إللى يشترى الريجاتا يبقى اشترى العتبه الخضرا... دعوه مفتوحه للنقاش

السلام عليكم
انا من مالكى الريجاتا حديثا موديل 85 مكيفه نصفها نوفا ونصفها عاديه
سألت على اشياء فى التابلوه لم اجدها فى اى مكان لا قديم ولا مستعمل ووجدت زرار درج التابلوه بالعافيه فى عزبة شلبى وصاحبه إتنك وطلب 120 جنيه بعد لف فى الوكاله والحرفيين
إتكسرت طنبورة الكرنك وهى زى بتاعة الريجاتا النوفا بيركب عليها 2 سير ولم اجدها ابدا استيراد ووصيت كل الميكانيكيه والعربيه اتركنت لحد ما الكيلانى جبهالى ب 450 جنيه مجرد قطعة حديد مصمته
علامات الريجاتا الاصليه غير موجوده
مراية الريجاتا الداخليه غير موجوده
كراسى الريجاتا غير موجوده
طارة الدريكسيون غير موجوده
الاوكر غير موجوده
العتب الباغ بتاع اللابواب والرفرف غير موجوده...........الخ
كلها اشياء يصعب ان لم يكن مستحيل ان تجدها
فمن يعرف شيئا يقول

الحاجات ديه في عزبة شلبي
الوكالة بتاعت كله عزبة شلبي اغلبها ناس فيات متقطع

و علي فكرة بقي لعلمك الحاجات اللي انتا بتقول عليها ديه اصلا نادرة في اي عربية و ياريت بلاش التحامل الجامد عالعربيات الفيات ديه لأن مهما وصلت ارحم من حاجات تانية كتير
حضرتك بتتكلم في حاجات بتفضل في العربية لحد لما العربية تتعدم ايه اللي بوظها عندك؟؟؟ مش عارف او جايز من اللي قبلك


وبعدين منا عندي المرايات نادرة جدا في الأونو عالأقل انتا ممكن تركب مرايات شاهين بدون ما يكون في فراغ و شكلهم بيبقي جامد انا لأ لأن لازم بتوع الأونو علشان ماتسيبش فراغات

و ده وضع طبيعي انك لما تشتري جزء معين في التابلوه متلاقيهوش او التاجر يطلب فيه سعر خيالي حتي لو كان زرار و عالأقل انت لقيت الزرار احمد ربنا انك لقيته انا مش لاقي الدرج اصلا!! الا كان عند اتنين كان عندهم اونو مقطوعة نصين و دخلت اتفرج بس فلوسي كانت خلصت

اما الباقي (الكراسي و العلامات و الطارة موجودين و ناس صحابي كتير جابوها و بردو من العزبة)

و حوار طنبورة الكرنك ديه فكرت تسأل نفسك ليه مش موجودة استيراد؟؟؟ اول حاجة لأنها شبه مش بتبوظ او اعطالها نادرة ده غير ان محلات بلدك ما شاء الله بيجيبو اي حاجة عليها طلب فقط (اومال فاتحين محلات و كاتبينلنا فيات ليه!!)
تاني حاجة لأن بتاع الأستيراد مش هيخلعهالك من موتور عنده و يخلي الموتور ميشتغلش علشان خاطر واحد عايز قطعة معينة فيه الا لو واحد بتاع استيراد عنده كام موتور تعبان و مالهوش ورق و ديه الحاجات السليمة فيه زي طنبورة الكرنك ديه فا يخلعهالك غير كده لأ انا اسيب الموتور زي ما هو و ابيعه مكنة كاملة استيراد بمبلغ كويس ايه اللي يخليني افك منه حاجة (هو ده نظام الأستيراد)

و يعني ايه عتب باغ ؟؟؟؟؟؟ في عتب فيبرت اللي بيركب عالعتب الأصلي في الأجناب و ده غلط و كله بيشيلو علشان المجاري اللي في الشوارع لأنه بيلم بارومة في العتب
قصدك ايه بالعتب الباغ اوصفلنا

