السلام عليكم
كنت قريت فى قسم الدايو عن موضوع رائع لتحويل اللانوس الى اوتوماتيك
http://www.nilemotors.net/Nile/145435-a.html
كان نفسى اعرف اذاى ممكن نطبق الفكرة دى ع الفيرنا
يعنى بدل ماابيع عربيتى عشان نفسى لحاجة اوتوماتيك ..... فكرت انى احولها هى هى لأوتوماتيك بس نفسى اعرف التكلفة و الأجزاء المطلوبة
ارجو المساعدة حيث انى جاد جدا فى التحويل و بصراحة مش قادر اسوق مانيوال خلاص فى شوارعنا الجميلة اللى بتمتاز بالوسع و الهدوء و الخلاء و الفضيان !
شكرا
ولو رحت التوكيل وقلتلة حولهالى اوتوماتيك حيرضوا و لا هم اخرهم تغيير تيل فرامل ؟؟
رحت التوكيل وقاللى مش بنعمل الشغل دة و مينفعش :((
بيع عربيتك و اشتري واحدة تانية أتوماتيك
لو نفس الموديل و الحالة
هتلاقي فرقهم في المستعمل كلام فاضي
و لا تحويل و وجع دماغ
بس الفكرة انى ضامن عربيتى :( مستخسر ارميها و اجيب واحدة مستعملة معرفش فيها اية
لو التكلفة 3 او 4 الاف جنية يبقى احولها اوتوماتيك
بص انا قريت قبل كده موضوع الدايو لانوس ده...و عجبتني الفكرة اوي
و لو انت حتجيب الحاجات استيراد و لو لاقيت حد يرضي يستبلك حاجاتك بالاوتوماتيك...يبقي قشطة اوي
لأن الدايو هي نفس اسلوب الفيرنا و قطع الغيار متوفرة جدا
و حتلاقي هي هي التكلفة بتاعة اللانوس
انزل مرة الحرفيين و اتكلم مع الناس علي موضوع الاستبدال ده و شوف حتدفع فرق كام؟؟ و اهم حاجة تكون حاجة نضيفة مش طالع عينها و خد بالك انت حتغير حاجات كتير زي اللي اتغيرت في اللانوس كده
اما بالنسبة للي يركب متقلقش من الموضوع ده ...سهلة ان شاء الله
يامسهل .....
بص يبااشا سيبك من الحرفين والكلام دا بجد اكتر مكان شوفت فيه حاجات وقطع غيار وخاصه هيونداي هيا بور سعيد بأمانه لو نزلت هاتجيب اللي انت عايزه كله وبالسعر بردو اللي انت عايزه وعلما ان هناك صنايعيه جامدين لو حبيت تعمل هناك وبور سعيد اساسا مشهوره بالتعديل والتظبيط حاول تنزل يوم وشوف الدنيا ماشيه ازاي هناك واحكم بنفسك
اقتباس:
المشاركة الأصلية كتبت بواسطة modo88
فعلا ده رأي ممتاز ....بس ده ميمنعش انك تنزل تبص برده في الخرفيين
طب انا لو نزلت بورسعيد الكلام دة ياخد قد اية وقت شغل ؟
والله يا باشا ده يعتمد علي انك لاقيت الحاجة امتي؟؟ و اللراجل حيبدا يشتغل فيه امتي
بس متهيألي تاخد من يوم او يوم و نص
بس نصيحة مني الاحسن انك تعمل الشغل ده في حتة قريبة من عندك........عشان لو حصل اي حاجة بعد كدة يبقي سهل ترجعله
هوا طبعا طالما غاوي يبقا الغاوي ينقط بطقيته واطبخي ياجاريه الانبوبه فاضيه ياسيدي :d
انت ياباشا تنزل يوم تاخد فكره عن الاسعار وكدا وتسال 1000 واحد مش 2 ولا 3 وتدور كويس وتلف وjتتفق مع تاجر منهم وتقوله اليوم الفلاني انا هانزلك فيه ونعمل الحوار دا وطبعا تساله عن مكيانيكي يكون شاطر يقدر يقوم بالمهمه دي وتتفق معاه ومع المكيانيكي علي اليوم دا وبعد كدا تبقا تنزل يوم تاني بس تروح من بدري وتاخد اليوم من اوله وان شاء الله في اليوم دا تطلع بالفيرنا عاديه ترجع بيها اوتومتيك
ولو احتاجت حاجه هناك قولي انا جنبك ف المنصوره ساعه زمن وابقي عندك اديها دولي بس اي رادار عليك :d
معلش سؤال انت بتقول انا ضامن عربيتى , العربية علشان تتغير من مانيوال لاوتوماتيك شوف كمية الحاجات اللى هتتغير فيها و اللعب اللى هيحصل فيها.
انا فى رايى تبيع العربية احسن و تشترى واحدة اوتوماتيك مستعملة كويسة و تكشف عليها كويس و تتاكد انها متخبطتش خالص و حالتها كويسة هيكون احسنلك بكتير و خصوصا انك لو عملت التغيير هتركب كذا قطعة مستعملة فى العربية انت مش ضامنهم و لا ضامن حاجة تبوظ و العربية تقرفك و تخسر فى بيعها بعد كدا.
اعقل يا ashoudy وباطل جنان و ماتجنيناش معاك
و ابقى قولنا عاملت ايه لو فى تغيير
لو حولتها يا ريت تقولنا اتكلفت كام و فين