الموضوع: إستفسارات عن الكروز..!!

اولاً الف الف الف مبروك.... ربنا يديك خيرها ويكفيك شرها

1. الكتالوج بتاخده من منصرو فرع جامعة الدول لما ترخص بالرخصة وصورة البطاقة
2- العربية لو السنتر مفتوح التانك بيفتح من برة عادي وهي العربية دايرة
3- الشنطة زي التانك ليها زرار صغير فوق النمرة بيشتغل تاتش لو السنتر مفتوح وطبعا من الريموت
4- كمبيوتر البيانات اللي ف وسط العدادات مينفعش تعدل فيه اي حاجة والعربية ماشية... لازم تكون عالP وتدوس على زرار menu اللي ف دراع الاشارات وبعدين تلف طرف الدراع نفسه لحد ما تلاقي مكتوب unit set هتدوس على الزرار اللي في جنب الدراع هيأكد اختيارك

ممكن اصورهالك لو معرفتش توصل ابقى قوللي

الله يبارك فيك يا باشا و متشكر على ردك
بس انا مفهمتش منك كام حاجة كدة
يعني معنى كدة ان ولا التانك ولا الشنطة ليهم دراع لفتحهم من الداخل ؟
زي اللانسر و الصني و السيراتو ...
و الكومبيوتر اتغير للقراءة بالميل ازاي ارجعها بالكيلو ؟
و شكرا على ردك جدا.........

ولا التانك ولا الشنطة ليهم حاجة من الصالون

والكمبيوتر بيرجع للكيلو من دراع الاشارات فيه جزء كده بيلف يديك اختيارات ع الشاشة هات unit set ,و اختار 3 بس لازم العربية تكون راكنة ودايرة وعلى الp

طب انا بقي عايز استفسر عن حاجه انا كمان
هو الباركنج سنسور مش بيبان ع الشاشه و لا انا المفروض اظبط حاجه

المشاركة الأصلية كتبت بواسطة kamalsalem

ولا التانك ولا الشنطة ليهم حاجة من الصالون

والكمبيوتر بيرجع للكيلو من دراع الاشارات فيه جزء كده بيلف يديك اختيارات ع الشاشة هات unit set ,و اختار 3 بس لازم العربية تكون راكنة ودايرة وعلى الp

يا باشا كتر ألف خيرك بجد.....
....
نردلك الجمايل في قسم النيسان إن شاء الله..
وكل سنه وإنت طيب