza

    السيارة: البلد دي مينفعهاش غير فيرنا ولانوس!

    السيارة[2]: Chevrolet Lanos 2013

    دراجة بخارية: kkk

    الحالة : hazemhany غير متواجد حالياً

    افتراضي -

    طالما عايز تعمل مشروع يبقي لازم لازم خبرة عشان لازم انت تبقي فاهم كل كبيرة وصغيرة في الشغل وبالتالي تقدر تحاسب اي واحد لو قصر ...انما انت تبقي صاحب راس المال ومتفهمش اي حاجة في المشروع كده هيبقي نسبة فشله كبيرة وهتبقي بترمي فلوسك في الارض ..اتعلم في اي مطعم مش شرط كبير شوف نظام الشغل ازاي. المعدات ايه.. ايه الاصناف اللي عليها اقبال .طريقة التعامل مع العمال ..هامش الربح اد ايه ... بعد كده بقي افتح مشروعك وانت مستريح وحاطط في بطنك بطيخة صيفي ..انابقلك الكلام ده من واقع تجربة ..والدي كان عايز يعمل مشروع زي ده وكان معاه الفلوس ومشارك واحد في الادارة وطبعا والدي لا يفقه شيء في هذا المجال وللاسف اتضحك عليه ..

    ولو نويت خلاص ابقي بص ع الموضوع ده http://www.nilemotors.net/Nile/177453-a.html


  4. #4

    الصورة الرمزية hany_mohamed

    رقم العضوية : 65558

    تاريخ التسجيل : 18Mar2010

    المشاركات : 717

    النوع : ذكر

    الاقامة : Alexandria

    السيارة: -

    السيارة[2]: Nissan

    دراجة بخارية: -

    الحالة : hany_mohamed غير متواجد حالياً

    افتراضي -

    فكرة كويسة جدا
    الفترة الاخيرة انا ملاحظ ان فى سلسلة مطاعم ابتدت تحقق نجاح كويس فى اليكس بتقدم وجبات خفيفة وكمان مشروبات
    بس المكان بيكون متجهز حلو جدا ومتكلف كويس على نظام ديلايت و هاريس
    هى دى الفكرة اللى تاجحة الان انك بتقدم نظام ضيافة ممتاز
    وربنا يوفقك


  5. #5

    الصورة الرمزية m_car

    رقم العضوية : 72705

    تاريخ التسجيل : 09Jun2010

    المشاركات : 407

    النوع : ذكر

    الاقامة : Alex _ Behiera

    السيارة: لما اجيب الاول .. وهجيب التانية

    السيارة[2]: لسه بدور علشان تعبت من المواصلات

    الحالة : m_car غير متواجد حالياً

    افتراضي -

    الفكرة الصح انك تروح تشتغل فى مطعم فترة تاخد خبرة ومن ناحية تانية تقدر تجمع معلومات ومن تانية تقدر تعمل عمالة وناس تشتغل معاك وربنا يوفقك

    ومن هنا تقدر انك تجمع تبدا بكام المشروع وكل حاجة عنه

    والله بحبك يامصر
    عارفه سواد العسل اهو ده اللى حالك ليه وصل قوليلى ازاى مكمله


  6. #6

    الصورة الرمزية Ahmed Anwer

    رقم العضوية : 794

    تاريخ التسجيل : 27May2007

    المشاركات : 3,700

    النوع : ذكر

    الاقامة : Cairo

    السيارة: هيونداي فيرنا أوتوماتيك 2007

    السيارة[2]: رينو فلوينس

    دراجة بخارية: No

    الحالة : Ahmed Anwer غير متواجد حالياً

    افتراضي -

    ممكن تعمل مكان صغير تبتدي و تشتغل ديلفيري بس و تعمله دعاية كويسة علي البيوت

    أعتقد المكان الكبير لازم يكون في موقع مميز و مساحة كبيرة و طبعا ديكورات و تكييفات الخ

