الموضوع: أجيب السنسور الخلفي من برا التوكيل لأنه خلصان عندهم حاليا ولا أستنى أحسن ؟

المشاركة الأصلية كتبت بواسطة Peaceman

معلش يا استاذ EISultan هي غلطتي اني معملتش الموضوع ده لكن هشرح لحضرتك
انا ركبت سينسور باركنج 4 و وحدات رفع من فترة حوالي شهر و نص كان تمنهم 660 جنيه بالتركيب و رش السينسور في توكيل نيسان مودرن ابورواش و اللي بيعجبني في مودرن ابورواش اكسسوارات العربية الجميلة هناك و شغالين معايا زي الفل و كمان بيعطوا ضمان سنة لحضرتك في حالة حدوث اي شئ للسينسور و وحدات الرفع
حضرتك انا متأكد انك هتلاقي مثلا وحدات الرفع ثمنهم بره تلت ثمن التوكيل لكن يكفي ان حضرتك التوكيل هو اللي هيركبهولك و كمان لو حصل حاجه للعربية لقدر الله ... هتلاقي ان التوكيل هو اللي هيشيل الموضوع كله لكن اطمئن لأن مودرن ابورواش متمكن في اكسسوارات السيارات الصني و التيدا و الاكستريل
اما بالنسبة لتركيب باركنج سينسور 2 او 4 اكيد بيبقي 4 افضل لأن بيبقي 2 لوسط العربية و 2 لزوايا العربية و هقول لحضرتك حاجه فعلا تجنن و جميلة جدا جدا انك بعد تركيب الباركنج سينسور هتبدي بعديها تركن اي راكنه صعبة لأنك هتكون واثق من نفسك جدا في الراكنة لما السنسور يديك الاشارات اللازمة و حضرتك بتركن
و اي خدمة

ألففف شكر يا Peaceman باشا على المعلومات الجميلة وسرعة الرد . هو أنا كنت رايح للسبع اللي في المعادي لأني كان عندي مشكلة تانية والناس هنا قالتلي أن هما أفضل من حيحلها بس هما مش عندهم السنسور فأنا كدا المفروض أجيبه من برا يا إما أستنى للضمان الجاي فحضرتك ما تعرفش نظام اللي برا إيه وهل في أنواع معينة كويسة أو أنواع أخلي بالي منها ؟ وبالنسبة لوحدات الرفع مش عارف ليه بيقولوا ماعادوش بيركبوها . غريبة وشكرا مرة أخرى على الرد

تمااام كدا الصوة وضحت أكتر وشكرا ليكم على التوضيح مرة أخرى يا بيشوي ويا أحمد وإن شاء الله أشوف الموضوع اليل أنت حاطه بالتفصيل وجزاكم الله خيرا وشكرا يا أخ أحمد على عرض المساعدة وربنا يكرمك يا رب لكن إن شاء الله يارب الموضوع بيخلص بسهولة من غير ما أتعبك معايا يارب ولو عزت حاجة تانية أكيد حسأل حضرتك تاني إن شاء الله