no comment
رقم العضوية : 53689
تاريخ التسجيل : 23Nov2009
المشاركات : 530
النوع : ذكر
الاقامة : الزقازيق
السيارة: لانوس خليجى 2001
السيارة[2]: 132 ارجنتا المانى 2000 سى سى
الحالة :
بيان التنحي
بقلم: طارق عبد المعز
لأ لأ ماحدش يفهمني غلط. انا لا رحت مكتب أمن الدولة ولا اتقرصت في وداني ولا جاني تهديد من جانب أي حد لا سمح الله. إنها الحقيقة العارية البلبوص التي أدركتها بعد سنوات التيه والضياع في بحر إبراهيم عيسى ووائل الإبراشي ومنى الشاذلي ومعتز الدمرداش ومحمود سعد. لقد انجلت الغشاوة من على بصيرتي وهاأنذا أعلن من منبري هنا من الرياض الحبيبة التي هاجرت إليها باختياري ورغبتي منذ ثلاث سنوات،
أنني أتنحى تمامًا ونهائيًا عن الاهتمام بالشأن العام المصري ومتابعة ما يجري على لسان الفضائيات الخاصة والعامة وما تكتبه جرائد المعارضة والمستقلة ،وأن أعود إلى صفوف المصريين النابهين أجمع المال واعزل نفسي عن كل ما يدور حولي مثلي مثل أي مصري آخر مقيم في كومباوند مغلق في القطامية هايتس أو أكتوبر والشيخ زايد أو مدينتي والرحاب والقاهرة الجديدة.
لقد اكتشفت أيها الإخوة أننا نحن المصريون المقيمون في الخارج بلهاء وقليلي الذكاء فبدلًا من أن نركز جهودنا في جمع المال والإكثار منه تحسبًا للأيام التي لا يعلم إلا الله كيف ستكون عندما نعود إلى بلدنا، بدلًا من ذلك نستغل أوقات الفراغ التي أصبحت أكثر من ذي قبل في الاهتمام بالشأن العام ورفع الضغط والسكر والكولسترول بالمناقشات العقيمة والبكاء على أحوال مصر واللي جرالها بينما عندما زرت مصر في إجازتي الأخيرة وجدت المصريين على النقيض التام من ذلك كله، ولربما خضنا في مقال آخر عن سبب اهتمام المغتربين بالوطن أكثر من اللازم، لكن دعوني أصف لكم كيف كان شكل الثمانين مليون داخل الوطن.
السيارات السيراتو ذات المائة ألف جنيه أصبحت السيارة الشعبية الأولى في مصر ويمكن أن تقول بملء فمك أنها أخذت مكان الفيات بأرقامها 128 و127 الهاتشباك. إذا وقفت في شارع الملك فيصل، وهو شارع عشوائي يلعن كل ساكن فيه الساعة التي جعلته يسكن بالقرب منه، إذا وقفت في ذلك الشارع دقيقة واحدة ستمر أمامك على الأقل عشر سيارات سيراتو ماشاء الله تبارك الله. سألت موظف محترم في سوبرماركت بنزينة شل هو أيه حكاية العربية السيراتو في مصر؟ قاللي كل العربيات دي قسط يابيه،سألته وياترى قسطها يعمل كام؟ قاللي: ألفين ألفين ونص، كبرت وهللت الله الله الله كل دول ماشاء الله مرتباتهم بتعدي الست آلاف جنيه وبيدفعوا القسط بسهولة كده قاللي: ده نصهم كمان موظفين في الحكومة ! ...إذن يبقى كلام أحمد عز وجمال مبارك صح، يبقى فعلًا فيه تنمية في البلد والناس اتزبطت. أمال الناس في مصربتصرخ ليه لما تلاقي كيلو اللحمة بستين جنيه؟ وما فيش بيت فيكي يا مصر دخلته مالقيتش فيه لحمة على السفرة!!