    و ممكن كمان تدور بره علي فكرة جديدة في الأكل بره مصر و يأما تاخد توكيلها في مصر

    ياما تقلدها

    بص مثلا دي سلسلة مطاعم كندية متخصصة في الشوربة بس

    Zoup! Fresh Soup Company

    بس مش اي شوربة أنواع و مذاقات كتير جدا و بتشربها في علب زي الحاجة الساقعة

    و فيه كمان سلاسل محلات للبطاطس بس

    و برده مش اي بطاطس ،،، بطاطس بكذا طعم و شكل

    يعني شوف افكار جديدة عشان تضرب معاك إن شاء الله


  7. #7

    الصورة الرمزية pro_samir

    رقم العضوية : 11181

    تاريخ التسجيل : 21May2008

    المشاركات : 5,568

    النوع : ذكر

    الاقامة : NULL value in a database

    السيارة: BMW E34 - 518i

    السيارة[2]: Toyota Starlet EP80

    دراجة بخارية: Toktok Coupe

    الحالة : pro_samir غير متواجد حالياً

    افتراضي -

    فكره انك تشتغل في اي مطعم الأول علشان تاخد خبره فكره ممتازه

    لأن مشكله المشروع ده ان كل الفلوس هتتصرف في التجهيزات تشطيب وديكور وترابيزات وكراسي وتكييفات ومطبخ ...

    يعني لا قدر الله لو الموضوع ممشيش هتكون الخساره كبيره بعكس انه يكون مشروع تجاري هيبقي عندك حاجه تقدر تبيعها ، علشان كده لازم تركز كويس ومتتسرعش

    ودايما حط نفسك مكان الزبون اللي بيدخل المكان ومتفوتش حاجه حتي لو صغيره

    فكره ان تشارك حد دي سلاح ذو حدين ، يعني هتلاقي حد يشاركك بالأفكار ويشيل معاك المسؤليه لكن برضو احتمال حدوث المشاكل كبير وده بيتوقف علي الشريك ، لو شايف انك تقدر تشيل الموضوع يبقي بلاش شراكه

    وكمان فكره مطعم شعبي ممتازه ومكسبها كويس زباينها كتير ،، بس برضو لازم خبره علشان تبقي عارف انت داخل علي ايه وكل شويه تتفاجئ بحاجه

    وكذلك فكره الأصناف المميزه اللي مش موجوده عند حد بس ميبقاش النشاط قائم عليها بس دي تكون بجانب الشغل الأساسي

    ربنا ييسرلك الحال ونبقي نجيب الأكل في المقابلات من عندك

    Mohamed Samir

    '


  8. #8

    الصورة الرمزية haythamkmal

    رقم العضوية : 5295

    تاريخ التسجيل : 06Feb2008

    المشاركات : 1,069

    النوع : ذكر

    الاقامة : Mokatam

    السيارة: Civic 2010

    السيارة[2]: Civic 92,98,08

    دراجة بخارية: لا

    الحالة : haythamkmal غير متواجد حالياً

    افتراضي -

    اولا اتمنى لك التوفيق والنجاح ، اكيد العمل الحر افضل كثيرا حتى لو بدخل اقل من العمل لدى اى شخص اخر.
    ومن واقع تجاربى لازم تجيب حد امين ومتخصص يدر المكان فى الاول لحد ما انت تتعلم ، لانى للاسف مريت بنفس التجربة فى بداية حياتى وخسرت حوالى 35000 بسبب الافتاءات ، طبعا المجال كان بالنسبه لى جديد فكان كل واحد سواء زبون او صديق او اى حد معدى بيبقى لى راى فى الادارة والصنايعية و الاكل وطريقة عملة ، وللاسف عشان مكانش عندى الخبره الكافية كنت بمشى وراء بعض الاراء ، ده غير طبعا عدم الدراية الكافية باسرار المهنة ، والاختار الجيد للعمال (كامثال الشف غالب ، اللى اول ما جالى قالى 45 نوع سلطة بيعملهم وطلع فى الاخر مبيعرفش يعمل هوت دوج) .