و الأوكر برده كذلك نفس الكلام بتتباع مع الباب و مش بيخلعوها لحد علشان تمن الباب مينزلش و يبقي كامل الا لو هيبيعوها غالية و ده غالبا اللي ساعات بيحصل او لو فاقدين الأمل في بيع الباب بسبب سوء حالته فا ممكن بيبيعو الأوكرة و خلاص

سمسم باشا :verygood::verygood:

اقتباس:

---

المشاركة الأصلية كتبت بواسطة diaaking

السلام عليكم
انا من مالكى الريجاتا حديثا موديل 85 مكيفه نصفها نوفا ونصفها عاديه
سألت على اشياء فى التابلوه لم اجدها فى اى مكان لا قديم ولا مستعمل ووجدت زرار درج التابلوه بالعافيه فى عزبة شلبى وصاحبه إتنك وطلب 120 جنيه بعد لف فى الوكاله والحرفيين
إتكسرت طنبورة الكرنك وهى زى بتاعة الريجاتا النوفا بيركب عليها 2 سير ولم اجدها ابدا استيراد ووصيت كل الميكانيكيه والعربيه اتركنت لحد ما الكيلانى جبهالى ب 450 جنيه مجرد قطعة حديد مصمته
علامات الريجاتا الاصليه غير موجوده
مراية الريجاتا الداخليه غير موجوده
كراسى الريجاتا غير موجوده
طارة الدريكسيون غير موجوده
الاوكر غير موجوده
العتب الباغ بتاع اللابواب والرفرف غير موجوده...........الخ
كلها اشياء يصعب ان لم يكن مستحيل ان تجدها
فمن يعرف شيئا يقول

---

يا استاذ ضياء احنا مالنا و مال العتبة الخضرا دلوقتى انا هقول لحضرتك
اولا انا اول مرة اسمع عن ريجاتا 85 نصفها نوفا و نصها عادى مبتبقاش كده ممكن يكون مغير ابواب او مركب مكنة زجاج كهربا و مركبلها تكييف علشان تعلى سعرها لما يبيع بس مش اكتر
تانى حاجة الريجاتا معروفة بالتابلوه الصعيف بتاعها فمعنى ان حاجة اتكسرت الحمها و كمل علية لحد ما تجيب واحد جديد و كان فى عضو هنا قال ان فى واحد بيصب التابلوه بس للاسف مرضش علينا فى مكانه فين
اما الاكر بتاعت البيبان دى موجودة ده انت اكر عادية اللى بيدوخو بجد بتوع النوفا من 88 و انت طالع لانها مقابض مش اكر بس انا بجيبها من واحد فى المنيل
مش هتفرق معاك العلامة الاصلية كده كده فى ناس بنت حلال بتخلعهم بالليل و احنا نايمين
المرايات بتاعت الريجاتا موجودة بس غالية فالاغلبية بيركبو بتاعت الشاهين او الدوجان حلوة و بتستحمل و الشكل كويس برضو
ازاى بقى يا باشا الكراسى غير موجودة عزبة شلبى فين و الوكالة و شارع زكى و التوفيقية كل دول فين ده لو سروجى جنبك و قولتلوا هيقولك حاضر و هيقب و يغطس و يجيبهوملك
الطارة بتاعت الدريكسيون فى عزبة شلبى برضو هتلف حبة بس هتلاقيها لو انت هتجيب حاجات كتير و هيضحك عليك فى السعر هنا:ma:
نصيحة اطلع الاسماعلية او بور سعيد بس ارجح الاسماعلية عند بتوع قطع الغيار اللى هناك استيراد و نضيف اطلع و شوف هتلاقى العتب اللى موجود فى شارع زكى هتلاقى كل حاجة العتب الفبر بيبقى شكلة حلو و مينفعش يتشال بس بتاع الريجاتا القديم صعب شوية انك تلاقيه
و لو فى اى حاجة انا معاك مفيهاش مشكلة كلنا ريجاتاوية:satelite:

والله يا جماعه انا بلف بقالى اربع ايام فى كل حته وده واقع من التجربه العمليه

اقتباس:

