حد يعرف إيه عقوبة إنك تسوق عربية من غير رخصة قيادة
عرض للطباعة
حد يعرف إيه عقوبة إنك تسوق عربية من غير رخصة قيادة
الحبس و حجز السيارة ..... و تغريم مالكها .....
90% حتدفع مخالفه فوريه 50 جنيه وعن تجربه
القتل ..... أو الحبس تحت البحر لمدة 5 أيام على ذمة التحقيق
رفعت الجلسه .
انا اشجع عقوبة النفخ جدااااااااااااااا علي فكرة؟ تخيل كدة لو العقوبة ( النفخ الوقتي او النفخ الفوري ) هتبقي رادع جامد لكل ماهو دون السن القانوني. مع ان ناس كتييييييييييييييييييير ومعاهم رخص لازم يتنفخو برده بس سوء القيادة
عارف ...
بس لما واحد ابن ستين تييييييييييت بياخد غرز بعربية ابوه في شارع اداب و يدوس على الناس و يجري و اللي اتداس عليهم يورحوا يترموا في المستشفيات بالشهور و يحصلهم عاهات كنت ساعتها تبقى معايا فعلاً ان والده لازم يتنفخ و يتسجن فعلاً ... لأن مش مربي ابنه
و انا دايماً مع الرأي ... اللي مش قادر يربي عيال ... ميجيبهومش!
أنا طبعا مع ان حتى 18 سنه متسقش بس على فكره 3 ثانوى هيبقى عندى 18 ماعلينا ومعظم الصغيرين الى بيسوقو عربيت ابوه او حتى عربيته ايون عربيته انا اعرف ناس 15 او 16 سنه عندهم عربيتهم وكمان باسمهم مش هما بتوع آداب لأن شارع آداب عند مدرسه الحديثة أو قدام شارع الثانويه الى بيخمس عندهم مش صغيرين بل العكس معظمهم كبير وكمان ليهم فيديوهات هنا فى المنتدى زى حماده بيجو وعابدين وناس كتير واساسا دى مش اماكن تتعمل فيها اى حاجة انا مش مع سواقه الصغار بس برده مش مع الناس دى (كبار) موقلتش ميخمسوش بس مش فى مناطق زى دى
نفخ اية و سلخ اية لية كدة طيب انا اتمكست سايق فى 2 ثانوى معيش رخصة و دفعت 101 جنية فى نيابة المرور
يا خبر أبيض يا جماعو إيه كمية الشر الى إنتم فيها ده ربنا ما يحكمكمش على واحد سايق من غير رخصة
يضرب على وشه بمنديل قماش........... ملفوف على قالب طوب احمر
انا لغاية دلوقتى ماطلعتش رخصة قيادة مع ان عندى 20 سنة بسبب مشكلة مع رئيس المرور
حب يبلطج ..رحت مبلطج انا كمان
وسيبت ليهم الاورنيك(بيتهيألى بتتكتب كدة)يشبعوا بيه..مع انى دافع فيه تمن المدرسة اللى ماشوفتهاش
واتمسكت مرتين وباظبط نفسى من غير مانزل من العربية اساسا....ماشى معاهم بالدراع:049:...لكن مع الناس اللى فى الشارع بما يرضى الله والله
انا مبحبش البلطجة على حد
بس على رأى احمد السقا...الغلط مع اللى غلط هو الصح
والحمد لله رئيس المرور اتغير وبافكر اروح اطلعها...كفاية بلطجة لحد كدة:ma: ولو كان لسة موجود كنت مش هافكر فى تطليعها اصلا
يعنى كل الناس محدش فيها كان بيسوق قبل ما يطلع الرخصة؟؟؟؟؟؟؟؟
تلاقى العيل من دول فرحان وعمال يمين شمال يمين شمال ويروح هوبه عاطيك واحده فى الرفرف تروح نازل تلاقى فى ميه نازله من البنطلون لأنه كده ممكن يتعمله قضية شروع في قتل وطبعاً حتلاقى اهله جايين ومعلش وحنصلحلك العربيه ، .. طيب ليه قبل ده كله مكنوش عاطولوه المفتاح
طيب واضح إنه فيه خلاف ما بين حبس و عرامة و الصراحة انا فاكر إنى لما قرات مرة قانون المرور الجديد ده مافيش سيرة خالص عن السير من غير رخصة
فيبقى الصح إيه بقى غرامة و لا حبس
هههههه
على فكرة مرة واحد جنبنا عيل في إعدادي أخد المفاتيح من ورا أبوه ( كانت عربية شيري a11 )
دخل في عربيتنا بس الحمد لله و دخل في عربية ناس جيراننا في القايم و البابين
طبعا أبو الولد لما عرف كدة قعد يتأسف و قال نروح لسمكري يرد الرفرف عندنا و يتحمل هو التكاليف بس طلعت حاجة هايفة 100 و والدي قاله خلاص مش هيقبل عوض يعني بس جيراننا مش عارف عملوا ايه معاه ؟
كلنا اتعلمنا السواقة زوغان بعربيات اهلينا بلاش كلنا معظمنا عمل كدة و انا شخصصيا عملت كده مع انه غلط بس لاحمد لله كنت مراعى ربنا فى الناس ولامم نفسى لحد اما طلعت الرخصة:049:و خلالالالالالالالاص من النهاردة مفيش خوف من الميكانيكى او البواب انا المسيطر على كل حاجة هاااااااااااااااااهاااااا ااااااااااااا