    هختصر عليك ، دى بعض انصائح :

    - الاختيار الدقيق لمكان المطعم (قريب من جامعة ، داخل مول، قريب من مدينة جامعية ، داخل مول )

    - بالنسبة للاجهزه ... فى مطاعم كتير بتبقى لسة فاتحة ومبيقدروش يكملوا وبيبيعو الاجهزه بتاعتهم بنصف الثمن تقريبا، انا اعرف واحد عمل الموضوع ده مع مطعم كان فاتح فى سيتى ستارز واشترى الاجهزة تقريبا بنصف الثمن، وده طبعا هيقلل من الخسارة لا قدر الله لو حبيت تصفى المحل بعد كدة .

    - الشكل الخراجى والديكور ... من اهم الحاجات اللى بتشد الناس عشان تدخل المطعم ، ده بالاضافى للنظافه طبعا واللى لازم تكون موجودة فى الاماكن المستخبية قبل الاماكن الظاهره .

    - اهم نقطة الاختيار الجيد للعمال فى البداية ، لان ده بيدى الانطباع الاول عن المطعم واللى هيحدد سمعتة بعد كدة .

    - اللى تكتبة فى المنيو يكون هو الموجود عندك ، مينفعش نص اللى فى المنيو ميكونش موجود ، الموضوع ده بيضيع المصادقية بينك وبين العميل.

    - متمعش ارارء كل من هبد ودب ، وهات فى البدايو مدير للمكان يكون ليه خبرة فى مكان ناجح .

    - متستناش مكسب فى اول سنه .

    دى النصايح اللى فى دماغى دلوقتى ولو افتكرت حاجة تانية هاقولك عليها

    وبالتوفيق ان شاء الله

    يا نفس لا تقنطي من زلةٍ عظمت إن الكبائر في الغفران كاللمم
    لعل رحمة ربي حين يقسمها تأتي على حسب العصيان في القسم
    يارب الطف بعبدك في الدارين إن له صبراً متى تدعه الأهوال ينهزم


  9. #9

    الصورة الرمزية AshTurbo

    رقم العضوية : 19705

    تاريخ التسجيل : 21Sep2008

    المشاركات : 1,866

    النوع : ذكر

    الاقامة : Alexandria

    السيارة: ...

    السيارة[2]: Hyundai Elantra 2012

    دراجة بخارية: ......

    الحالة : AshTurbo غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة mynameh مشاهدة المشاركة
    بصراحة الفكرة دي في دماغي بقالها فترة بس المشكلة البداية في كل حاجة :
    1 طبعا راس المال هيكون في حدود كام
    2 العمالة عددها بالنسبة لحجم النشاط اد اية ؟
    يعني و كذا حاجة تانية بس كل بيكون مترتب علي راس المال
    ياريت اللي يعرف يقول

    و اللي بيكسب اكتر " محل فول و طعمية " بس دي انا شوفت مكسبة قبل كدة بس الفكرة مش سهل انك تفتح محل فول و طعمية من نفسك كدة دة لازم تكون عارف واحد " حبيبك " حط تحتها 100 خط عشان يدلك تعمل اية بالظبط عشان متخسرش
    أشكرك على ردك الجميل وبالنسبة لموضوع أن أشوف واحد يكون حبيبي دي أعتقد عدى زمانها ومفيش حاجة هتشتغل لو أعتمدت على حبيبي الدنيا ما بقتش زي الأول بكل أسف ولكن في حاجة أسمها المصالح المتبادلة يعني المساعدة مقابل المال وهو دة اللي ماشي دلوقتي .

