دلوقتي يا جماعة انا ان شاء الله رايح بكره مسجد الرفاعي , فممكن حد يقولي الدخول من الساعة كام و بيقفل الساعة كام ؟
و هل التصوير جوة عادي ؟
و لو في اي قيود في الموضوع ياريت تقولوها
بس ياريت بسرعة عشان رايح بكره الصبح
و شكرا جزيلا
دلوقتي يا جماعة انا ان شاء الله رايح بكره مسجد الرفاعي , فممكن حد يقولي الدخول من الساعة كام و بيقفل الساعة كام ؟
و هل التصوير جوة عادي ؟
و لو في اي قيود في الموضوع ياريت تقولوها
بس ياريت بسرعة عشان رايح بكره الصبح
و شكرا جزيلا
تقصد مسجد الرفاعى اللى اودام السلطان حسن.
لو هو ده يبقى التصوير مسموح والدخول من الساعة 9 ص لو مكانش قبل كدة كمان وبيقفل على ما اعتقد بعد صلاة العصر او على المغرب .اصل انا بروحه مع الشغل بس وبروح الساعة 9 هناك ومروحتش قبل كده بعد 3.
ومفيش اى تعقيدات خالص.زيارته زى دخول اى جامع بس لما تدخل الجامع فى وشك مقام الرفاعى وعلى يمينك مكان الصلاة وده بيتميز بالاعمدة وشغل الرخام فوق الرائع وعلى شمالك اضرحة الملك فواد وفاروق وزوجته و ضريح منفصل لشاه ايران.
مستنين الصور يا باشا
محدش يا جماعة يعرف حاجة تانية ؟ :)
جامع فيه اضرحه؟؟؟
لا حول ولا قوة
واروحله مخصوص؟؟!!!
الصلاه في جامع فيه ضريح غير مقبوله وحرام
راجعوا انفسكم يا اخواني
جامع فيه اضرحه؟؟؟
لا حول ولا قوة
واروحله مخصوص؟؟!!!
الصلاه في جامع فيه ضريح غير مقبوله وحرام
راجعوا انفسكم يا اخواني
انا صورت هناك قبل كدة يا كريم
بس كان في غير مواعيد رمضان
فمش هاقدر أفيدك بيقفل إمتى
مسموح طبعاً بالتصوير من غير أي اعتراض من أي حد
وانت داخل إحتمال يطلبوا منك الاطلاع على بطاقتك الشخصية فقط
ودي صورة من ريحة المكان :)
http://lh3.ggpht.com/_vOI3Uc2_Sjk/TB..._0166_fhdr.jpg
المسجد مفتوح للزيارات من الساعة 8 صباحا وفعلا مسجد الرفاعي فيه ضريح الرفاعي والعائلة المالكة وشاه ايران ومسجد السلطان حسن به ضريح المللك فؤاد بس لو حان موعد الصلاه وصليت صلي في الرفاعي لان الاضرحه خلف المصلين اما مسجد السلطان حسن الضريح امام القبله والله اعلم
وممكن تتمشى في شارع محمد على مسافة خطوتين الى ميدان البيباني وتمشي في شارع السروجية وامتداده شارع الخيامية هناك هتلاقي مسجد الصالح طلائع ثاني مسجد بني في مصر وبجواره بوابة المتولي ممكن تصعد على البوابه وتصعد المدنى بتاعة البوابة زي اللى في الصورة الرمزية بتاعتي وتشاهد مصر من فوق وانصح اللى عندهم فوبيا الاماكن المرتفعة بعدم الصعود بعد كده في شارع الغوريه ومسجد المؤيد برضه بناء رائع وممكن بعد لما تخلص شارع الغوريه هتلاقي شارع الازهر تزور الجامع الازهر ثم مسجد الحسين وخان الخليلي وتخش على شارع المعز بعد التجديد تحفة وتسير في الشارع وكأنك رجعت بالزمن الى العصر الفاطمي لو عملت الجولة دي مش هتندم وهتعجبك بس عايزة رجلين جامدين عشان المشي
لو حتنظمها حكون معاك و حاجي مخصوص من الأسكندريه
على فكرة بحكم شغلي انا كنت ماسك المنطقه دي كلها واعرفها من الاف للياء بشوراعها بحوريها بعطفتها بسلطتها ببابا غنوجها وهاوي تصوير برضه لو تحبوا تعملوا الجوله دي ممكن ننسق بعد العيد نعملها زي ما قال الاخ ابو حمزة هتكون رائعة خصوصا لو الجماعة اللى معاك من هواة هذه الاماكن
لا يشد الرحال إلا لثلاث ... المسجد الحرام و المسجد الأقصى و مسجدي هذا ......
ابو جوجو.ممكن اعرف منك فين ضريح الملك فواد اللى فى جامع السلطان حسن؟ لاننى اللى اعرفه ان السلطان فواد واسماعيل باشا والملكة فريدة وشاه ايران اضرحتهم فى الرفاعى.
واللى كنت اعرفه ان اللى مدفون فى السلطان حسن هو المهندس اللى بنى الجامع.وده اسمه مكتوب على سقف الغرفة اللى فيها الضريح.
آسف .... الي مدفون في مسجد السلطان حسن هو السلطان الشهاب أحمد ابن السلطان حسن لان السلطان حسن بن محمد بن قلاوون اختفى في ظروف غامضة ولم يعرف له جثة وذلك في وقت صراعات المماليك على الحكم
اما مسجد الرفاعي فالمدفون به
الأميرة خوشيار مؤسسة المسجد ووالدة الخديو إسماعيل والسلطان حسين كامل والملك فؤاد و وفاروق ايضا شاه ايران ... بجانب ضريح الشيخان علي ابي الشبابيك الرفاعي و الشيخ عبد الله الأنصارى
على فكرة الصورة اللى فيها الصحن يا اخ ابو حمزة لمسجد السلطان حسن
ودي شوية صور لمسجد السلطان حسن
http://img105.herosh.com/2010/09/02/215419060.jpg
http://img103.herosh.com/2010/09/02/225276079.jpg
http://img101.herosh.com/2010/09/02/307253308.jpg
http://img101.herosh.com/2010/09/02/490052658.jpg
http://img103.herosh.com/2010/09/02/147611877.jpg
http://img101.herosh.com/2010/09/02/457729830.jpg
http://img101.herosh.com/2010/09/02/713222584.jpg
http://img102.herosh.com/2010/09/02/200623374.jpg
http://img105.herosh.com/2010/09/02/691796984.jpg
http://img101.herosh.com/2010/09/02/755281632.jpg
يااااه معلومات كتير و وافية :)
انا رحت انهاردة الحمد لله , و المساجد تحفة , حاجة وهم , و بذات لما تتخيل ان كل دة معمول من ٧٠٠ سنة !!
صورت صور كتير و جميلة جدا الحمد لله :)
و فكرة ممتازة يا ابو حمزة , عايزين نروح ناخد جولة هناك و يا سلام لو رحنا معاهم مسجد محمد علي
و شكرا جزيلا يا استاذ abogogo على المعلومات و نرجو من حضرتك تصتحبنا في جولة هناك ان شاء الله :)