بالنسبة لمسجد الرفاعي , ضروري ارجوكم عشان رايح بكره الصبح

**abogogo** · 02-09-2010 12:53 PM

المسجد مفتوح للزيارات من الساعة 8 صباحا وفعلا مسجد الرفاعي فيه ضريح الرفاعي والعائلة المالكة وشاه ايران ومسجد السلطان حسن به ضريح المللك فؤاد بس لو حان موعد الصلاه وصليت صلي في الرفاعي لان الاضرحه خلف المصلين اما مسجد السلطان حسن الضريح امام القبله والله اعلم
وممكن تتمشى في شارع محمد على مسافة خطوتين الى ميدان البيباني وتمشي في شارع السروجية وامتداده شارع الخيامية هناك هتلاقي مسجد الصالح طلائع ثاني مسجد بني في مصر وبجواره بوابة المتولي ممكن تصعد على البوابه وتصعد المدنى بتاعة البوابة زي اللى في الصورة الرمزية بتاعتي وتشاهد مصر من فوق وانصح اللى عندهم فوبيا الاماكن المرتفعة بعدم الصعود بعد كده في شارع الغوريه ومسجد المؤيد برضه بناء رائع وممكن بعد لما تخلص شارع الغوريه هتلاقي شارع الازهر تزور الجامع الازهر ثم مسجد الحسين وخان الخليلي وتخش على شارع المعز بعد التجديد تحفة وتسير في الشارع وكأنك رجعت بالزمن الى العصر الفاطمي لو عملت الجولة دي مش هتندم وهتعجبك بس عايزة رجلين جامدين عشان المشي

**aliabutaleb** · 02-09-2010 01:14 PM

المشاركة الأصلية كتبت بواسطة abogogo

المسجد مفتوح للزيارات من الساعة 8 صباحا وفعلا مسجد الرفاعي فيه ضريح الرفاعي والعائلة المالكة وشاه ايران ومسجد السلطان حسن به ضريح المللك فؤاد بس لو حان موعد الصلاه وصليت صلي في الرفاعي لان الاضرحه خلف المصلين اما مسجد السلطان حسن الضريح امام القبله والله اعلم
وممكن تتمشى في شارع محمد على مسافة خطوتين الى ميدان البيباني وتمشي في شارع السروجية وامتداده شارع الخيامية هناك هتلاقي مسجد الصالح طلائع ثاني مسجد بني في مصر وبجواره بوابة المتولي ممكن تصعد على البوابه وتصعد المدنى بتاعة البوابة زي اللى في الصورة الرمزية بتاعتي وتشاهد مصر من فوق وانصح اللى عندهم فوبيا الاماكن المرتفعة بعدم الصعود بعد كده في شارع الغوريه ومسجد المؤيد برضه بناء رائع وممكن بعد لما تخلص شارع الغوريه هتلاقي شارع الازهر تزور الجامع الازهر ثم مسجد الحسين وخان الخليلي وتخش على شارع المعز بعد التجديد تحفة وتسير في الشارع وكأنك رجعت بالزمن الى العصر الفاطمي لو عملت الجولة دي مش هتندم وهتعجبك بس عايزة رجلين جامدين عشان المشي

جولة رائعة أحييك عليها

طب ما تيجوا ننظم جولة تصوير زي دي بعد إجازة العيد إن شاء الله؟

**ahmedsamir79** · 02-09-2010 01:19 PM

لو حتنظمها حكون معاك و حاجي مخصوص من الأسكندريه

**aliabutaleb** · 02-09-2010 01:22 PM

المشاركة الأصلية كتبت بواسطة ahmedsamir79

لو حتنظمها حكون معاك و حاجي مخصوص من الأسكندريه

بيتهيألي أنسب حاجة إنها تبقى يا يوم جمعة أو يوم سبت

يا يوم 17 أو 18
أو 24 أو 25

وياريت abogogo ظروفه تسمح يكون معانا بما إنه أخد الجولة دي قبل كدة

**abogogo** · 02-09-2010 01:36 PM

المشاركة الأصلية كتبت بواسطة أبو حمزة

جولة رائعة أحييك عليها

طب ما تيجوا ننظم جولة تصوير زي دي بعد إجازة العيد إن شاء الله؟

على فكرة بحكم شغلي انا كنت ماسك المنطقه دي كلها واعرفها من الاف للياء بشوراعها بحوريها بعطفتها بسلطتها ببابا غنوجها وهاوي تصوير برضه لو تحبوا تعملوا الجوله دي ممكن ننسق بعد العيد نعملها زي ما قال الاخ ابو حمزة هتكون رائعة خصوصا لو الجماعة اللى معاك من هواة هذه الاماكن