    اقتباس المشاركة الأصلية كتبت بواسطة hazemhany مشاهدة المشاركة
    طالما عايز تعمل مشروع يبقي لازم لازم خبرة عشان لازم انت تبقي فاهم كل كبيرة وصغيرة في الشغل وبالتالي تقدر تحاسب اي واحد لو قصر ...انما انت تبقي صاحب راس المال ومتفهمش اي حاجة في المشروع كده هيبقي نسبة فشله كبيرة وهتبقي بترمي فلوسك في الارض ..اتعلم في اي مطعم مش شرط كبير شوف نظام الشغل ازاي. المعدات ايه.. ايه الاصناف اللي عليها اقبال .طريقة التعامل مع العمال ..هامش الربح اد ايه ... بعد كده بقي افتح مشروعك وانت مستريح وحاطط في بطنك بطيخة صيفي ..انابقلك الكلام ده من واقع تجربة ..والدي كان عايز يعمل مشروع زي ده وكان معاه الفلوس ومشارك واحد في الادارة وطبعا والدي لا يفقه شيء في هذا المجال وللاسف اتضحك عليه ..

    ولو نويت خلاص ابقي بص ع الموضوع ده http://www.nilemotors.net/nile/177453-a.html
    عندك حق الواحد لازم ياخد خبرة في المجال اللي هو هيشتغل فيه أحسن ما يطبش ويخسر فلوسه وعلى فكرة الخسارة اللي ما تكسرنيش تقويني ولولا الخسارة مكانش يبقى في نجاح ومتزعلش أنك خسرت مبلغ زي دة وأفتكر المقولة دي ( العلام مش ببلاش ) وبالتوفيق أن شاء الله في بيع المعدات بتاعتك بأحسن سعر وأشكرك على ردك الرائع .

    اقتباس المشاركة الأصلية كتبت بواسطة hany_mohamed مشاهدة المشاركة
    فكرة كويسة جدا
    الفترة الاخيرة انا ملاحظ ان فى سلسلة مطاعم ابتدت تحقق نجاح كويس فى اليكس بتقدم وجبات خفيفة وكمان مشروبات
    بس المكان بيكون متجهز حلو جدا ومتكلف كويس على نظام ديلايت و هاريس
    هى دى الفكرة اللى تاجحة الان انك بتقدم نظام ضيافة ممتاز
    وربنا يوفقك
    بالظبط كدة دة اللي نفسي فيه حاجة تكون شيك جداً والناس تحس أنها في بيتها مش في مكان غريب وفي نفس الوقت تكون بسيطة مش بهرجة جامدة ومصاريف كبيرة لأن الواحد بردوا أول مشروع يعمله وخايف يخسر لا قدر الله والفلوس أهلي تعبوا فيها وهيأتمنوني عليها يعني لو كانت فلوسي أنا مكنتش فكرت التفكير دة كله فالحكاية صعبة جداً بالنسبالي وشبح الفشل دايماً يطلع قدامي وينطلي ونفسي أتغلب عليه أزاي بقى أكيد هيبقى بالخبرة والتجربة والدخول في قلب نشاط مطاعم الوجبات السريعة وشكراً جزيلاً لرأيك المميز .

    اقتباس المشاركة الأصلية كتبت بواسطة m_car مشاهدة المشاركة
    الفكرة الصح انك تروح تشتغل فى مطعم فترة تاخد خبرة ومن ناحية تانية تقدر تجمع معلومات ومن تانية تقدر تعمل عمالة وناس تشتغل معاك وربنا يوفقك

    ومن هنا تقدر انك تجمع تبدا بكام المشروع وكل حاجة عنه
    عندك حق وأن شاء الله هشوف محل يكون قريب من الفكرة اللي في دماغي وأحاول ألاقي شغل فيه مدة كافية وبعدها هبدأ مشروعي بأذن الله وشكراً لرأي حضرتك .



    اقتباس المشاركة الأصلية كتبت بواسطة ahmed anwer مشاهدة المشاركة
    ممكن تعمل مكان صغير تبتدي و تشتغل ديلفيري بس و تعمله دعاية كويسة علي البيوت

    أعتقد المكان الكبير لازم يكون في موقع مميز و مساحة كبيرة و طبعا ديكورات و تكييفات الخ