---

المشاركة الأصلية كتبت بواسطة diaaking

والله يا جماعه انا بلف بقالى اربع ايام فى كل حته وده واقع من التجربه العمليه

---

في كل حتة اللي هي فين ديه ؟؟

و الله انا ممكن انزل معاك و اوصفلك الراجل بتاع الاسماعلية انا اقرب وقت هروح بعد رمضان هجيب حبة حاجات كده ممكن اسالك على الحاجة اللى انت عاوزها انا مش بقول انك متكاسل ولا طبعا انا بقول انك ممكن تكون مش بتدور صح
شوف يا باشا و انا تحت امرك

اظن مفيش دلع اكتر من كده اهوه
الراجل بنفسه بيقولك ممكن يبقي ينزل معاك و احنا قلنالك عالأماكن اللي بنجيب منها

بس بردو مقولتليش ايه العتب الباغ ده ؟؟ لو قصدك اللي كبير و فايبر عالعربية من ال جمب فا ده نادر اصلا بيتجاب من التوفيقية فقط عندهم كتير و جديد

اقتباس:

---

المشاركة الأصلية كتبت بواسطة x100

سمسم باشا :verygood::verygood:

---

منور يا جميل

بقالها معايا 13 سنة مفيش حد يقدر ينكر ان حاجات الريجاتا بقت قليلة اوي اوي دلوقتي غير زمان أيام ماكانت مليا بورسعيد
قليلة بس موجودة وللاسف فعلا فيه حاجات هتدوخ عليها مع احترامي لكل الاعضاء أنا مش لاقي رادياتير نضيف بقالي شهر أصلا

اقتباس:

---

المشاركة الأصلية كتبت بواسطة aymoz

بقالها معايا 13 سنة مفيش حد يقدر ينكر ان حاجات الريجاتا بقت قليلة اوي اوي دلوقتي غير زمان أيام ماكانت مليا بورسعيد
قليلة بس موجودة وللاسف فعلا فيه حاجات هتدوخ عليها مع احترامي لكل الاعضاء أنا مش لاقي رادياتير نضيف بقالي شهر أصلا

---

يا ساتر :O_stupid[1]:

طب خلاص انا هسألكم برده صاحبي ده بيجيب منين
بالمناسبة يا ايمن طب منتا ممكن تركب ريداتير عربية تاني
هيونداي 1500 مثلا مش ممكن تعدل المكان و يركب ؟

مقدرش اسمع ان شراء الريجاتا مثل شراء العتبه الخضراء بدون ماعلق
اولا انا شارى ريجاتا نوفا منذ سنه وقبل ماشتريها علمت بحث شامل عن عيوبها وميزاتها وقطع غيارها
وان من اكثر عيوبها انتشارا الا وهو التابلوه انه ضعيف لانى باقى العيوب ثانوية مثلها مثل باقى السيارات قطع غيارها زى ماقال الاعضاء موجوده بس محتاجه بحث شوية واللى بتحتاج بحث هى اللى قليلة الاعطال
لكن بعد ماشتريت السيارة وظلت معى قرابه السنه ارتحت لها كتير جدا قوة وثبات على الطريق ولا يمكن ابيعها او ابدلها باعلى الا للشديد القوى
ثانيا
ممكن عربيه تكون واخده سمعه جيدة جدا وممتازة لكن الحظ العثر ممكن يوقع فى سيارة تكرهك حياتك رغم الاشاده بها من جميع الاعضاء
ثالثا
السيارة مثل البناء بمعنى هات عربيه اساسياتها نظيفة وحافظ عليها تأخذ خيرها
لكن تجيب سيارة نفس السيارة اللى الاعضاء بيشيدوا بيها اساسياتها تعبانه متعدله شوية من الشرق وشوية من الغرب وتتعبك وتكرهك حياتك هل معنى كده هذا النوع من السيارة كله تعبان بطبع لا
لذلك انا اختلف مع حضرتك

اقتباس:

---

المشاركة الأصلية كتبت بواسطة semsem_uno

يا ساتر :o_stupid[1]:

طب خلاص انا هسألكم برده صاحبي ده بيجيب منين
بالمناسبة يا ايمن طب منتا ممكن تركب ريداتير عربية تاني
هيونداي 1500 مثلا مش ممكن تعدل المكان و يركب ؟

---

ركب راديتر نحاس- ده تقريبا بيتفصل- مالوش دعوه بماركة العربيه - فى واحد فى اول عماد الدين من ناحية شارع رمسيس متخصص فى اللعبه دى

الريجاتا للاسف عربيه قويه بس النوفا منها مشكله فى الكماليات والاكسسوارات - مره ايام المرحومه اللى كانت معايا دخت على ترس بيسموه ترس الباندكس- بيلف عليه سير الكاتينه- بعد دوخه لقيته جديد فى التوفقيه بس من 10 سنين كان سعره 60 جنيه فى الوقت اللى كان ترس العاديه تمنه 25 جنيه ومرطرط

لا اللى عاوز يركب رادراتير سيبك من النحاس نصيحة ريجاتاوى قديم ركب الاومنيوم بتاع بلدها الاصلى لو عاوز انا ممكن اوصفلك الراجل هوة عامل حوالى 550 بس لا بيصدى و ففك من وجع الدماغ بتاع النحاس ده
لو حسبتها النحاس عامل 400 جنيه تمام فرق ال150 دول مش هيتعبوك بس صدقنى هتحس بفرق مع تغير ترموستات 64-82 هتلاقى الحرارة معاك بقت تمام ان شاء الله و هتشترى دماغك لا هتسلك ولا تنضف بعدين خالص
اما بالنسبة لاستاذ ضياء لو رتبت مع نفسك معاد و اشوف ميكونش ورايا حاجة معنديش مانع انزل و الف معاك يا باشا لو بتسال على حاجة انا ممكن اسالك عليها فى الاسماعلية سعرها استيراد كام و اقولك

اقتباس:

---

المشاركة الأصلية كتبت بواسطة amro1965

مقدرش اسمع ان شراء الريجاتا مثل شراء العتبه الخضراء بدون ماعلق
اولا انا شارى ريجاتا نوفا منذ سنه وقبل ماشتريها علمت بحث شامل عن عيوبها وميزاتها وقطع غيارها
وان من اكثر عيوبها انتشارا الا وهو التابلوه انه ضعيف لانى باقى العيوب ثانوية مثلها مثل باقى السيارات قطع غيارها زى ماقال الاعضاء موجوده بس محتاجه بحث شوية واللى بتحتاج بحث هى اللى قليلة الاعطال
لكن بعد ماشتريت السيارة وظلت معى قرابه السنه ارتحت لها كتير جدا قوة وثبات على الطريق ولا يمكن ابيعها او ابدلها باعلى الا للشديد القوى
ثانيا
ممكن عربيه تكون واخده سمعه جيدة جدا وممتازة لكن الحظ العثر ممكن يوقع فى سيارة تكرهك حياتك رغم الاشاده بها من جميع الاعضاء
ثالثا
السيارة مثل البناء بمعنى هات عربيه اساسياتها نظيفة وحافظ عليها تأخذ خيرها
لكن تجيب سيارة نفس السيارة اللى الاعضاء بيشيدوا بيها اساسياتها تعبانه متعدله شوية من الشرق وشوية من الغرب وتتعبك وتكرهك حياتك هل معنى كده هذا النوع من السيارة كله تعبان بطبع لا
لذلك انا اختلف مع حضرتك

---

كلامك صح بس انا اول مرة اشوف ريجاتا 85 نصها نوفا و نصها عادى اموت و افهم ازاى ده اللى خلانى اهتم و بعدين الراجل شكله تعب فعلشان كده عرض لو اقدر اساعده

اقتباس:

---

المشاركة الأصلية كتبت بواسطة zenger

لا اللى عاوز يركب رادراتير سيبك من النحاس نصيحة ريجاتاوى قديم ركب الاومنيوم بتاع بلدها الاصلى لو عاوز انا ممكن اوصفلك الراجل هوة عامل حوالى 550 بس لا بيصدى و ففك من وجع الدماغ بتاع النحاس ده