هل المصريين بيستعبطوا؟ هل المصريين كهنة وبيدّعوا الفقر؟ آه هما فعلا كهنة وبيستعبطوا لأن الشباب اللي قاعد على القهاوي في الثلاث الطوابق ودي من المناطق الغارقة في العشوائية والعبث وكل الالفاظ اللي نفسك فيها، الشباب دول ما شاء الله تبارك الله لابسين جزم نايكي وساعات سواتش ونضارات شمس أوكسيدو أصلي مش مضروبة...أمال أيه حكايات الفقر والبؤس والإضرابات وقلة الأدب اللي قرفونا بيها دي؟
بصراحة كده ومن خلال احتكاكي بكل اللي قابلتهم في مصر من أقارب وأصدقاء ومعارف تيقنت وآمنت أن الناس كلها مزبطة حالها على كافة المستويات وبكافة الطرق سواء حلال أو حرام لأن الحلال والحرام أصبح مصطلح مطاطي في مصر كل واحد بيعمل قانون الحلال والحرام على راحته.أما الفقر فأنا ماشفتش فقراء وإذا كان فيه فقير في مصر فده بسبب غباؤه ليس إلا بدليل إني لما كنت بادور على مكان لركن عربيتي الحقيرة الآفيو في شارع القصر العيني عشان أقضي مصلحة شاور لي شاويش طيب وقاللي تعالى هنا وركنت صف تالت في شارع جانبي قريب من مجلس الشعب.المهم إني قضيت مصلحتي ورجعت لقيت فيه ورقة على زجاج العربية بما يفيد المخالفة مسكتها وبصيت للشاويش وقلتله بقى كده يا حضرة الصول؟! قاللي يا بيه أنا اللي حاططها وانت نازل،انت ماختش بالك ولا ايه؟ طب بص يابيه في الورقة هاتلاقيها مكتوبة بخط اليد مافيش فيها حاجة مطبوعة عشان بس لو عدى الونش ولا حاجة تبقى محمية بالمخالفة، انفجرت في نوبة ضحك هيستيري وقررت أعطيه عشرة جنيه مش عشان كان بيحمي عربيتي لأ عشان ذكاؤه في تزبيط حاله.
إذا كان صاحب العربية الحقيرة اللي هو أنا بيديه عشرة جنيه أمال اللي راكب سيراتو ولا باسات ولا بي أم ولا مرسيدس هايديله كام؟ ألا يجمع هذا الشاويش بنهاية كل يوم ورقة بمائة جنيه على الأقل يعني ألفين ونص في الشهر غير مرتبه الكحيان يبقى يدفع قسط السيراتو ولا لأ؟ ....يبقى من حقي أصدق جمال وأحمد وعز ولا لأ يا شعب يا كهين ياللي بتستعبط.؟
رقم العضوية : 77994
تاريخ التسجيل : 18Aug2010
المشاركات : 718
النوع : انثى
الاقامة : cairo
السيارة: لايوجد
السيارة[2]: لايوجد
الحالة :
no comment
اذا لم تستطع أن تنظر امامك لأن مستقبلك مظلم..ولم تستطع أن تنظر خلفك لأن ماضيك مؤلم..
فانظر إلى الأعلى تجد ربك تجاهك إبتسم..فإن هناك من يحبك..
رقم العضوية : 21219
تاريخ التسجيل : 06Oct2008
المشاركات : 157
النوع : ذكر
الاقامة : Cairo
السيارة: ........*@#@#@........*
السيارة[2]: نوبيرا 2004
دراجة بخارية: no
الحالة :
يا شعب يا كهين ياللي بتستعبط.؟
ههههههههههههههههههههههههه
رقم العضوية : 55956
تاريخ التسجيل : 16Dec2009
المشاركات : 3,827
النوع : ذكر
الاقامة : EGYPT
السيارة: BMW
السيارة[2]: LANCER
دراجة بخارية: ISA
الحالة :
فعلا no comment . وبجد لمس حاجات بنعيشها يوميا وبنشوفها وبنتعرض ليها كلنا
رقم العضوية : 14360
تاريخ التسجيل : 07Jul2008
المشاركات : 3,083
النوع : ذكر
الاقامة : جوه البطيخه
السيارة: كتير
السيارة[2]: كتير
دراجة بخارية: لا يوجد
الحالة :
انا قلت الكلام ده من زمان
الناس مستواها زاد جدا عن زمان
بس المشكله ان سقف الطموحات ارتفع بغباء
والهوه بتكبر بين الطبقات
يعنى المشكله ان مفيش عداله فى التوزيع
وطبعا الحراميه الكبار اللى نهبوا البلد
بس سؤال صغير
الراجل ده مرحش اماكن عشوائيه ولا الكهربا قطعت عندهم
(الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
لمجرد أنك تحب الجبن الرومي !)
