لادا نيفا من مصر - جميع الكماليات

السلام عليكم


أنا بفكر بإذن الله أشترى لادا نيفا جميع الكماليات من توكيل مصر خلال سنة و لا حاجة و كنت عايز أعرف إيه مشاكلها و إيه مميزاتها؟

و شكرا لكم على المعلومات القيمة

ماتور 1700 وحتكون ضريبته عالية انت عاوز تجبها لية؟ لو مجرد انها سيارة عادية يبقي بالسعر دة تجيب حاجات كتير احسن انما لو عاوزها عشان غاويها يبقي ربنا يوفقك وتخلص فيها

عربية انقرضت من سنين هي واللادا البوريس ومش فاضل منها غير ف مصر ومش فارقة هي موديل 70 ولا 2010 ف الاخر هتبعها على انها لادا اخرك 15 الف

انا كان معايا بولونيز وورتني الويل وعقابا ليها راميها تحت البيت مش هبيعها حتى

اقتباس:

---

المشاركة الأصلية كتبت بواسطة kamalsalem

عربية انقرضت من سنين هي واللادا البوريس ومش فاضل منها غير ف مصر ومش فارقة هي موديل 70 ولا 2010 ف الاخر هتبعها على انها لادا اخرك 15 الف

انا كان معايا بولونيز وورتني الويل وعقابا ليها راميها تحت البيت مش هبيعها حتى

---

ههههههههههههه حلوة عقابا ليها دي مش حبيعها

فعلا العربية دى ماتتشراش زيرو لانها غير ال2107 اللى بتتباع فى 10 دقائق
لو غاوى النيفا اشترى واحدة رخيصة من 10 ل 15 اهم حاجة تكون الشاسيه والصاج مافيهوش غلطة ودخلها عمرة محترمة اصرف كمان 10 غير موتور والات جر وعفشة وكهرباء ورشها لون جامد وركب سنتر وزجاج كهرباء وممكن برضه البدى الكيت البلاستيك بتاعها جميل وطقم جنوط و عجل جديد هتبقى واقفة عليك ب 20ولا 25 انما معاك عربية احلى من الزيرو وماتفكرش تمد ايدك فيها قبل 3 سنين زى الزيرو

شكرا لاهتمامكم بالرد ...إليكم أسبابى:

1- العربية لسه بتتصنع فى روسيا و فى مصر. مش انقرضت. انتشارها محدود معلش.
2- الجديد منها غير القديم. حقن متعدد فى الموتور من جنرال موتورز من سنة 2004 و مميزات تانية.
3- العربية دى إذا ربنا قدرنى و جبتها أخيرا مش حبيعها. أنا مش جايبها عشان أبيعها. أنا مش تاجر. الزيرو اللى ميقعدش معايا 30 سنة يبقى ميستاهلش فلوسه. و لا مليم أحمر. و دى حتبقى أول زيرو ليا.
4- العربية دى تفوت فى الحديد. طرق مصر المخروبة السريعة و غير السريعة و حتى داخل المدن من أول مطبات أحمد حلمى "الجملى" و لحد "استهبالات" الدائرى و القاهرة الجديدة و طرق الأقاليم مينفعش معاها غير عربية تفرم الأسفلت مش الأسفلت هوه اللى يفرمها!
5- حتقولولى هات إس يو فى غربى محترم. بغض النظر عن إن معيش تمنه برضه النيفا أحسن و بشهادة الكنديين و البريطانيين اللى كتير منهم بيعشقوها.