---

أنا مش لاقي النضيف ده بقى هنا ودايخ عليه كله يقولك البضاعة جاية بعد العيد واللي موجود مخبوط أو معوج

اقتباس:

---

المشاركة الأصلية كتبت بواسطة semsem_uno

يا ساتر :o_stupid[1]:

طب خلاص انا هسألكم برده صاحبي ده بيجيب منين
بالمناسبة يا ايمن طب منتا ممكن تركب ريداتير عربية تاني
هيونداي 1500 مثلا مش ممكن تعدل المكان و يركب ؟

---

مش بيتعدل على فكرة لازم الأصلي :(

اقتباس:

---

المشاركة الأصلية كتبت بواسطة aymoz

أنا مش لاقي النضيف ده بقى هنا ودايخ عليه كله يقولك البضاعة جاية بعد العيد واللي موجود مخبوط أو معوج



مش بيتعدل على فكرة لازم الأصلي :(

---

لا لا لا يا باشا انا مركب الالومنيوم بتاعها الاصلى اللى اصلا العربية دى كانت بتنزل بيه اقولك لو تعرف موقف الترجمان
انا جيبتة و ركبته من هناك هوة مش من عند المدخل لا فى الضهر من ناحية نزلة الكوبرى تمام
هتلاقى جامع كده هوة فى وش الجامع الناحية التانية و ان شاء الله النهاردة بالليل هجيبلك اسم الراجل مظبوط بس صدقنى اللى يخليك تجيب نحاس و يتسد و يفور و وجع قلب لا انا حتى لو هستنى اجيب الالومنيوم انا فاكك النحاس و سايبة و الله مع انه نضيف لا ملحم ولا حاجة

اقتباس:

---

المشاركة الأصلية كتبت بواسطة zenger

لا لا لا يا باشا انا مركب الالومنيوم بتاعها الاصلى اللى اصلا العربية دى كانت بتنزل بيه اقولك لو تعرف موقف الترجمان
انا جيبتة و ركبته من هناك هوة مش من عند المدخل لا فى الضهر من ناحية نزلة الكوبرى تمام
هتلاقى جامع كده هوة فى وش الجامع الناحية التانية و ان شاء الله النهاردة بالليل هجيبلك اسم الراجل مظبوط بس صدقنى اللى يخليك تجيب نحاس و يتسد و يفور و وجع قلب لا انا حتى لو هستنى اجيب الالومنيوم انا فاكك النحاس و سايبة و الله مع انه نضيف لا ملحم ولا حاجة

---

أنا مقتنع واللهِ ومرضتش أجيب النحاس كان في واحد صيني جديد بـ 300 جنيه :ma:
أنا إن شاء الله هحاول أروح للراجل ده بس ياريت فعلا تجيبلي اسمه علشان أعرف أسأل

اقتباس:

---

المشاركة الأصلية كتبت بواسطة aymoz

أنا مقتنع واللهِ ومرضتش أجيب النحاس كان في واحد صيني جديد بـ 300 جنيه :ma:
أنا إن شاء الله هحاول أروح للراجل ده بس ياريت فعلا تجيبلي اسمه علشان أعرف أسأل

---

ان شاء الله فى اقرب وقت هجيبلك الاسم و رقم التليفون علشا تظبط كل حاجة:satelite:

هو صاحب الموضوع فين ؟؟؟

انا جبت كالون درج تابلوه الريجاتا من عزبه شلبى ب 30 جنيه و الحمد لله كده مش غالى ابدا قصاد انه شغلى الدرج تانى و مبقاش مفتوح علطول

اقتباس:

---

المشاركة الأصلية كتبت بواسطة aymoz

أنا مقتنع واللهِ ومرضتش أجيب النحاس كان في واحد صيني جديد بـ 300 جنيه :ma:
أنا إن شاء الله هحاول أروح للراجل ده بس ياريت فعلا تجيبلي اسمه علشان أعرف أسأل

