400 جنيه بسبب لمبة !!!!

**keko** · 02-09-2010 08:26 AM

انا حصل معايا موقف غبى قلت احكيهولكم صرفت اكتر من 400 بسبب لمبة منورة
كنت عند الميكانيكى بعمل شوية سغل فى عمود الكردان المهم قلتله بالمرة غيرلى الفلاتر وبصلى على جوان الكارتير علشان فيه زيت نازل .. المهم طلع الزيت مش من الكارتير طلع فلتر الزيت بيصرخ علشان بقالى زمن ماغيرتهوش غيره وتمام المهم وانا ماشى لقيت لمبة حمرا منورة ولان التابلوه عندى مافيهوش علامات احترت فيها المهم افتكرت انها هيا ولمبة تانية بتنور مع الكنتاك وتطفى لما ادور العربية اوووووووب دى لمبة الزيت رطنت وكلمت الميكانيكى قاللى اوعى تمشى بيها كده زود زيت والحمدلله كان معايا جركن زيت احتياطى قعدت ازود ابا ولا ليها دعوة حلفت والغريبة انى لما ازود بنزين اللمبة تطفى .. اخر ما زهقت مشيت بالعربية وخلاص ورحت للميكانيكى لتبدا الماساة قاللى نبص على طرمبة الزيت المهم بص قاللى ضعيفة والخازوق ان علشان اغير طرمبة زيت او حتى جوان كارتير فى ال 125 لازم الموتور يطلع وطبعا شغلاااااانة ومصاريف المهم اسال على الطرمبة الايطالى لقيتها ب 300 جنيه !! اذا كانت بتاعة ال 124 اللى اقدم منها ب 140 جنيه ايطالى و الخلاصة لقيت ارجنتينى ب 175 رحت لواحد بتاع جملة جبتها ب 135 وعيش بقا العربية مركونة كام يوم و تاكسيات ومصنعيات و لطعة وكمان لقيته عايز يغير سير الدينامو وشوية كاوتش وقواعد قلت بالمرة ماهى المكنة برة وخدت العربية بعد ماركبها 100 عفرريت والتاكيهات اللى كانت تمام بقت عايزة ظبط والكاربراتير جاله انفلونزا وعايزه شغل تانى عند بتوع التاكيهات والكاربراتير

نيجى بقى للطامة الكبرى وانا بدعبس فى المنتدى لقيت اللمبة اللى كانت منورة بيقولو عليها لمبة الدينامو ! ازاااااااااااااااااااااى
بقيت عامل زى المجنون فتحت الكتالوج لقيته بولندى وانا ثقافتى هندى المهم بعد ساعتين تدوير ع النت لقيت كتالوج انجليزى ببص لقيتها لمبة الدينامو فعلا يعنى الجزمة دى طفت علشان سير الدينامو ابو 10 جنيه اللى اتغير والله لحد دلوقتى هاتجنن وانا اللى قلت ماصدقت لقيت ميكانيكى عدل والناس كلها بتشكر فيه ودخلت فى 400 جنيه البيت اولى بيهم .
معلش طولت عليكم بس الواحد دمه محروق قلت افضفض مع اخواتى وكمان لو حد عنده تابلوه مش مكتوب على لمباته يتعلم من غبائى ويروح حااااااااالا يجيب اسكتير ب 2 جنيه يلزقه على كل لمبة

**ahmedhilmy** · 02-09-2010 10:12 AM

معلش قدر الله و ما شاء فعل ربنا يخلف عليك بالاحسن

**د.محمود صلاح** · 02-09-2010 10:32 AM

أنا في عمان بالكرولا 92 كان فيه صوت مع لف الدركسيون يمين وشمال >>> صرفت حوالي 1500 ج عشان أضيع الصوت ده وغيرت عامود الدركسيون والاسكترا بالكامل >>و في الأخر طلع كرسي المساعد من فوق وتكلفته حوالي 50 ج بس ؟؟!ّ!

**ahmed_mido1889** · 02-09-2010 12:59 PM

طب كويس انه قالك غير سير الدينامو بدل لما كان يبقي شكله صغير بعد ما يعمل الهليله دي كلها
وتفضل الللمبه مكانها
استغلاااااااااااااااااااا ااااال

**nobody** · 02-09-2010 08:55 PM

أنت أول ماقولت أما بتدوس بنزين اللمبة بتطفي قولت وش لمبة دينامو لإن كان عندي نفس المشكة وطلعت السلوكنات بتاعت الدينامو عايز تتغير عملتها ب 15 جنيه ومصنعية كهربائي 20 جنيه

**aymanmaly** · 02-09-2010 09:04 PM

الظاهر ان العربية مش متعودة على النعمة
فية عربيات كدة ما بتحبش الصيانة
و على العموم انت ما رمتش فلوس فى الارض لان اي صيانة فى العربية باقية و لا ضرر منها بل افادة
هو المشكلة ان تيجى الحاجات دى و انت مش مستعد ماليا
على لعموم مبروك الصيانة بس انا خايف العربية تتعود على الدلع

**keko** · 02-09-2010 09:28 PM

انا اكتر حاجة غايظانى انى ماصدقت لقيت ميكانيكى كويس كل الناس شكرت فيه وعجبنى شغله وساعتها المصنعية لو عالية مش مشكلة لكن بجد انا كده شكيت فيه ان ممكن يكون بيشتغلنى والطرمبة سليمة او انه ماكنش لازم يطلع الموتور انا عايز اروح اخد منه الطرمبة القديمة واوريها لصنايعى تانى ولو شغالة هابهدله
وهى فعلا العربية كامت جعانة ومش واخدة على النضافة انا تقريبا عملت فيها كل حاجة (رادتير+بطارية+شبكة+لمبات+ج� �مان+عفشة+طبل ببان الخ الخ كله جديد) ده غير الصيانات بس المشكلة بجد ان الواحد نفسه يروح للصنايعى مرة واحدة يعنى اروح للكهربائى ياخد 100 ومارجعش تانى احسن ماروح كل شوية ب 10 جنيه وده نادر فى ايامنا