أنا و الحمد لله معايا لادا نيفا 2010 بقالها شهرين الحمد لله و عامل بيها 4000 كيلو متر حتى الآن و رحت بيها الساحل طريق العلمين و رجعت و الحمد لله زى الفل.
حا أقول لك المشاكل اللى قابلتها و رحت الصيانة أكتر من مرة عشان:
1- بيض العجل الأمامى غيرته على 300 كم بس الميكانيكى قالى عادى لأنها مشكلة تخزين مش قصه , إتغيرت فى الضمان و بدون مصنعية الحمد لله.
2- ولاعة السجائر مش شغالة غيرلى الفيوز فى الضمان و اشتغلت الحمد لله
3- رزعت الشنطة جامد جدا قفلها اتكسر غيرته ب 16 جنيه و 15 جنيه مصنعية الحمد لله.
4- غيرت غطاء البنزين بواحد فيه قفل لأن اللى موجود كان بيطلع ريحة بنزين ب 25 جنيه الحمد لله.
5- فلتر الزيت سرب جامد دهولى العربية إتغير فى الضمان و ماشية كويس الحمد لله.
6- ركبتلها جهاز إنذار ب 250 جنيه و الحمد لله شغال كويس.
7- عملتلها ظبط زوايا و الحمد لله ماشية كويس , أنا سافرت بيها الساحل و رجعت و هى بتحدف شمال و الحمد لله كله تمام.
8- فتيس الغرس ساعات بيعلق من آن لآخر بس ناوى أوديها فى يوم مخصوص إن شاء الله يشوفوه.
9- آخر مرة فى التوكيل واحد جايبها ملاكى اشتكالى مر الشكوى و طلع إنه عنده ريحة بنزين , قلتله حمدى لادا أول شارع دمشق مصر الجديدة عنده الغطاء بتاعها , وقالى طيب الفتيس مشروخ و بيخر زيت , ضحكت و قلت له أكيد حد كسره و هما بينقلوها خليهم يغيروهولك فى الضمان فضحك وقالى ما هما بيغيروه فى الورشة جوة قلتله ياراجل يا طيب طب ما الناس أهية عارفة أن النشكلة مش منك و بيصلحوها لعلمك كل العربيات الصينى مغيرة طنابير و مساعدين و هى لسه فى المخزن قبل ما تتسلم للعملاء لأنها بتيجى من الصين فيها عيوب صناعة و الفيرنا مساعدينتها ضعيفة بس الناس مصرة إنها مية مية فسيبك من الناس.
10- وأنا فى الصيانة سألت واحد معاه نيفا طلع سواق فى شركة أسمنت قال لى عربية زبالة لأنه غير بيض (فى الضمان) و غير اسطوانة دبرياج ب 100 جنيه على 2800 كم (عيب استخدام) و جايبها الصيانة النهار دوة عشان التكييف باظ بعد 25,000 كم , المهم إنه ما قعدتش نص ساعة و ندهوله عشان صلحوا التكييف , المهم يمين شمال طلع ان هوا اللى بيهينها لأنه بيركب شيروكى و تيوتا فا بيقرص عليها زيهم و هى مش بتاعة قرص لأنها مافيهاش تربو.

نصائح التشغيل:
1- العربية ما فيهاش تربو فا ما بتسحبش بسرعة زى العربيات الجديدة اللى فيها تربو فا مهما حصل اطلع على مهلك و خليها تاخد سرعتها و حتلاقيها ما شية زيها زى أى عربية.
2- العربية سرعتها القصوى 130 كم فى الساعة حتى الآن و الحمد لله جبت 120 كم على طريق الساحل بشكل مستقيم لأن العربيات العالية بتعوم فاخد بالك.
3- ما تحاولش تجرى بالعربية أكتر من 80 كم خلال فترة ال 1,000 كم الأولى عشان تليين الموتور و يفضل لو تمشى بيها مسافات طويلة نسبيا 30 كم إلى 100 كم على سرعة 70 على الرابع إلى أن تعبر ال 1000 كم الأولى إن شاء الله
4- الخامس تجيبه بعد ال 90 و العربية على سرعة عشان ما يضربش منك , نصيحة من على النت لناس عاملة أكتر من 50,000 كم بيها.
5- غير مية الريداتير من أول يوم بمية موبيل الخضراء , حتوطى صوت الموتور و مش حا تسخن بسرعة.
6- لو سخنت منك فيه مروحتين بيشتغلوا على درجة حرارة 97 بينزلوها ل 90 و كل العربيات كده لازم تسخن فالى يقولك لادا بتسخن يبقى بيفتى لازم الموتور يبقى أعلى من 80 ل 100 عشان أفضل كفاءة
7- العربية بتستهلك 10 لتر لكل 100 كيلو متر , أنا بظبط العداد الصغير على صفر كل تفويلة و أسيبه لغاية لما تبقى عملت 300 كيلو متر و أفول , نصيحة بلاش تسيبها أكتر من كده لأنك ممكن ما تلاقيش بنزين باليل أو فى وقت زنقه , ملحوظة الجيب رانجلر بتستهلك 60 لتر لكل 300 كم , ال 4x4 ما تقارنهاش بعربية City Car سيتى كار 1100 أو 1300 أو 1500 أو 1600 لأن عزم الموتور أعلى فطبيعى الإستهلاك يزيد , فا انه زاد 2 ليتر بس فى النيفا دا شئ كويس و الحمد لله.
8- التوتر اللى حا تشوفه و تسمعه من زملائك فى العمل و أصدقائك لأنك دفعت 68,000 جنيه فى عربية لادا نيفا و المبلغ دوة كان ممكن تجيب بيه عربية محترمة جدا و جامدة جدا زى (فيرنا ! بيكانتو ! دايو لانوس !) أو عربية مستعملة استعمال نضيف (عاملة حادث و رشة برة و جوة و فوق و تحت موديل من 10 إلى 20 سنة فاتت و عاملة عامرة مرتين و متسقط ليها موتور ميكروباص تويوتا ديزل موديل 89) زى (رانجلر ! شيروكى ! لاند روفر !) حا يخليك تتوتر فا حا يخليك تضغط على العربية عشان تثبت لنفسك إنها كويسة فممكن تعمل بيها حادث أو تبوظها , عشان كده النيفا حا تخليك تعرف من هم رفاق السوء فالبتالى تقدر تزهد فيهم و تقاطعهم و انت مرتاح الضمير.

