بريبريز مصنوع من الدهب واللى بيركبه صناعييه من المريخ
يجماعه دى تجربتى انا وواحد صاحبى فى تغير بريبريز الساجا الامامى والموضوع كالاتى :
صاحبى عمل حادثه بالعربيه والبريبريز اتكسر المهم خدته لناس اعرفهم عندهم مصنع ازاز والناس كان حيعملوله الازاز ب 400 جنيه لكن المشكله ان التسليم كان حيبقى بعد اسبوع والمشكله برضه انه كان مستعجل
المهم قولنا نكلم التوكيل نشوف ايه نظام السعر طلع البريبريز سعره 970 المهم صحبى اتصدم شويه بس قالى مش مشكله اخسر ال 500 جنيه دول المهم انه يركب فى ساعتها وفعلا شدينا الرحال الى التوكيل وهناك بقى يامعلم سعر البريبريز وصل 1600 جنيه :fun_36_3_4[1]: بقدرة قادر طبعا انا وصاحبى بلمنا لبعض شويه وقلنا نعرف ليه القفزه الفظيعه دى فى السعر وياريتنى ما عرفت :
1- سعر الريبريز 970 جنيه
2- انبوتتين سيلكون ب 200 جنيه وهنا بدات اشتم فى سرى
3- مصنعيه حوالى من 3 الى 4 ساعات تركيب والساعه ب 100 جنيه يبقى المجموع حوالى 1600 وهنا كان بدأ يغمن عليا فعلا :eee:
المهم بعد فتره من التتنيح والتبليم ادام بعض انا وصاحبى قررنا اننا ناخد البريبريز ونركبه بره وكل التكلفه اللى اتكلفها فى التركيب 60 جنيه منهم عشره جنيه انبوبة سيلكون اسود وفاض منها كمان والراجل اداهلنا
بجد حرااااااااااااام كده اللى بيعمله التوكيل ده :B4_611: العربيه هايله بس التوكيل لازم يحن شويه فى قطع غيارها وفى المصنعيه المبالغ فيها
بس تعرفوا احسن حاجه فى الموضوع ان الناس اللى ركبولنا الازار خدو البريبريز وحيتعمله اسطنبه فى المصنع وحيبداو ينزلوه بعد شهر يعنى كده ضمنا قطعة غيا للساجا بره توكيل :rolleyes2: يلا اى خدمه وكل سنه وانتوا طيبين