    و ممكن كمان تدور بره علي فكرة جديدة في الأكل بره مصر و يأما تاخد توكيلها في مصر

    ياما تقلدها

    بص مثلا دي سلسلة مطاعم كندية متخصصة في الشوربة بس

    zoup! Fresh soup company

    بس مش اي شوربة أنواع و مذاقات كتير جدا و بتشربها في علب زي الحاجة الساقعة

    و فيه كمان سلاسل محلات للبطاطس بس

    و برده مش اي بطاطس ،،، بطاطس بكذا طعم و شكل

    يعني شوف افكار جديدة عشان تضرب معاك إن شاء الله
    تقريباً كلامك هو أقرب حاجة للفكرة اللي في دماغي مكان بسيط ومميز وبيقدم أكل مميز بجانب الأكل اللي ممكن يتاكل في أي حته بره وكمان طريقة تقديم مميزة مش موجودة في أي مطعم يعني عاوز حاجة فانتازيا كدة ولكن بحدود وتكون شيك وبسيطة شكراً جداً على رأيك المفيد والمميز .


    اقتباس المشاركة الأصلية كتبت بواسطة pro_samir مشاهدة المشاركة
    فكره انك تشتغل في اي مطعم الأول علشان تاخد خبره فكره ممتازه

    لأن مشكله المشروع ده ان كل الفلوس هتتصرف في التجهيزات تشطيب وديكور وترابيزات وكراسي وتكييفات ومطبخ ...

    يعني لا قدر الله لو الموضوع ممشيش هتكون الخساره كبيره بعكس انه يكون مشروع تجاري هيبقي عندك حاجه تقدر تبيعها ، علشان كده لازم تركز كويس ومتتسرعش

    ودايما حط نفسك مكان الزبون اللي بيدخل المكان ومتفوتش حاجه حتي لو صغيره

    فكره ان تشارك حد دي سلاح ذو حدين ، يعني هتلاقي حد يشاركك بالأفكار ويشيل معاك المسؤليه لكن برضو احتمال حدوث المشاكل كبير وده بيتوقف علي الشريك ، لو شايف انك تقدر تشيل الموضوع يبقي بلاش شراكه

    وكمان فكره مطعم شعبي ممتازه ومكسبها كويس زباينها كتير ،، بس برضو لازم خبره علشان تبقي عارف انت داخل علي ايه وكل شويه تتفاجئ بحاجه

    وكذلك فكره الأصناف المميزه اللي مش موجوده عند حد بس ميبقاش النشاط قائم عليها بس دي تكون بجانب الشغل الأساسي

    ربنا ييسرلك الحال ونبقي نجيب الأكل في المقابلات من عندك
    ماهو أنا عرفت أن المعدات لوحدها غالية جداً دة غير التجهيزات عشان كدة بفكر في حاجة أبسط من كدة وتقدر تنافس الحاجات الجامدة جداً اللي فيها تجهيزات كبيرة على الأقل في الأول لحد ما ربنا يكرمني وأتوسع لو كان لي نصيب وبالنسبة للشراكة أنا جربتها وفشلت وأتعقدت وفقدت الثقة بكل من حولي عشان كدة حتى قرايبي عاوزين يشاركوني ولكن لسه متردد .... بالنسبة لموضوع أنكم تشتروا من عندي فدة شيء يشرفني وأفتخر بيه وهبقى أعملكم خصم محترم كل مرة تيجوا تاكلوا عندي بس ربنا يوفق وشكراً لرد حضرتك الجميل .


    اقتباس المشاركة الأصلية كتبت بواسطة haythamkmal مشاهدة المشاركة
    اولا اتمنى لك التوفيق والنجاح ، اكيد العمل الحر افضل كثيرا حتى لو بدخل اقل من العمل لدى اى شخص اخر.
    ومن واقع تجاربى لازم تجيب حد امين ومتخصص يدر المكان فى الاول لحد ما انت تتعلم ، لانى للاسف مريت بنفس التجربة فى بداية حياتى وخسرت حوالى 35000 بسبب الافتاءات ، طبعا المجال كان بالنسبه لى جديد فكان كل واحد سواء زبون او صديق او اى حد معدى بيبقى لى راى فى الادارة والصنايعية و الاكل وطريقة عملة ، وللاسف عشان مكانش عندى الخبره الكافية كنت بمشى وراء بعض الاراء ، ده غير طبعا عدم الدراية الكافية باسرار المهنة ، والاختار الجيد للعمال (كامثال الشف غالب ، اللى اول ما جالى قالى 45 نوع سلطة بيعملهم وطلع فى الاخر مبيعرفش يعمل هوت دوج) .