ملاحظات:
1- السيارة فيها إنجكشن و باور و تكييف
2- 1700 سى سى تكلفة الترخيص السنوى 1100 جنيه و الله أعلم بتنقص 15% كل سنة.
3- كل أسبوعين أو شهر إغسلها فى بنزينة محترمة غسيلل يدوى مش فرش سريعة
4- ما تغسلش الموتور بالمية فيه غسيل كيماوى من غير مية اغسل أول ما تستلم العربية إن شاء الله أو لا قدر الله لو حصل إن فيلتر الزيت سرب و دهول العربية زى ما حصلى , عدا ذلك ممكن تغسل الموتور كل 3 شهور 6 شهور أو سنة على حسب الظروف
5- لأنك زى حالاتى أول سواقة يا ريت تروح مركز سواقة و تركزقوى فى موضوع الدبرياج و النقلات و السرعات عشان لما تسوق النيفا تبقى ماشى عليها مظبوط و تعيش إن شاء الله.
6- راقب سيارات الجيش المصرى حتلاقى النيفا شغالة لغاية اليوم و الحمد لله و راقب الهامر اللى ما كملتش معاهم 10 سنين مش حتلاقيه و العربيات الدوبل كابينه الجيمس ماتت برضه و الشيروكى ضايع و الرانجلر بتاع الجيش بيبصوا عليا إزاى باسبقهم و هما مش قادرين يجيبوا 60 كم ودا لو العربية دارت أصلا و مشيت و طلعت على الأسفلت, مرة كنت باغسلها فى مغسلة قابلنى ظابط جيش على المعاش قالى يابنى دى عربيتك قلتله الحمد لله قالى إيه اللى خلاك تجيبها قلتله عربية كويسة و الحمد لله بتعيش و ربنا يبارك لى فيها آمين يا رب , قالى ربنا يفتح عليك بس العربية دية بهدلتنى فى الجيش و سواقتها متعبة قلتله بس عايشة لغاية النهاردة و انتوا فى الجيش بتبهدلوا العربيات مشاريع و عمليات و خلافه قالى عندك حق عموما ربنا يباركلك فيه هى بس تاخد بالك من الصيانات الدورية و الإصلاحات أول بأول و إن شاء الله تكون تمام.

أخيرا العربية دية بنت حلال ما يسوقهاش إلا راجل عايز يعيش بيها و يقضى مصالح و أشغال و مش عايز يدفع فى العربية أكتر من تمنها ب 20 أو 30 ألف جنيه مصرى.
المهم بأمانة تقوى الله فى السيارة , تشغل فيها قرآن و تروح مشاوير شغل أو مصلحة و تمشى على مهلك 60 , 70 , 80 فى الطرق السريعة عشان رنا يسترها واحد رخم عليك تبصله من فوق لتحت و تجيب الأول و تمشى على أقل من مهلك مش تحرق العربية عشان تجيبة و توريه و تجيب غرز يمين شمال و تزنق و تشيع الناس , افتكر دى عربية ما يسوقهاش إلا رجل بمعنى الكلمة , لو اتقيت الله فيها إن شاء الله حا تكون معاك عروسة و ربنا يكرمنا جميعا و مبروك مقدما لو ناوى تشتريها إن شاء الله :120105~352:

دية مقالة على موقع لادا روسيا توضح بيع 23.7 سيارة لادا نيفا بزيادة 76.7% عن العام الماضى فى يوليو فقط
خہخ "ہآزخآہا". خôèِèàëüيûé ٌàéٍ

دية مقالة بتاريخ أغسطس 2010

Lada Niva | First Drives | Car Reviews | Auto Express

و ترجمتها كالآتى
http://photos.autoexpress.co.uk/imag...o_388207_7.jpg

لا ، عينيك لا تخدعاك. هذه هى حقا لادا نيفا ، ويمكنك شرائها جديدة لأقل من 10،000 جنيه إسترليني! بالرغم من أنه لن يغفر لك للتفكير فى أنها توفية منذ سنوات ، 4x4 روسيا المفضل لا يزال في الإنتاج ، والتي يتم استيرادها إلى المملكة المتحدة للمرة الاولى منذ عام 1997.

كما ترون ، لا يبدو أي مختلفة عندما ذهب للبيع في عام 1978. إلا أنه يأتي في يده اليسرى محرك ، مع محرك البنزين 1.7 لتر ، ولكن نيفا واردات السيارات في توفر الوقود المزدوج شكل ، حتى تتمكن من إعادة ملء مع الغاز الطبيعي المسال في 66p للتر الواحد.