احب اتكلم عن نقطتين اولا برد عالعضو اللي بيقول ( كمية الشر اللي احنا فيها ) عايز اقوله لو خبط حد عايزك تبص عن الضرر اللي هيببهوله هو واهله وفالاغلبية بتبقي اضرار وكسور جامدة لانهم بيمشو بسرعات جنونية وبيفكرو ان الفرامل زي ( nfs ) اول ماهيفرمل هتقف. تاني حاجة علي فكرة لو حد حصله موقف لقدر الله والكلمة المشهورة ( مبقبلش عوض ) لاء اقبل عوض جدا وانتا مطمن لان مفيش حاجة اسمها مبقبلش عوض بس في حاجة اسمها ( من اتلف شيء فعليه اصلاحه). راي شخصي
انا شفت عيل في 3 ابتدائي تقريبا و كان سايق بسرعه و بيعمل غرز بجنون
فلقيت بتاع مرور تقريبا امين واقف على الجزيره و وقفت جنبه
و قلتله العربيه دي فيها عيل صغير سايق
قاللى بلا مبالاه ماهو مشي خلاص
اعتقد ان صيامي اليوم ده فيه خلل لاني شتمت الحيوان ده كتير اوي طول الطريق
ده اللي انا بتكلم فيه. انه مش بس بيضر نفسه لا ده ممكن يتسبب في كارثة وحادثة بعدد كبير من العربيات بس عدم المسئولية وهو فرحان وبيلعب وخلاص . ومابالك بقي لو خبط ناس وبسرعته ده والله اقل حاجة لازم الشنق ( واسف علي الراي المتعصب ده ) بس فعلا مادام جاب لاهل شخص ملوش زنب الغم والقهرة والحرمان من ابنهم ( اللي اتخبط ) يبقي لازم يدوقو اللي دوقوه للناس. وعلي فكرة انا سوقت عربيات من وانا 1 اعدادي ومن غير رخص بس عمري حادثة الحمد لله وعمري ماكنت بعمل زي اللي بنشوفه ( وبرده انا غلط واللي كان بيديني العربية سواء بابايا او خيلاني او عمامي غلطان اكتر ) ومش ناوي اعملها مع ولاد او ولاد اخواتي . ولو زنو اوي ممكن يسوقو وانا جنبهم انما عربية لوحدهم مستبعدها.
[QUOTE=muslima;3873003705]ده حكم شرعي مش رأي شخصي بس[/QUOT
فعلا يامسلمة هو حكم شرعي بس من كتر اللي بيحصل وبيتقال ( مبقبلش عوض) (وهتقبل عوض علي اهل بيتك ) (وهتصلح عربيتك بقوت واكل عيالي ) و................ وكلام كتير من اللي يوجع القلب ويخلي صاحب العربية اللي اتخبطط او اهل الضحية اللي اتخبطط تقول لالالالالالالالا مش هنقبل عوض خلت الناس تنسا ان فكرة العوض اصلااااااااااااا مش موجودة وان الاساس ان ( من اتلف شيء عليه اصلاحه) والدية ( في حالة وفاة لا قدر الله ) او تحمل تكاليف علاج ربنا يعافينا جميعا وكل المسلمين والمسلمات.
وعلي فكرة انا عايز اقول حاجة علي جنب كدة. دلوقتي القرش بيوجع بمعني لو كل اب عرف ان ابنه لو خبط حد او عمل حادثة هيدفع فلوس هيفكر الف مرة قبل مايديله مفتاح العربية ( ده بالنسبة لاغلبية الشعب اللي احنا منهم ). وبالنسبة للناس اللي مبتفرقش معاهم فلوس لو عرفو ان في قانون رادع ممكن يحبس ويشنق ابنهم لو تسبب في قتل حد ( عمد او غير عمد ) برده هيفكرو الف مرة قبل مايجيبوله عربية يلعب بيها. انما مشكلتنا ان القانون والشرع مغيبين ( ومبتكلم في سياسة ) بس ده واقع القانون بيتفز عالغلابة بس مع انه اسمه قانون ( يعني مرجعية وسيادة عالكل) بس تقول ايه بس.
موقف صغير كدة بمناسبة قانون علي ناس وناس. كنت مفيم العربية وعديت في كمين قالي تشيل الفاميه ولا نسحب رخص قولتله ماحضرتك مفيم. قالي مصرح للظباط والهيئات القضائية قولتله في نص قانون بالكلام ده مردش قالي تشيله ولا اسحبها قولتله هشيله وهركبه بكرة فغرامة بغرامة اسحبها . ودخلت لوكيل نيابة المرور وحكتله الموقف ( مالكوش اعد يشتم في اللي قال الكلام ده ازاي) وقالي انا وكيل نيابة ولا مفيم ولا هفيم لاني عارف حدودي ) وجمدلي المخالفة ومدفعتش غير 10 جنيه كلام فاضي. وانا خارج من مكتبه قولتله علي فكرة يافندم انا هشيل الفاميه دلوقتي عشان انا مش افضل منك وعشان حضرتك راجل محترم. ضحك وقالي وعشان تعرف تشوف كويس وانتا سايق كمان.
دة الصح فعلا وده اللي عملته أنا واخويا.
حتة إن القانون بيقول 18 سنة + مش محطوطة شياكة وحتلاقيها في كل دول العالم إن ماكانش 21+ وانا مع تزودها ل 21..بس طبعا لما نصلح المرور ذات نفسه :ma:
ده فعلا راجل محترم.