    هختصر عليك ، دى بعض انصائح :

    - الاختيار الدقيق لمكان المطعم (قريب من جامعة ، داخل مول، قريب من مدينة جامعية ، داخل مول )

    - بالنسبة للاجهزه ... فى مطاعم كتير بتبقى لسة فاتحة ومبيقدروش يكملوا وبيبيعو الاجهزه بتاعتهم بنصف الثمن تقريبا، انا اعرف واحد عمل الموضوع ده مع مطعم كان فاتح فى سيتى ستارز واشترى الاجهزة تقريبا بنصف الثمن، وده طبعا هيقلل من الخسارة لا قدر الله لو حبيت تصفى المحل بعد كدة .

    - الشكل الخراجى والديكور ... من اهم الحاجات اللى بتشد الناس عشان تدخل المطعم ، ده بالاضافى للنظافه طبعا واللى لازم تكون موجودة فى الاماكن المستخبية قبل الاماكن الظاهره .

    - اهم نقطة الاختيار الجيد للعمال فى البداية ، لان ده بيدى الانطباع الاول عن المطعم واللى هيحدد سمعتة بعد كدة .

    - اللى تكتبة فى المنيو يكون هو الموجود عندك ، مينفعش نص اللى فى المنيو ميكونش موجود ، الموضوع ده بيضيع المصادقية بينك وبين العميل.

    - متمعش ارارء كل من هبد ودب ، وهات فى البدايو مدير للمكان يكون ليه خبرة فى مكان ناجح .

    - متستناش مكسب فى اول سنه .

    دى النصايح اللى فى دماغى دلوقتى ولو افتكرت حاجة تانية هاقولك عليها

    وبالتوفيق ان شاء الله

    ياترى عملت أية بعد المشكلة اللي حصلت هل كملت في نفس المجال ولا أعتزلت لأن أنا شايف أنك أتعلمت الدرس وأخدت خبرة فهل أستفدت من النقطتين دول ولا كرهت الموضوع كله ... بالنسبة لموضوع الديكور والشكل الخارجي والموقع والمكان من الداخل أنا في دماغي حاجات كتير ولكن هتكون كلها حاجات شيك ومميزة بأذن الله والنصائح اللي ذكرتها مفيدة جداً جزاك الله خيراً وأتمنى لك كل التوفيق وشكراً على ردك المميز .



 

المواضيع المتشابهه

  1. مشروع هايل محتاج رأيكم
    بواسطة nourco123 في المنتدى أوبـــــل
    مشاركات: 14
    آخر مشاركة: 14-11-2017, 03:53 AM
  2. عاوز أعمل مشروع .. زهقت من الشغل .. بفكر ف مشروع مطعم كريب
    بواسطة mxz911 في المنتدى المنتــــــدى الاجتمــاعى
    مشاركات: 16
    آخر مشاركة: 17-02-2013, 05:05 PM
  3. طابلوه كيا سيراتو مطعم بلابانوس ... ايه رأيكم فيه ؟؟
    بواسطة hossam_elwani في المنتدى كـــــيا
    مشاركات: 23
    آخر مشاركة: 08-11-2012, 05:54 PM
  4. مشروع مطعم تاك اوى لأصحاب الخبرة
    بواسطة Ahmed_Elkhateb في المنتدى المنتــــــدى الاجتمــاعى
    مشاركات: 3
    آخر مشاركة: 01-04-2011, 12:44 PM
  5. رأيكم فى مشروع مركز صيانة
    بواسطة tananybasha في المنتدى أوبـــــل
    مشاركات: 82
    آخر مشاركة: 05-09-2010, 10:57 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2