الصالون الداخلى ليس مريح بشكل كبير و فيها فتيسين و بها ثلاث أذرع للفتيس , تعشيق و غرس تقيل و خفيف و فتيس نقل خمس سرعات
الصالون صغير نسبيا و المساحة الداخلية للحقائب كذلك إلا أن قدراتها فعلى الطرق الوعرة عالية

على الطريق ، انها مختلطة -- تم تعديل المحرك ، ولكن عجلة القيادة ثقيلة نوعا مما ، والفرامل ليسة ABS لا يشعر بالثقة تماما. الأداء يتم على مهل ، مع تسارع من 60mph - 0 في 17.5 ثانية.

ولكن السيارة تنجز في الطين والحصى ، وبقاعدة عجلات قصيرة ، وارتفاع السيارة و عزم المحرك يضمنان أن اقسى التضاريس هى التى توقفها فقط.

اقتباس:

---

المشاركة الأصلية كتبت بواسطة mnmmnmmnmmnm

دية مقالة على موقع لادا روسيا توضح بيع 23.7 سيارة لادا نيفا بزيادة 76.7% عن العام الماضى فى يوليو فقط

---

خطآ مطبعجى
نيفا أنتجوا منها 23.7 ألف سيارة بزيادة 76.7% عن العام الماضى فى ال 7 شهور
لادا 2107 اتجوا منها 68.8 ألف سيارة بزيادة 63.8% عن العام الماضى فى ال 7 شهور
و صدرو 3.2 ألف سيارة فى يولو و حوالى 21 ألف سيارة فى 2010 , طبعا إحنا عارفين مين اللى استوردهم :satelite:

على فكرة روسيا بتعمل مشروع إحلال و تجديد للسيارات العائلية و الشعبية و لادا لازالت لها نصيب الأسد من ال 2107 و النيفا بالنسبة للطبقة المتوسطة و الدنيا اللى زى حالاتنا :Ta_clap[1]:

اشتري فيتارا 2002 ب 65 الف احسن

اقتباس:

---

المشاركة الأصلية كتبت بواسطة mnmmnmmnmmnm

أنا و الحمد لله معايا لادا نيفا 2010 بقالها شهرين الحمد لله و عامل بيها 4000 كيلو متر حتى الآن و رحت بيها الساحل طريق العلمين و رجعت و الحمد لله زى الفل.
حا أقول لك المشاكل اللى قابلتها و رحت الصيانة أكتر من مرة عشان:
1- بيض العجل الأمامى غيرته على 300 كم بس الميكانيكى قالى عادى لأنها مشكلة تخزين مش قصه , إتغيرت فى الضمان و بدون مصنعية الحمد لله.
2- ولاعة السجائر مش شغالة غيرلى الفيوز فى الضمان و اشتغلت الحمد لله
3- رزعت الشنطة جامد جدا قفلها اتكسر غيرته ب 16 جنيه و 15 جنيه مصنعية الحمد لله.
4- غيرت غطاء البنزين بواحد فيه قفل لأن اللى موجود كان بيطلع ريحة بنزين ب 25 جنيه الحمد لله.
5- فلتر الزيت سرب جامد دهولى العربية إتغير فى الضمان و ماشية كويس الحمد لله.
6- ركبتلها جهاز إنذار ب 250 جنيه و الحمد لله شغال كويس.
7- عملتلها ظبط زوايا و الحمد لله ماشية كويس , أنا سافرت بيها الساحل و رجعت و هى بتحدف شمال و الحمد لله كله تمام.
8- فتيس الغرس ساعات بيعلق من آن لآخر بس ناوى أوديها فى يوم مخصوص إن شاء الله يشوفوه.
9- آخر مرة فى التوكيل واحد جايبها ملاكى اشتكالى مر الشكوى و طلع إنه عنده ريحة بنزين , قلتله حمدى لادا أول شارع دمشق مصر الجديدة عنده الغطاء بتاعها , وقالى طيب الفتيس مشروخ و بيخر زيت , ضحكت و قلت له أكيد حد كسره و هما بينقلوها خليهم يغيروهولك فى الضمان فضحك وقالى ما هما بيغيروه فى الورشة جوة قلتله ياراجل يا طيب طب ما الناس أهية عارفة أن النشكلة مش منك و بيصلحوها لعلمك كل العربيات الصينى مغيرة طنابير و مساعدين و هى لسه فى المخزن قبل ما تتسلم للعملاء لأنها بتيجى من الصين فيها عيوب صناعة و الفيرنا مساعدينتها ضعيفة بس الناس مصرة إنها مية مية فسيبك من الناس.
10- وأنا فى الصيانة سألت واحد معاه نيفا طلع سواق فى شركة أسمنت قال لى عربية زبالة لأنه غير بيض (فى الضمان) و غير اسطوانة دبرياج ب 100 جنيه على 2800 كم (عيب استخدام) و جايبها الصيانة النهار دوة عشان التكييف باظ بعد 25,000 كم , المهم إنه ما قعدتش نص ساعة و ندهوله عشان صلحوا التكييف , المهم يمين شمال طلع ان هوا اللى بيهينها لأنه بيركب شيروكى و تيوتا فا بيقرص عليها زيهم و هى مش بتاعة قرص لأنها مافيهاش تربو.