**motoxp** · 02-09-2010 02:59 PM

المشاركة الأصلية كتبت بواسطة أبو حمزة

انا صورت هناك قبل كدة يا كريم
بس كان في غير مواعيد رمضان
فمش هاقدر أفيدك بيقفل إمتى
مسموح طبعاً بالتصوير من غير أي اعتراض من أي حد
وانت داخل إحتمال يطلبوا منك الاطلاع على بطاقتك الشخصية فقط

ودي صورة من ريحة المكان :)

على فكرة ده جامع السلطان حسن مش الرفاعى انا ساكن هناك وبصلى فيه

**أحمد كمال** · 02-09-2010 03:45 PM

لا يشد الرحال إلا لثلاث ... المسجد الحرام و المسجد الأقصى و مسجدي هذا ......

**abogogo** · 02-09-2010 06:07 PM

المشاركة الأصلية كتبت بواسطة emo_ayman

ابو جوجو.ممكن اعرف منك فين ضريح الملك فواد اللى فى جامع السلطان حسن؟ لاننى اللى اعرفه ان السلطان فواد واسماعيل باشا والملكة فريدة وشاه ايران اضرحتهم فى الرفاعى.

واللى كنت اعرفه ان اللى مدفون فى السلطان حسن هو المهندس اللى بنى الجامع.وده اسمه مكتوب على سقف الغرفة اللى فيها الضريح.

آسف .... الي مدفون في مسجد السلطان حسن هو السلطان الشهاب أحمد ابن السلطان حسن لان السلطان حسن بن محمد بن قلاوون اختفى في ظروف غامضة ولم يعرف له جثة وذلك في وقت صراعات المماليك على الحكم
اما مسجد الرفاعي فالمدفون به
الأميرة خوشيار مؤسسة المسجد ووالدة الخديو إسماعيل والسلطان حسين كامل والملك فؤاد و وفاروق ايضا شاه ايران ... بجانب ضريح الشيخان علي ابي الشبابيك الرفاعي و الشيخ عبد الله الأنصارى

**Ayman-Ahmed** · 02-09-2010 06:14 PM

المشاركة الأصلية كتبت بواسطة abogogo

آسف .... الي مدفون في مسجد السلطان حسن هو السلطان الشهاب أحمد ابن السلطان حسن لان السلطان حسن بن محمد بن قلاوون اختفى في ظروف غامضة ولم يعرف له جثة وذلك في وقت صراعات المماليك على الحكم
اما مسجد الرفاعي فالمدفون به
الأميرة خوشيار مؤسسة المسجد ووالدة الخديو إسماعيل والسلطان حسين كامل والملك فؤاد و وفاروق ايضا شاه ايران ... بجانب ضريح الشيخان علي ابي الشبابيك الرفاعي و الشيخ عبد الله الأنصارى

لا اسف ولا حاجة.ده انا اللى متشكر على المعلومات الجديدة اللى هضيفها لمعلوماتى عن الجامعين.

-

الموضوع: بالنسبة لمسجد الرفاعي , ضروري ارجوكم عشان رايح بكره الصبح

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

عايز شوية طلبات للمالروتي ياريت المساعده عشان انا مسافر بكره الصبح اجيب الطلبات دي

سؤال عن رادار المحور ضروري عشان مسافر الصبح

رايح بكره الصبح و محتاج رد سريع .. فين مرور الشروق ؟

يا شباب مشورتكم ضرورى جدااا فى عربيه جولف 2 عشان رايح اعاين بكره ان شاء الله

الكلمات الدلالية لهذا الموضوع

المفضلات

المفضلات

ضوابط المشاركة