عندى لابتوب رامات 2 جيجا ..
عايز أحط 4 جيجا ..
بس فى ناس بتقول لازم الويندوز يكون 64 بت ...
و أنا عندى 32 بت ...
هل ينفع أزود و هيقراها؟
عرض للطباعة
عندى لابتوب رامات 2 جيجا ..
عايز أحط 4 جيجا ..
بس فى ناس بتقول لازم الويندوز يكون 64 بت ...
و أنا عندى 32 بت ...
هل ينفع أزود و هيقراها؟
متابع
لازم ويندوز 64 بت علشان يقرا ال4 جيجا كاملين
لو نزلت ويندوز 32 بت هيقرا 3 جيجا فقط
ويندوز 32 بت هيكون كده
http://farm4.static.flickr.com/3129/...771cdbe5_o.jpg
ويندوز 64بت هيقرا ال4 جيجا كامله
http://farm3.static.flickr.com/2385/...16fdbb6a_o.jpg
هيقراهم ناقصين حوالي نص جيجا لكن مش معنى كدا ان الجهاز هيحصل له مشاكل
فممكن تمشي حالك بالويندوز 32 bit ولما تبقي تشغل لعبة كبيره جدااااا لأني معتقدش في برامج هتحتاج قدر ضخم كدا من الرامات ابقا حمل ال64 bit بس لاحظ ان لازم اللاب بتاعك يكون نازل له Win x64 drviers علشان الويندوز ده يشتغل تمام بشكل مضمون
الرجاله قامت بالواجب وزياده
لازم فعلا نسخه 64 بت... ودي مش مشكله او حاجه صعبه يعني هوا هوا نفس الويندوز العادي
مممممممممممممم
ياشباب اعتقد الكلام ده مش مظبوط
انا عندي 4 جيجا رام
وجربت ال32 بت وال64 بت مخصوص عشان الموضوع ده...
عالاتنين بويندوز 7 بيتقرو 4 جيجا
وعالاتنين بيكتبلي used 3 GB
واللسبب هوا انه عالاتنين كرت الشاشه بيسحب الجيجا دي
والفرق اللي بتلاقوه ده شوفوا كروت الشاشه بتسحب قد ايه
والا تبقى ميكروسوفت غبيه
لان الفرق بين ال32 وال64 هوا دعم رامات اكتر من 4 جيجا
يعني ال32 اخرها 4 جيجا مش 3
وال64 بت اخرها 128 جيجا (الرقم اللي معرفش ازاي ممكن حد يوصله)...
وللمعلوميه ده على لابي انا شخصيا
ولسا من كام يوم شاري لاب سوني فايو هوا نازل اصلا بويندوز 64 وراكبله 4 جيجا رامات دي دي ار ثري
برضو مقريين 3 ونص لان كرت الشاشه ساحب نص جيجا بحالهم
ممكن الكلام ده في غير وندوز 7 وفيستا
انما الاتنين دول انا مجرب عليهم النسختين ولا اختلاف....
تحياتي
بص يا افندم ,,
الكلام ده ما بيحصلش غير لما يكون كارت الشاشة ساحب من الرامات ,,, يعني مش كارت منفصل ..
بالنسبة لأستفسار SeiffoZ :-
ميزة وندوز 64 بت انها هتقرأ الـ 4 جيجا كاملين فعلآ ,,
لكن أستهلاكك للرامات هيكون نفس أستهلاكك لو حطيت وندوز 32 بت علي ال 4 جيجا رامات ,, أزاي ؟
وندوز 32 بت تتميز بأنخفاض أستهلاكها للرامات ,, بعكس الـ 64 بت ,, و دي حاجة معروفة .
هديك مثال علي وندوز 32 بت : أول اما تفتح جهازك و تشوف الـ Task manger ,, هتلاقي أستهلاك الرامات بيتراوح ما بين 400 - 600 ميجا ,, علي حسب البرامج اللي بتقوم مع الوندوز ..
انما وندوز 64 بت ,, هتلاقي من 800 - 1 جيجا مستهلكين ,,
بعد فترة من أستخدام الوندوز ,, ممكن يزيد أستهلاك الرامات لـ 800 - 900 جيجا أو حتي 1 جيجا ( لوندوز 32 بت) ,,
في حين ان نفس البرامج علي نفس الجهاز , علي وندوز 64 بت بيوصل لـ 1.5 جيجا .
و دي صورة من جهازي شخصيا لوندوز 7 ألتيميت 64 بت و أستهلاك الرامات ,, رغم ان الجهاز أشتغل من نصف ساعة و مش مشغل اي برامج خالص دلوقتي :-
http://img176.imageshack.us/img176/3397/rame.png
فما أقصده ان فرق حجم الرامات في وندوز 32 بت أو 64 بت لا يذكر ,,
لآن أستهلاك الرامات في وندوز 64 بت أعلي بدرجة ملحوظة من وندوز 32 بت ..
ميزة وندوز 64 بت تتميز في : أستقراره الكبير جدا و ثباته عن وندوز 32 بت + مثالي لبرامج الجرافيكس الثقيلة و الريندر و الألعاب الثقيلة ..
بص يا فندم,
مايكروسوفت عملت شبة خدعة من اول Windows Vista SP1 32-Bits انها بتدي معلومة فقط عن الرام اللي راكب 4 جيجا او 3 جيجا, لكن مبتقدرش تستخدمها, و هو دة سبب ان مكتوب المستخدم 3 جيجا فقط.