نصائح التشغيل:
1- العربية ما فيهاش تربو فا ما بتسحبش بسرعة زى العربيات الجديدة اللى فيها تربو فا مهما حصل اطلع على مهلك و خليها تاخد سرعتها و حتلاقيها ما شية زيها زى أى عربية.
2- العربية سرعتها القصوى 130 كم فى الساعة حتى الآن و الحمد لله جبت 120 كم على طريق الساحل بشكل مستقيم لأن العربيات العالية بتعوم فاخد بالك.
3- ما تحاولش تجرى بالعربية أكتر من 80 كم خلال فترة ال 1,000 كم الأولى عشان تليين الموتور و يفضل لو تمشى بيها مسافات طويلة نسبيا 30 كم إلى 100 كم على سرعة 70 على الرابع إلى أن تعبر ال 1000 كم الأولى إن شاء الله
4- الخامس تجيبه بعد ال 90 و العربية على سرعة عشان ما يضربش منك , نصيحة من على النت لناس عاملة أكتر من 50,000 كم بيها.
5- غير مية الريداتير من أول يوم بمية موبيل الخضراء , حتوطى صوت الموتور و مش حا تسخن بسرعة.
6- لو سخنت منك فيه مروحتين بيشتغلوا على درجة حرارة 97 بينزلوها ل 90 و كل العربيات كده لازم تسخن فالى يقولك لادا بتسخن يبقى بيفتى لازم الموتور يبقى أعلى من 80 ل 100 عشان أفضل كفاءة
7- العربية بتستهلك 10 لتر لكل 100 كيلو متر , أنا بظبط العداد الصغير على صفر كل تفويلة و أسيبه لغاية لما تبقى عملت 300 كيلو متر و أفول , نصيحة بلاش تسيبها أكتر من كده لأنك ممكن ما تلاقيش بنزين باليل أو فى وقت زنقه , ملحوظة الجيب رانجلر بتستهلك 60 لتر لكل 300 كم , ال 4x4 ما تقارنهاش بعربية City Car سيتى كار 1100 أو 1300 أو 1500 أو 1600 لأن عزم الموتور أعلى فطبيعى الإستهلاك يزيد , فا انه زاد 2 ليتر بس فى النيفا دا شئ كويس و الحمد لله.
8- التوتر اللى حا تشوفه و تسمعه من زملائك فى العمل و أصدقائك لأنك دفعت 68,000 جنيه فى عربية لادا نيفا و المبلغ دوة كان ممكن تجيب بيه عربية محترمة جدا و جامدة جدا زى (فيرنا ! بيكانتو ! دايو لانوس !) أو عربية مستعملة استعمال نضيف (عاملة حادث و رشة برة و جوة و فوق و تحت موديل من 10 إلى 20 سنة فاتت و عاملة عامرة مرتين و متسقط ليها موتور ميكروباص تويوتا ديزل موديل 89) زى (رانجلر ! شيروكى ! لاند روفر !) حا يخليك تتوتر فا حا يخليك تضغط على العربية عشان تثبت لنفسك إنها كويسة فممكن تعمل بيها حادث أو تبوظها , عشان كده النيفا حا تخليك تعرف من هم رفاق السوء فالبتالى تقدر تزهد فيهم و تقاطعهم و انت مرتاح الضمير.

