ممكن اعرف سعر علبه البيئه كام
وهل لو فيها مشكله خبطه جامده مثلا ممكن تتصلح ولا حلها انها تتغير
وياريت سعر صليبه الدريكسيون واجيبها جديده ولا استعمال خارج وهل فى علبئه بيئه استعمال خارج
عرض للطباعة
ممكن اعرف سعر علبه البيئه كام
وهل لو فيها مشكله خبطه جامده مثلا ممكن تتصلح ولا حلها انها تتغير
وياريت سعر صليبه الدريكسيون واجيبها جديده ولا استعمال خارج وهل فى علبئه بيئه استعمال خارج
علبة البيئة في موديلات اللي نزلت مصر نوبيرا فاضية - مش علبة بيئة بجد - بس مجرد علبة إسمها Dummy
حتى لو العلبة حقيقية ومسدودة وش ممكن تنضيفها عند بتاع الشكمانات - إلغيها خالص ومش حتأثر في حاجة بل بالعكس ممكن تحسن سحب العربية.
علبه البئه جديده من ابو اليزيد 700 جنيه
لو مش هايفرق معاك صوت العربيه وسواقتك رياضيه ومستخسر الفلوس:stink[1]: شيلها :M_yes[1]:
700 جنيه !!! انا كنت معتقد انها اقل من كده , لاني هغيرها قريب مع العلبه الخلفيه , كده لازم اراجع نفسي في امرها تاني
المشكله اني قلقان من علو الصوت بعد الغاء علبه البيئه , لان العربيه عندي صوتها هادي والحمد لله حتى مع القرص عليها , ومش عايز صوتها يبقا سئ لان الحاجات دي بتفرق معايا اوي
كده انا محتاااااااااار
ريحتوني في حكاية الصوت ده
لاني كنت صرفت نظر عن تغيرها بماسوره
بس دلوقتي ان شاء الله غيرت رأيي
المشكله بجد فى الصوت لانى مش حابب الصوت يبقى عالى ابدا بس انا عندى فى صوت حاليا فى الشكمان من عند علبة البيئه ومكان فرامل اليد بيسخن فى المشاوير الطويله هل ده يدل ان علبة البيئه فيها مشكله
موضوع الماسورة ده بقي يستبدل بوصلة امامية بيعملها ابو اليزيد احسن من موضوع الماسورة ده و انضف و سعرها مش غالي 140 جنيه
ازيك يا استاذ احمد
هو حضرتك تقصد ان في حاجه تانيه تعتبر بديل لعلبه البيئه وفي نفس الوقت هي مش ماسوره ؟؟
ولا المقصود انها بردو ماسوره لكنها كتصميم وتصنيع انضف من العاديه ؟؟
دى ماسورة اللانوس الهاف اوبشن... الماسورة دى اطول من ماسورة اللانوس الفول اوبشن و لما بتركبها بتوصل الى العلبة اللى فى النص و بالتالى بتلغى وجود علبة البيئة اوتوماتك
MMamdouh
تسلم يا باشا على التوضيح :-)
انا قبل كدة اتكسر عندي الفحم في علبة البيئة
وكان عامل صوت رزع وخبط جامد جدا
روحت لبتاع شكمانات فضى الفحم وخدة
وعملي ماسورة مخرمة ولحمها داخل علبة البيئة
وشغالة تمام من ساعتها
بالمناسبة الفحم ده عرفت من المنتدى انو بيتباع
لان الراجل ساعتها خده من غير مقابل (كان بيخدمنى)
محتويات علبة البيئة مش فحم - دي معادن تانية غالية جداً - أظن انها شبكة من السيراميك ومغطاة بمادة السليكا والألمينا وقلب العلبة بيكون مصنوع من البلاتين والنيكل والبلديوم والروديوم والنحاس.
يعني ثروة لبتاع الشكمانات - يعني اللي يغيرها ما يرميش القديمة ولا أظن ان علب البيئة عندنا بتكون متكلفة كل التكلفة دي وفيها كل المعادن دي فلو في إمكانية الواحد يجيب علبة بيئة بتاعة بلدها ماشي يا إما يلغيها او يحط بدالها علبة كتم صوت عادية بـ50 جنيه وخلاص وستكون النتيجة واحدة.
