العربية اتبرجلت في الrpm

**amagroup** · 01-09-2010 07:17 PM

انا عملت زي ماقرأت ورشيت الكاربرتير بمنظف والعربية نظفت بس الاوتوماتيك بتاع التسخين انبرجل معرفش ليه

الاقي عداد الrpm طالع نازل قدامي ثانية علي 10 وثانية علي8 وثانية علي 9 وسعات ينزل خالص لدرجه ان العربية هتبطل وسعات بتبطل فعلا كشفت العمه وبصيت معرفتش ايه السبب

انا كمان عملت تليين لسوست البنزين وشوية سوست تانيه حطتلها زيت خفيف عشان تبقي حره وشايف انها كويسه وشغاله تمام بس لا اعتقد انها السبب

انا معايا عربية اسكودا فليشيا مو 98 بالتكييف والعمه عندي ملعبكه شوبة عشان الاوتوماتيك بتاع العربية ارجوك تساعدني

ملحوظه
في زراع خاص بالأتوماتيك بتاع السيارة وده لما المياة تسخن يخفض صوت الموتور حاولت اتأكد انه مش منه لاني لما بحركه مش بيأثر في الوضع بتاعي اللي فيه مشكلة

في فاكيم تاني معرفش بتاع ايه تحت العمه من قدام ده بيتحكم فيه هوا عشان يتحرك بس انا مش شابفة بيتحرك لما بحركه بايدي بشوف بنزين ماشي جوه احد فتحات الكاربرتير عباره عن رش جوا الفتحه دي وصوت المكنه بيعلا

في كهربا طالعه من سينسور تقريبا هو سينسور جوا الاوتوماتيك ورايحه لجزء في الكاربرتير في ظهره لما بشيل الفيشه دي العربية تبطل

انا احترت
ياتري في حساس جوه الكربراتير جه عليه كربون وخصوصا ان الكربراتير كان متوسخ بنسبه زباده

خايف ارش اسبراي تاني وخصوصا انه بيقول ان ارش حجات بسيطة جدا وبعدين ارش والعربية دايرة عملت كده لاقتها بطلت فقلت عادي

هل انا رشيت في مكان غلط

ارجوا المساعده

**awaad8760** · 02-09-2010 02:08 AM

دى أكيد حتة وساخه رشقت فى المسار الضيق بتاع السلانسيه

فإنت عندك إختيارين يإما تديها واحد مدفع بس أنا مابحبش الحركة دى أو إنك ترش تانى كويس ولو عايز نتيجه أحسن فك مسمار الهوا بتاع السلانسيه ونضف مكانه بالإسبراى وبعدين ركبه تانى وظبط السلانسيهه

وبرده إتأكد من إن خرطوم الفاكيوم اللى واصل للإسبراتير سليم ومافيهوش تهريب

وربنا يوفقك

**amagroup** · 02-09-2010 03:37 AM

المشاركة الأصلية كتبت بواسطة awaad8760

دى أكيد حتة وساخه رشقت فى المسار الضيق بتاع السلانسيه

فإنت عندك إختيارين يإما تديها واحد مدفع بس أنا مابحبش الحركة دى أو إنك ترش تانى كويس ولو عايز نتيجه أحسن فك مسمار الهوا بتاع السلانسيه ونضف مكانه بالإسبراى وبعدين ركبه تانى وظبط السلانسيهه

وبرده إتأكد من إن خرطوم الفاكيوم اللى واصل للإسبراتير سليم ومافيهوش تهريب

وربنا يوفقك

انا مش ميكانيكي مش فاهمك قوي

لكن اقدر اقولك ان هناك جزئين بالكاربراتير واحد عامل زي رأس الزجاجه ودي حته غويطه كده انا رشيت فيها لقيت العربية بطلت علي طول اعتقد ان المفروض مكنتش ارش فيها
السؤال الاول:- هل عادي اني ارش فيها؟

والمكان التاني فيه ريشة مش عارف بقي هي دي اللي تقصدها ولا لأا ولو كانت هي

ارش جوه قوي ولا من بره كده طبعا مع استخدام انبوبه الرش اللي جيه مع المنظف

يعني
السؤال التاني:- ادخلها واغوط قوي وارش ولا من علي السطح ولا أيه معلش وضح لي اهو نتعلم وكمان نصلح الغلط

وانا اشكرك جدا علي تعاونك وصبرك معي

**awaad8760** · 03-09-2010 10:53 PM

إستعمل الخرطوم الأحمر بتاع المنظف ورش رشه على كل وش الكاربيراتير وبعد كده رش فى البيكات وكل الخروم اللى ظاهره وبعدين رش فى الفتحتين الكبار (الفتحة اللى متغطية بريشة والفتحة اللى شبه راس الزجاجة)

المفروض إن الإسبراى يقضى 3 أو 4 مرات يعنى ترشلك 15-20 بخه فى التنضيفه

وأهم حاجه حاول تستعمل المنظف الأمريكانى مش الصينى

والله المساعد

**mahmoud_boty85** · 13-09-2010 04:48 PM

بص ياباشا . البيجوهين اللى قى النص غير السلك بتاعهم يعنى حط السلك بتاع التانى فى الثالت و الثالث فى التانى و دور العربيه و دوس بنزين و سيب الrpm ينزل و قبل ما يبقى 10 على الrpm دوس تانى هتلاقى العربيه بتعمل بتعمل صوت فرقعه اعملها دقيقتين و جرب بعدها رجع البيجوهات زى ماكانت وقلى ايه اللى حصل

**awaad8760** · 17-09-2010 04:58 PM

إيه الأخبار؟

**amagroup** · 19-09-2010 12:41 PM

[QUOTE=mahmoud_boty85;3873033662]بص ياباشا . البيجوهين اللى قى النص غير السلك بتاعهم يعنى حط السلك بتاع التانى فى الثالت و الثالث فى التانى و دور العربيه و دوس بنزين و سيب الrpm ينزل و قبل ما يبقى 10 على الrpm دوس تانى هتلاقى العربيه بتعمل بتعمل صوت فرقعه اعملها دقيقتين و جرب بعدها رجع البيجوهات زى ماكانت وقلى ايه اللى حصل[/QUOTE]

معلش يا باشا اتأخرت عليك

شوف انا سبتها زي ما هي والوضع دولقتي ان في السلانسية وبعد لما العربية تسخن 70 درجه وده الوضع العادي بتاعها-لاني شايل سوسته الحرارة بتاع العربية عشان متجبشس معايا وش سلندر- بيكون الRPM بين 8-12 فقلت بدل لما العب في السلانسية رحت مأخر الكهربا شويه وخصوصا ان بستعمل بنزين 80 العربية وطت وبعد 5-7 بس اللي مش مريحني ان المؤشر مش ثابت طالع نازل بين 5-7 ودي مضياقني جدا اما بالنسبة للي انت قلته فان عاوز اعرف ده بيعمل ايه يخلي العربية تعمل ايه وخصوصا ان العربية كان جابت جوان وش سلندر قبل كده وكمان بعد فترة من الموضوع ده الخرطوم اللي تحت بتاع المياه جاب مايه ودوختي شويه يعني المكنه دلوقتي تعتبر خفيفة