ملاحظات:
1- السيارة فيها إنجكشن و باور و تكييف
2- 1700 سى سى تكلفة الترخيص السنوى 1100 جنيه و الله أعلم بتنقص 15% كل سنة.
3- كل أسبوعين أو شهر إغسلها فى بنزينة محترمة غسيلل يدوى مش فرش سريعة
4- ما تغسلش الموتور بالمية فيه غسيل كيماوى من غير مية اغسل أول ما تستلم العربية إن شاء الله أو لا قدر الله لو حصل إن فيلتر الزيت سرب و دهول العربية زى ما حصلى , عدا ذلك ممكن تغسل الموتور كل 3 شهور 6 شهور أو سنة على حسب الظروف
5- لأنك زى حالاتى أول سواقة يا ريت تروح مركز سواقة و تركزقوى فى موضوع الدبرياج و النقلات و السرعات عشان لما تسوق النيفا تبقى ماشى عليها مظبوط و تعيش إن شاء الله.
6- راقب سيارات الجيش المصرى حتلاقى النيفا شغالة لغاية اليوم و الحمد لله و راقب الهامر اللى ما كملتش معاهم 10 سنين مش حتلاقيه و العربيات الدوبل كابينه الجيمس ماتت برضه و الشيروكى ضايع و الرانجلر بتاع الجيش بيبصوا عليا إزاى باسبقهم و هما مش قادرين يجيبوا 60 كم ودا لو العربية دارت أصلا و مشيت و طلعت على الأسفلت, مرة كنت باغسلها فى مغسلة قابلنى ظابط جيش على المعاش قالى يابنى دى عربيتك قلتله الحمد لله قالى إيه اللى خلاك تجيبها قلتله عربية كويسة و الحمد لله بتعيش و ربنا يبارك لى فيها آمين يا رب , قالى ربنا يفتح عليك بس العربية دية بهدلتنى فى الجيش و سواقتها متعبة قلتله بس عايشة لغاية النهاردة و انتوا فى الجيش بتبهدلوا العربيات مشاريع و عمليات و خلافه قالى عندك حق عموما ربنا يباركلك فيه هى بس تاخد بالك من الصيانات الدورية و الإصلاحات أول بأول و إن شاء الله تكون تمام.

أخيرا العربية دية بنت حلال ما يسوقهاش إلا راجل عايز يعيش بيها و يقضى مصالح و أشغال و مش عايز يدفع فى العربية أكتر من تمنها ب 20 أو 30 ألف جنيه مصرى.
المهم بأمانة تقوى الله فى السيارة , تشغل فيها قرآن و تروح مشاوير شغل أو مصلحة و تمشى على مهلك 60 , 70 , 80 فى الطرق السريعة عشان رنا يسترها واحد رخم عليك تبصله من فوق لتحت و تجيب الأول و تمشى على أقل من مهلك مش تحرق العربية عشان تجيبة و توريه و تجيب غرز يمين شمال و تزنق و تشيع الناس , افتكر دى عربية ما يسوقهاش إلا رجل بمعنى الكلمة , لو اتقيت الله فيها إن شاء الله حا تكون معاك عروسة و ربنا يكرمنا جميعا و مبروك مقدما لو ناوى تشتريها إن شاء الله :120105~352:

---

أشكرك فعلا و بشدة ..ردك منطقى و موضوعى...جزاك الله كل خير. إليك تعقيبى:
1- مشكلة البيض: دى سامع عنها من قبل كده. و بيتغير فى الضمان و بعد كده يعيش. ممتاز.
2- مشكلة الفلتر: واضح إنه كان حظك بس ربنا يعوضك خير.
3- ولاعة السجاير: أنا مش بدخن و مش عايزها :satelite:
4- رزعت الشنطة جامد جدا: الغضب و السرعة ممكن يحصلوا لأى حد و النتيجة مش حتختلف كتير فى أى عربية. يمكن حتى كان الصاج فى عربية تانية يبوظ :satelite:
5- غطا البنزين بيسرب: ممكن يكون عيب صناعة شائع بسمش مشكلة كبيرة. أنا مغير غطا ال 126 ب 13 جنيه :majd(2):
6- ظبط الزوايا بعد مشوار لحد الساحل و العلمين: حقها!
7- فتيس الغرز بيعلق: كداب اللى يقوللك إنى عايزها أطلع بيها الجبل!! أنا عايزها مضادة لوزارة الطرق و الكبارى.
8- القرص على العربية و تليين الموتور: أنا مش بكره قد الناس دى:satelite:
9- التوتر و قول السوء: اللى فاكر نفسه جيريمى كلاركسون و لا ريتشارد هاموند يورينى صفار شعره ... الأشقر :Ta_clap[1]: (قصدى على الحلقة اللى كلها إفترا على الصناعة الروسى بحالها)

شكراً علي التقربر بس كنت عاوز اعرف نوع البنزين للنيفا 80 و لا 90 مع العلم إنها انجكشن مش كاربراتير

90 طبعا

اقتباس:

---

المشاركة الأصلية كتبت بواسطة bambino

أشكرك فعلا و بشدة ..ردك منطقى و موضوعى...جزاك الله كل خير. إليك تعقيبى:
1- مشكلة البيض: دى سامع عنها من قبل كده. و بيتغير فى الضمان و بعد كده يعيش. ممتاز.
2- مشكلة الفلتر: واضح إنه كان حظك بس ربنا يعوضك خير.
3- ولاعة السجاير: أنا مش بدخن و مش عايزها :satelite:
4- رزعت الشنطة جامد جدا: الغضب و السرعة ممكن يحصلوا لأى حد و النتيجة مش حتختلف كتير فى أى عربية. يمكن حتى كان الصاج فى عربية تانية يبوظ :satelite:
5- غطا البنزين بيسرب: ممكن يكون عيب صناعة شائع بسمش مشكلة كبيرة. أنا مغير غطا ال 126 ب 13 جنيه :majd(2):
6- ظبط الزوايا بعد مشوار لحد الساحل و العلمين: حقها!
7- فتيس الغرز بيعلق: كداب اللى يقوللك إنى عايزها أطلع بيها الجبل!! أنا عايزها مضادة لوزارة الطرق و الكبارى.
8- القرص على العربية و تليين الموتور: أنا مش بكره قد الناس دى:satelite:
9- التوتر و قول السوء: اللى فاكر نفسه جيريمى كلاركسون و لا ريتشارد هاموند يورينى صفار شعره ... الأشقر :ta_clap[1]: (قصدى على الحلقة اللى كلها إفترا على الصناعة الروسى بحالها)

---

و لاعة السجاير سليمة بس قصدى الفيوز بايظ و صلحوه
بس لازم تصلحها عشان منفاخ الكاوتش و المكنسة و الموديوليتور بيشتغلوا بيها فهى مهمة

آه و اتأكد إن نور الفرامل سليم لأنى اكتشفت إنه مش شغال برضه و ظبطهولى هى حاجات صغيرة بس مهم التشييك عليها

اقتباس:

---

المشاركة الأصلية كتبت بواسطة ayad2007

شكراً علي التقربر بس كنت عاوز اعرف نوع البنزين للنيفا 80 و لا 90 مع العلم إنها انجكشن مش كاربراتير

---

فى الكاتالوج بتاعها إنه يتم استخدام بنزين 95 بس أنا ظابط نفسى على 92 عشان العربية جديدة و بقلل مشاويرى عشان ما حرقش بنزين كتير :120105~352:.

أشكر الأخ mmmmmmmmmmmm على هذا التقرير الرائع اللى جاوبلى على أسئله كتيير فى بالى عن النيفا الجديده....أنا بصراحه بدور على أنسب أول سياره لأبنى (سنه 20 سنه) تكون مناسبه للطرق فى مصر ويكون معامل الامان فيها عالى وماتسمحلوش بانه يجرى بيها فلاقيت ان انسب سياره له هى النيفا 2010 ...كان رافض فى الاول ولكن أصحابه اقنعوه بأنها مناسبه ليه جدا كأول سياره ... الاخ mmmmmmmmm شجعنى على اتخاذ القرار مع الاستفاده بتحربته فى التعامل مع السياره....وكل عام وانتم طيبين

اقتباس:

---

المشاركة الأصلية كتبت بواسطة meng235

أشكر الأخ mmmmmmmmmmmm على هذا التقرير الرائع اللى جاوبلى على أسئله كتيير فى بالى عن النيفا الجديده....أنا بصراحه بدور على أنسب أول سياره لأبنى (سنه 20 سنه) تكون مناسبه للطرق فى مصر ويكون معامل الامان فيها عالى وماتسمحلوش بانه يجرى بيها فلاقيت ان انسب سياره له هى النيفا 2010 ...كان رافض فى الاول ولكن أصحابه اقنعوه بأنها مناسبه ليه جدا كأول سياره ... الاخ mmmmmmmmm شجعنى على اتخاذ القرار مع الاستفاده بتحربته فى التعامل مع السياره....وكل عام وانتم طيبين

---

شكرا لك يا سيدى الفاضل

بس معلومة عامة عن ال Mini SUV أو السيارات الإستخدام الرياضى
1- فى المنحنيات لازم يهدى على قدر ميل المنحنى
2- النقل من حارة لحارة على سرعة يكون على مسافة مريحة نسبيا و فى خط مستقيم مائل , متكسرش الدريكسيون عشان مؤخرة العربية ما تحدفش منك.
3- إوعى أبدا و أنت فى منحنى تفادى على الواسع و تنقل من الحارة الداخلية للخارجية لأن السيارة حا تحدف منك حتى لو BMW X5 أما لو التزمت بالحارة بمحناها الملائم و السرعة الملائمة فلا توجد مشكلة بإذن الله.
4- لا بد من التدريب على الطلوع على منحنى من وضع الثبات باستخدام فرامل اليد , وقفت فى الإشارة اللى على مطلع صلاح سالم أمام القلعة فى اتجاه مسجد السيدة عائشة و كان مهرجان , بس الحمد لله عديت. :B4_048:

الفكرة إن العربيات ال SUV عالية و مرتفعة بالنسبة لعرضها و بالتالى الشاسيه يعتبر قوة طرد إضافية مما يجعلها أقل ثباتا مقارنة بالسيارات الصغيرة القريبة من الأرض.