انا أشتريت علبة بيئة أستيراد كورى لللانوس ب 450 جنية
وفعلا تستاهل بحيث غيرت نوعية هواء العادم الخارج من العربية الى كنت بشمة انا وأبنى الصغير وبقا ممتاز
وفكرة علبة فاضية دى انا رافضها بالمرة لأنى بخاف على أبنى وابنك ومبحبش اازى الجيران بالعادم
وعلى فكرة العلبة الاستيراد الكورى الكبيرة أفضل من علبة أبو اليزيد الاصلية بمراحل
وبحسبة بسيطة المادة المككرة للعادم فى العلبة المصرى 450 فحم تقريبا
المادة الممكرة للعلبة الكورى الاصلى 1400 جرام فحم مطابقة للمواصفات الاوروبية للبيئة
بس خد بالك هات العلبة الكبيرة وهاتها من واحد مضمون وبيتقى ربنا
انا أعرف واحد فى الزقازيق شغال بما يرضى الله وبيفكها من النصاص الاستيراد لو حد عايز نمرته انا تحت أمرة
وكل سنة وانتوا طيبين
انت معاك لانوس 1 يا باشا... كل اللانوس 1 فيها حساس شكمان و علبة بيئة و EGR
اللانوس 2 الفول اوبشن نفس النظام تمام
اللانوس 2 الهاف مفيهاش حساس شكمان ولا علبة بيئة ولاEGR
MMamdouh
ياجماعه محدش رد عليا خالص
اعربيه صوتها عالى وبحسه قوى وانا قافل الزجاج وبعد مشوار طويل بلاقى سخونه تحت فرامل اليد هل ده مشكله علبة بيئه مع العلم ان العربيه حكت فى مطلع غبى قوى من تحت ومن ساعتها والوضع كده دى فعلا مشكله فى علبة البيئه ومفيش حل غير انها تتغير ولا ممكن تتصلح لان مش معايا سيوله خالص ومش عاوز الغيها بجد لانى مش حابب الصوت العالى مع العلم ان بقى فى رجه بسيطه فى العربيه على السلانسيه اعرف منين ان المشكله فى علبه البيئه
ممكن المطب اللي عربيه حضرتك حكت فيه يكون خرم علبه الشكمان الوسطانيه او طبقها , واصبحت بتكتم العادم وخانقه المكنه
والحل انك تكشف على الشكمان بالكامل من اوله لأخره , وياريت لو عند مركز خدمه محترم , مش مجرد واحد بتاع شكمانات وخلاص
وبالنسبه لسخونه منطقه فرامل اليد فـ ده انسداد في علبه البيئه بنسبه 95% , وتغيير علبه البيئه هيكون مكلف (تمنها 800 جنيه في اللانوس)
الحل في موضوع علبه البيئه :-
1- تخلع علبه البيئه تماما وتركب مكانها ماسوره عاديه (التكلفه في حدود 140 جنيه او اقل)
2- تخلع علبه البيئه تماما وتركب مكانها العلبه الرنانه (التكلفه حوالى 350 جنيه في اللانوس ) - والفكره من العلبه هو تخفيض نسبه صوت الشكمان الى حد ما عن طريق حشوه الالياف الحراريه الموجوده جواها
3- تخلع علبه البيئه وتفضيها من جواها وتركبها تاني (التكلفه حاجات بسيطه) بس عيبها انها هتخلي الصوت يرن جوا العلبه وهتحس ان صوت المكنه عالى
4- تخلع علبه البيئه وتنضفها بضغط هوا قوي جدا (وملهاش اي نتيجه ولا ليها اي فائده لأن كان من الاولى انها تنضف بسبب قوه العادم الخارج من الموتور)
وبعد ما تختار حل من الحلول دي وتنفذه , لو حسيت ان العربيه لسا فيها رجرجه على السلانسيه نضف الايدل
متشكر ليكم جدا على الافاده وشكرا يا استاذ محمد وبالنسبه لسخونيه فرامل اليد مش باستمرار لما بيكون مشوار كبير فى الحر وان شاء الله حروح لتوكيل عيسى وامرى لله لان مفيش فى طنطا مركز كويس ولو حد يعرف يقولى فين
ممكن رقم التليفون بتاع الراجل فى الزقازيق
ايه هو ال egr
واعرف يعنى ايه حساس الشكمان ارجوكم
الأخ الى سأل على الراجل بتاع الشكمانات
هما فعلا ناس أمنه جدا وبيتقوا ربنا فى شغلهم والورشة بتاعتهم مزودة برافع هيدروليكى مش حيرفع العربية على كريك مثلا دا حيرفعها كلها ويكشف على خط العادم كله
بس حضرتك لو حتجيلة من سفر تتصل بيه الاول عشان تستفسر عن علبة البيئة موجودة ولا لا عشان دى بتيجى استيراد مش متوفرة علطول ياعنى
وممكن تقولوا انا جاى من طرف هانى الى معاه لانوس نبيتى انا مغيير عندة خط العادم كلة بعلب سعودى وعلبة البيئة كورى كبيرة وربنا يوفقك
أسمة أستاذ ياسر /0124647391