[gdwl]
With SP1, Windows Vista will report the amount of system memory installed rather than report the amount of system memory available to the OS. Therefore 32-bit systems equipped with 4GB of RAM will report all 4GB in many places throughout the OS, such as the System Control Panel. However, this behavior is dependent on having a compatible BIOS, so not all users may notice this change. [/gdwl]
و ده مصدر الكلام
Notable Changes in Windows Vista Service Pack 1
شكرا يا جماعة ...
بس عندى إستفسار ..
يعنى دلوقتى أشترى 4 جيجا رام عادى ...
و اركبهم على ال32 لحد ما أجيب ويندوز 64 و برامج الجرافيك بتاعت 64 ؟؟؟
الكمبيوتر rating بيعرفك كفاءة الجهاز
بيتعمل من كليك يمين على my computer
أقصى رقم هو 7,2
أنا عندي 5,9
وندوز 64 بت هوم بروسسور I7 رام 4 كارت شاشة نيفيدا كودا 1 جيجا وكاش ميموري 6
أستاذ hm414 : انا مش عارف حضرتك محتار ليه .. :)
فعلآ كارت الشاشة المدمج أو كروت الشاشة الخارجية ذات خاصية الـ Hypermemory أو Turbocache (بتسحب من الرامات عشان تعلي الذاكرة الخاصة بها ,, مثل بعض كروت ATI و نيفيديا القديمة) بيسحب من الرامات,, و بالتالي الـ 4 جيجا مش هتتقري كلها لآن كارت الشاشة ساحب منها ..
اللي عنده كارت شاشة خارجي بذاكرة منفصلة خاصة به,,, الـ 4 جيجا هتتقرئ كاملة ,, و دي صورة من جهازي :-
http://img412.imageshack.us/img412/4303/64fj.png
توكل علي الله يا أفندم ,, و مبروووك مقدمـــا .. :satelite:
أقصي رقم في التقييم يا دكتور هو 7.9 :049:
7.2 ده الرقم اللي حصل عليه بروسيسور حضرتك أو الرامات أو كارت الشاشة ..
غالبا الأقل تقييما هو الهاردديسك ,, بيتراوح من 5.3 إلي 5.9 ..
و يزداد إلي 6.9 فما أكثر لو أستخدمت الهارددات الجديدة ssd أو طبقت خاصية الـ raid..
MSI Global – Computer, Laptop, Notebook, Desktop, Mainboard, Graphics and more
دي صفحة الdrivers , و للاسف مافيهاش 64 بيت, فمن رآيي خسارة الفلوس في حاجة مش حتشتغل
MSI EX600 notebook drivers free download - Notebook Drivers
ده موقع فى Drivers لل 64 bit .... هل ينفع؟
انا عايز اشترى لاب توب مستعمل ويبقى فيه امكانيات جامده وماعنديش فكره عن الاب توب
تنصحونى اشترى ماركه ايه وهاتبقى مواصفاته وسعره كام
وشكرا
اولا اعتذر عن تأخري في الرد.
ثانيا موضوع ال3 جيجا ده اصلة تقني شوية, ال 32 بيت دول البورت بتاعت البروسيسور اللي يقدر يعمل بيهم عنونه (Addressing) لكل الذاكرة المتوصلة بيه, و بما انهم 32 بيت, يبقى اقصى حد ممكن هو 2^32=4294967296 اللي هما 4 جيجا بالتمام و الكمال.
طيب فين المشكلة؟ المشكلة ان البروسيسور مش فاضل عندة عناوين لبقية الجهاز (الكروت و البورتات الخ ...) فكده البروسيسور مش شايف غير الرامات بس, فكان القرار الاستراتيجي ل IBM من زمان من اول ما حطه التصميم اللي معظم اجهزتنا شغاله عليه ( Intel PCs are called IBM Compatible) انهم يحجزوا جزء من عناوين الرامات للحتة ديه, و ده موجود في كل البروسيسورات حتى ال 16 بيت بس ما حسناش بيها اوي.
فده سبب عدم تشغيل 4 جيجا على سيستم 32 بيت.
اتمنى اني اكون افدتك
تفضل يا دكتور ,, ده شرح لخاصية الـ RAID و كيفية تشغيلها :-
شرح نادر بالصور لتقنيه ال0 Raid من لحظه تركيب الهارديسك والآعدادت حتى أمتحان الاداء!
شكراً جزيلا .. لقد أضفت إليّ معلومة جديدة , أنا عندي لابتوب وأعتقد لا يمكن إضافة هارد آخر بجوار الموجود حاليا .
استفسار آخر من فضلك :-
تحت غطاء البطارية مكتوب على اللاب توب class B Laptop فهل لها معنى معين ؟
جهازي HP pavilion DV6 2020 ev صناعة صيني اشتريته من عمان وتقريبا وارد دبي
ربنا يكرمك يا دكتور ..
بخصوص أستفسار حضرتك : دي درجة الـ Classification بتاعة اللاب توب ,,
تعتبر غير زي أهمية ,, لآن Class A بينزل لـ Special Orders معينة ..
فمش هتفرق في حاجة ,, ما تقلقش ..
و علي فكرة : مفيش حاجة أسمها صناعة صيني .. :) ,,
المكونات من بلدها ,, و التجميع فقط في الصين ,, لكن لآتفاقيات بين الصين و الشركات ,, يتم وضع باتش made in china علي المنتجات بعد تجميعها ..