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
راجل عبيط ايه الهرتله اللى بيقولها دى علشان شاف رشوه و سيراتو منتشره يبقى الشعب غنى طيب كان ناقص يشوف جراج كارفور وهايبر احسن
العربيات دى فىه نسبه منها شغاله ايجار لشركات واصحابها ممكن يتحبسوا فى اى وقت
انا حاسس ان اللى كاتب المقاله دى احمد عز
ساب كل الدنيا وراح فيصل مالحاجات اللى الناس لابساها دى جايه تهريب او مسروقه او تخليص حق انزل ياعم المدعى على قرى مصر والاقاليم وشوف الفقر اللى بجد
بلا قرف
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 13108
تاريخ التسجيل : 17Jun2008
المشاركات : 1,147
النوع : ذكر
الاقامة : فيصل
السيارة: NA
السيارة[2]: Astra 1.6/A 2004
دراجة بخارية: NA
الحالة :
والله الرد على الموضوع دة خسارة.
مصطفى إسماعيل
mostafaismail سابقا
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
الصلاة على النبي
السيراتو بقت أحد علامات عصر الانحطاط
رقم العضوية : 57297
تاريخ التسجيل : 29Dec2009
المشاركات : 5,411
النوع : ذكر
الاقامة : مدينه نصر
السيارة: 01009779970
السيارة[2]: لانسر كريستاله 2000
دراجة بخارية: قريبا ان شاء الله
الحالة :
هوا محسسني ان احنا 100 بني ادم
ياعم ده احنا 85 مليون بني ادم
قول مليون واحد غني
2 مليون غني
كان زمان تلاقي الطبقه المتوسطه دي موجوده
وكتير
كانت الناس كلها مستوي واحد
واللي ربنا كارمه بفيلا وعربيتين
ده كده يبقي مليونير
اللي حصل دلوقتي ان اللي فوق هما اللي بقوا بيسرقوا
ومش بيسرق بقي برشاوي
لالا
محمد ابراهيم سليمان
تخصيص اراضي لولاده و و و و و
اهو ده بيسرق
ابدا
حنعمل مشروع الفلاني علي ارض مخالفه
طلع التصاريح بس ليا قطعه
وحته هنا وحته هنا
تمشي
تخيل بقي اما موظف الحي ورئيس الحي والوزير بتاعه يبقوا كده
واما يبقي فيه واحد شريف في وسطيهم بيتاكل
ماهو الكبير حرامي
قيس ذلك بقي علي مستوي الجمهوريه كلها
شبكه علاقات بين الوزير ورجال الاعمال
وشبكه بين الوزير والوزير
وشبكه بين الوزراء واللي بالي بالك
خلاص كده خلصت
لازم بقي تلاقي السيراتو كترت
والرشاوي كترت
بس اللي بيحصل ايه بقي
فيه 2 مليون فوق
وفيه 10 مليون لا عارفين يبقوا فوق ولا تحت وبيصارعوا
باقي الشعب ال12 مليون اللي فوق دايسين عليهم
تفتكر ازاي مش عاوز حال مصر محدش يبكي عليه
باقي بقي المصريين هما الحلوين اللي زيك كده
قاعدين بره يلموا في فلوس
وفي الاخر حييجي هنا يتحط في طبقه من الاتنين اللي فوق
وهوا وحظه بقي
ياارتقي من ال10 مليون اللي بيصارعوا لل2 مليون
يااما واحد من ال2 مليون حيهبش اللي معاه ويخلي نفسه يعلي اكتر
ويرمي الراجل اللي كافح سنين عمره
تحت
ينداس بين الرجلين
ويموت بحسرته
وعجبي
رقم العضوية : 8697
تاريخ التسجيل : 10Apr2008
المشاركات : 9,041
النوع : ذكر
الاقامة : alex
السيارة: فيات الجديده
السيارة[2]: فيات القديمه
دراجة بخارية: شبرا فيات
الحالة :
ياعنى الناس عازماك وجيبالك لحمه وتنق عليهم اخص اخص
اكل وبحلقه
امال يجيبولك قشر بطيخ على العزومه بتاعه الفطار
وبعدين احنا مال ابونا انك بتتكلم عن فئه معينه انت عايش بينهم جمعت باقى الشعب معاهم ليه
لا بجد اخص اخص
المفضلات