الموضوع: سيراتو زيرو وبجنوط تويتا حاجة تجنن

احلى سلام على كل رجالة كيا الى منورة على طول وكل سنة وانتو طيبين جميعا


الحكاية ببساطة كدة انا من اوائل الناس الى شترت السيراتو فى مصر شوفتها قلبى ارتحلها روحت نفذت فيها على طول
المهم طبعا وانا ماشى ولما بشوف عربية كيا بتفرج عليها وبعد فترة استغربت لان شكل الجنط بتاعى الى هوة
16
ماشوفتوش قبل كدة على سيراتو خالص وكنت كل لما اغسل العربية ابص فى الجنط كويس وكان على الطابة الى فى النص مكتوب كلمة كيا بس تحس انها استيكر ملزوق لحد ما اكتشفت المفاجأءة

فى مرة كدة كنت فى البنزيمة وبغسل العربية لقيت الجنوط كلها عليها علامة تويوتا قولت بس عملوها ولاد التيت
اكيد كنت راكن فى حتة وشوية عيال خدوا العلامات وبدلوها وفضلت متنكد طول اليوم


بس لما روحت كدة ودورت الموضوع فى دماغى قولت يستحيل الطبة دية تتطلع الا لما الجنط كلة يتحل!!!!!!!!!!!!!!!!!
يعنى لو حد حل الجنط هياخدوا كلة مش هيحلة ياخد الطبة بس

وكمان انا عندى جراج خاص

المهم طلعت على المعرض فى ثانية قولت للواد الى هناك فين ياد صاحب المعرض قالى بيجى بعد الفطار يباشا

فقولت اقولة على الحكاية لقيتة قالى دة يبقى احسنلك دة جنط التويوتا احسنلك ويابختك المهم مرديتش افطر علية

وخلينى مكمل صيامى على خير
فطرت وصليت التراويح وطلعت على المعرض تانى وقابلت صاحب المعرض وقولتلة على الحدوتة تانى

قالى يااستاذ ان المصنع فى كيا متعاقد مع مورد جنوط بيوردلوة الجنوط دية واكيد الدفعة دية كلها جاية بجنوط تويتا وبعدين الجنط بتاعك زى الفل وعربيتك دية غليت دلوفتى وقعد يرغى كتير وفى الاخر فالى انت ممكن تشترى اربع طبات كيا من اى واحد بتاع جنوط كبير وتبقى تبدلهم

بس انا دلوقتى محتار ومش عارف اعمل اية هل اكبر الموضوع ولا اسكت واخلى الجنوط فى العربية زى ما هية
بس الموضوع نفسى ازاى اكون شارى عربية زيرو وعليها جنوط ماركة تانية ومستنى ردكوا

[gdwl]
المهم طلعت على المعرض فى ثانية قولت للواد الى هناك فين ياد صاحب المعرض قالى بيجى بعد الفطار يباشا

فقولت اقولة على الحكاية لقيتة قالى دة يبقى احسنلك دة جنط التويوتا احسنلك ويابختك المهم مرديتش افطر علية

وخلينى مكمل صيامى على خير
فطرت وصليت التراويح وطلعت على المعرض تانى وقابلت صاحب المعرض وقولتلة على الحدوتة تانى
[/gdwl]

بعيدا عن الموضوع و لعله خيرا بس بجد أنا من ساعة ماقريت الفقرة ده و أنا فطسان على روحى من الضحك و متخيل المشهد :

البطل داخل المعرض بيدور على الشرير ( صاحب المعرض ) فيقوم يقابل الصبى بتاعه حاجه كده عاملة زى رمزى فى راجل و ست ستات و بيقولوا فين ياد إنت ياد صاحب المعرض .... يقوم الصبى رادد : بيجى بعد الفطار بمنتهى الذكاء ( اللهم إنى صائم ) يقوم البطل رازعه قلم حكومه مالوش حل و يسيبه و يمشى . و الصبى لسه بيحاول يقنعه إنه دا خير ليك ياباشا و هو مش فاهم أى حاجه .

المشهد التانى : البطل يرجع المعرض تانى بالليل بعد الفطار و التراويح يلاقى عربية الشرير راكنة يعرف إنه جوه و إن الصبى ماكنش بيكدب ( يروح قايل فى سره : أهو القلم بتاعى جاب نتيجة و الواد قال على الحقيقة ) .

يدخل المعرض و يدخل على مكتب الشرير يلاقيه خير اللهم أجعله خير طول بعرض و عضلات حاجة كده شبه لؤى فى فيلم صعيدى فى الجامعة الأمريكانية .

طبعا البطل يتخض و خصوصا إن كان جواه طاقة هيطلعها كلها على جتة الشرير بس هيعمل إيه ... يلاقى الغلبان أللى إنضرب فى المشهد الأول يروح مديلوا فين يوجعك .... يعنى أى حد يطلع فيه الغل و خلاص .

بجد أنا مازلت لحد دلوقتى بتخيل الموقف و عمال أضحك