اقتباس:

---

المشاركة الأصلية كتبت بواسطة meng235

أشكر الأخ mmmmmmmmmmmm على هذا التقرير الرائع اللى جاوبلى على أسئله كتيير فى بالى عن النيفا الجديده....أنا بصراحه بدور على أنسب أول سياره لأبنى (سنه 20 سنه) تكون مناسبه للطرق فى مصر ويكون معامل الامان فيها عالى وماتسمحلوش بانه يجرى بيها فلاقيت ان انسب سياره له هى النيفا 2010 ...كان رافض فى الاول ولكن أصحابه اقنعوه بأنها مناسبه ليه جدا كأول سياره ... الاخ mmmmmmmmm شجعنى على اتخاذ القرار مع الاستفاده بتحربته فى التعامل مع السياره....وكل عام وانتم طيبين

---

بصراحة وياريت محدش يزعل من كلامي بلاش تشتريها زيرو الفلوس دي كتير اوي عليها

انا عندى نيفا بصراحة حكاية وعملية جدا جدا دبابة روسى بحق وحقيقى وممكن تتروش بتكون شكلها حلو واول مرة اشعر انها دبابة فعلا انقذتنى من حوادث كثيرة واخرها وانا ماشى بعد الافطار بالسيارة دخلت فيا عربية نص نقل من الجنب بالتحديد الباب اللى بجوار السائق خبطة شديدة نظرت الى السيارة النقل وجد الكايوت طالع برة ومتبهدلة من الامام قولت اكيد سيارتى متكسرة انزل اشوف والله وجد سيارتى مفهاش غير كسر بسيط فى الفيبر الخارجى اللى مزين السيارة فقط وقمت لاحم الفيبر وخلاص

وكان كل الناس مندهشة جدا حمد الله وشكرتة على سترة لى اولا وحسن اختيارى للنيفا

بخصوص الشوراع المكسرة ادخل وقول عايز كمان طرق مكسرة مفيش حاجة بتقف امامها

موتور صيانة وخلافة مفيش اى مشاكل كل تمام وقطع الغيار متوفرة جدا بسعر رخيص

واحلى حاجة ان مفيش حد ح يحب يهزر او يغلس عليك فى الطريق خوفا من السيارة مينفعش التهريج معاها

دية تجربتى مع السيارة وهى 100 %

عشقا فى جمالك يا نيفا :)

دى صفحة ويكيبيديا للنيفا

Lada Niva - Wikipedia, the free encyclopedia

و دى ترجمة جوجل الركيكة ليها...بس أهى ترجمة

Google Translate

و دى صور المحبوبة..

http://img295.imageshack.us/img295/6...ack1x1600x.jpg


http://img830.imageshack.us/img830/8...x1600x1200.jpg

http://img210.imageshack.us/img210/7...taticx1024.jpg
http://img340.imageshack.us/img340/9...ladaniva14.jpg

الصور تانى مباشرة :)

http://img340.imageshack.us/img340/9...ladaniva14.jpg


http://img210.imageshack.us/img210/7...taticx1024.jpg


http://img830.imageshack.us/img830/8...x1600x1200.jpg


http://img295.imageshack.us/img295/6...ack1x1600x.jpg

اقتباس:

---

المشاركة الأصلية كتبت بواسطة bambino

شكرا لاهتمامكم بالرد ...إليكم أسبابى:

1- العربية لسه بتتصنع فى روسيا و فى مصر. مش انقرضت. انتشارها محدود معلش.
2- الجديد منها غير القديم. حقن متعدد فى الموتور من جنرال موتورز من سنة 2004 و مميزات تانية.
3- العربية دى إذا ربنا قدرنى و جبتها أخيرا مش حبيعها. أنا مش جايبها عشان أبيعها. أنا مش تاجر. الزيرو اللى ميقعدش معايا 30 سنة يبقى ميستاهلش فلوسه. و لا مليم أحمر. و دى حتبقى أول زيرو ليا.
4- العربية دى تفوت فى الحديد. طرق مصر المخروبة السريعة و غير السريعة و حتى داخل المدن من أول مطبات أحمد حلمى "الجملى" و لحد "استهبالات" الدائرى و القاهرة الجديدة و طرق الأقاليم مينفعش معاها غير عربية تفرم الأسفلت مش الأسفلت هوه اللى يفرمها!
5- حتقولولى هات إس يو فى غربى محترم. بغض النظر عن إن معيش تمنه برضه النيفا أحسن و بشهادة الكنديين و البريطانيين اللى كتير منهم بيعشقوها.

---

بعد مراجعة معلوماتى...
تصحيح: الحقن المتعدد من تصميم شركة Bosch مش حنرال موتورز. قبلها كان فيه حقن موحد من جنرال موتورز.

تجربة شخصية لواحد استرالى مع النيفا :)

1990 Lada Niva - www.drive.com.au