صيانة الماروتي

**sarah5** · 02-09-2010 12:07 AM

السلام عليكم

ازيكوا ياجماعة لو سمحتم محدش يعرف في صيانة 5000 للماروتي ولا لأ انا بصراحة نسيت في صيانة قبل ال 10000 ولا مفيش ولا اريح دماغي واروح اعملها صيانة عند اي ميكانيكي واغير زيت وخلاص ياريت تفيدوني وشكرررررررررررررررررررررر رررررررررررررا

**aymanay32** · 02-09-2010 06:06 PM

تعالى يا باشا المقابلة و نبص لك على عربيتك
http://www.nilemotors.net/Nile/159258-a-8.html

**m7nsh** · 02-09-2010 09:28 PM

بصى ياساره

عند ال 5000 مش مستاهله اى حاجه غير انك تغيرى زيت ومش لازم الفلتر حتى طالما مغيراه فى ال 1000

لسه بدرى .. و نفضى للتوكيل

==

صباح الفل يا حج ايمن :))

**midomizo** · 02-09-2010 11:47 PM

صيانة ال5000 تغير زيت فقط ممكن تتعمل فى محطات البنزين وتختارى الزيت الجديد سواء 10000 او 5000 km

**sarah5** · 03-09-2010 12:39 AM

تعالى يا باشا المقابلة و نبص لك على عربيتك

ربنا يخليك ياريت ان شاء الله احاول.

بصى ياساره

عند ال 5000 مش مستاهله اى حاجه غير انك تغيرى زيت ومش لازم الفلتر حتى طالما مغيراه فى ال 1000

لسه بدرى .. و نفضى للتوكيل]

معاك حق انا برده شايفة كده ايه اللي يوديني التوكيل وافضل هناك طول اليوم وفي الاخر مش هيعملوا اكتر من تغيير الزيت ويارب منفضي للتوكيل ابدا.

صيانة ال5000 تغير زيت فقط ممكن تتعمل فى محطات البنزين وتختارى الزيت الجديد سواء 10000 او 5000

شكرا لرد حضرتك انا فعلا هغير الزيت في اي مكان وخلاص

**meemo** · 04-09-2010 09:46 AM

انا شايف ان الافضل تروحي التوكيل بيكشفوا علي العربية ولو في حاجة في العربية تقولي عليها وهما بيفحصوها وهي مش مكلفة ولا حاجة
تغير زيت موبيل سوبر 3 لتر ب 99 جنيه
فلتر زيت 40 جنيه
صيانة 5000 ب 50 جنيه
انا عملتها الشهر اللي فات وكان في صوت في العجل الخلفي غيروا مساعدين علي حسابهم علشان هي في الضمان
وادي العيش لخبازه ولو حتي هياكل اكتر من نصه

**kimo_cat** · 04-09-2010 02:27 PM

في صيانة الألف انا حطيت زيت العشرة آلاف ، بس قالوا لى في التوكيل الصيانة كل خمسة الاف
روحت في الخمسة الاف دفعت 55 جنيه تقريبا
ربطوا العفشة و ظبطوا الميه و البطارية حاجات بيشوفوها همه
المهم العربية بتبقه أحسن
وبعدها روحت صيانة العشرة الاف حطيت زيت عضشرة الاف كيلو وغيرت فيلتر طبعا وظبطوا لى فيها حاجات كلفتي 380 جنيه

**aymanay32** · 04-09-2010 07:56 PM

المشاركة الأصلية كتبت بواسطة meemo

انا شايف ان الافضل تروحي التوكيل بيكشفوا علي العربية ولو في حاجة في العربية تقولي عليها وهما بيفحصوها وهي مش مكلفة ولا حاجة
تغير زيت موبيل سوبر 3 لتر ب 99 جنيه
فلتر زيت 40 جنيه
صيانة 5000 ب 50 جنيه
انا عملتها الشهر اللي فات وكان في صوت في العجل الخلفي غيروا مساعدين علي حسابهم علشان هي في الضمان
وادي العيش لخبازه ولو حتي هياكل اكتر من نصه

اخذت منهم المساعدين القدامى اللى اتغيروا
ما يمكن نظفوا المساعدين بالجاز و الزيت و الصابون و قالوا غيرنا المساعدين

**sarah5** · 05-09-2010 02:57 AM

طب ايه يا جماعة انتو كده حيرتوني يعني اروح التوكيل افضل عموما انا لسة ناقصلي كام كيلو كده ع ال 5000 عقبال ما اجيبهم اكون فكرت هي عموما العربية كويسة انا بس دخلت في كام حفرة علي كام مطب بس اعتقد انها كويسة هي بس فيها مشكلة واحدة بتاخد وقت علي ما بتدور والغريبة انها الصبح بتدور بسرعة لكن لما بقف مثلا عشر دقايق واجي ادورها تاني بتاخد وقت بس انا سمعت عن المشكلة دي مع اغلب اللي معاهم الماروتي
وشكراااااااااااا لكل نصايحكوا

**meemo** · 06-09-2010 08:26 AM

المشاركة الأصلية كتبت بواسطة aymanay32

اخذت منهم المساعدين القدامى اللى اتغيروا
ما يمكن نظفوا المساعدين بالجاز و الزيت و الصابون و قالوا غيرنا المساعدين

لا مخدتش حاجة بس بصراحة والحق يقال ان شايف الصنيعي بيفك القديم وبيطلع حاجة من كرتونة مقفولة وبيركبها انا معرفش هي ايه هو ركبها وراء وكل ده انا شايفه قدايمي وتغير الزيت والفلتر كله قدامي علشان في ابوراواش ممكن تدخلي تشوفي ايه اللي بيحصل في عربيتك لغاية متستلميها
اما بالنسبة للحفر مش عايز اقول انا لسه واخد بئر مش حفرة علي العجلة اليمين اللي قدام والله قلب اتخلع وربنا ستر