---

علي فكرة يا جماعة الحاجات الصيني مش وحشة

مع ان الريجاتا منتشرة جداً في كل مكان ! بالذات ال 85 أكتر من ال 100

اقتباس:

---

المشاركة الأصلية كتبت بواسطة semsem_uno

علي فكرة يا جماعة الحاجات الصيني مش وحشة

---

يعنى انت يا عم سمسم تركب فى العربية حاجة بتاعتها فابريكة و تنساها بعد كده ولا تركب صينى و كل شوية تشيل و تحط الصينى ده خلية فى مراية اشارات فانوس حاجات بسيطة مش حاجة ضرورية يعنى

اقتباس:

---

المشاركة الأصلية كتبت بواسطة د.محمود صلاح

مع ان الريجاتا منتشرة جداً في كل مكان ! بالذات ال 85 أكتر من ال 100

---

ابتداء من اول 85 الى ال89 كل ده منتشر و موجود و قطع الغيار متوفرة
اما الريجاتا ال100 اسمع ان قطع الغيار بتاعتها متعبة شوية علشان كده مش منتشرة

الحمد لله جربت ريداتير صيني و سربنتينة تكييف صيني في عربية واحد صاحبي و زي الفل مشتكاش منهم و انا مركب في الأونو كبالن صيني و واخدين ايزو و جايين بكل حاجتهم و الحاجات ديه داخلة علي سنة

و لعلمك
فيات بتوقف انتاج قطع غيار العربية اللي عدي عليها 10 سنين و بينتجها شركات تانية في ايطالية
لحد دلوقتي لم اقرأ اسامي الشركات ديه علي اي قطعة ايطالية

ياباشا انا هنا انا اسف اتأخرت عليك فى الرد
وعلى فكره العربيه سليمه وواقفه على حيلها والحراره كويسه
والسحب كويس
والاستهلاك عادى
والشاسيه زى الفل
ولكن الاكسسوار والقطع المستخبيه هى اللى مشكله
وده رقمى
0101842334

ومتشكر يا اخ زينجر على عرضك الكريم
انت راجل محترم ومتعاون
واكثر الله من امثالك انت ومنتدى الريجاتا كله

اقتباس:

---

المشاركة الأصلية كتبت بواسطة semsem_uno

علي فكرة يا جماعة الحاجات الصيني مش وحشة

---

أكيد مش كلها وحشة بس الرادياتير كان شكله حتى مش مشجع

اقتباس:

---

المشاركة الأصلية كتبت بواسطة ahmedezzat666

انا جبت كالون درج تابلوه الريجاتا من عزبه شلبى ب 30 جنيه و الحمد لله كده مش غالى ابدا قصاد انه شغلى الدرج تانى و مبقاش مفتوح علطول

---

تصدق صدمتني أنا لحمتها عند بتاع فيبر بـ 30 جنيه :fun_36_3_4[1]:

اقتباس:

---

المشاركة الأصلية كتبت بواسطة aymoz

أكيد مش كلها وحشة بس الرادياتير كان شكله حتى مش مشجع




تصدق صدمتني أنا لحمتها عند بتاع فيبر بـ 30 جنيه :fun_36_3_4[1]:

---

لحام ب 30 جنيه !!!!!!! :O_stupid[1]:
اه بالمناسبة خليك بجح مع الصنايعي هيجيب ورا و متتكلمش معاهم كتير ده التعامل معاهم

اقتباس:

---

المشاركة الأصلية كتبت بواسطة diaaking

ومتشكر يا اخ زينجر على عرضك الكريم
انت راجل محترم ومتعاون
واكثر الله من امثالك انت ومنتدى الريجاتا كله

---

الله يخليك لذوقك بس انا كنت عاوز اساعد لو فى امكانى و على العموم انا رقمى 0102958145
لو حضرتك حبيت اى حاجة من اللى قولتلك عليها كلمنى بس و ان شاء الله ربنا يحلها و نشوف المشكلة دى و بسيطة ان شاء الله
انا ساكن فى السيدة زينب لو حضرتك قريب يعنى ممكن نتقابل معنديش مشكلة

المشكلة دلوقتى يا سمسم ان الواحد مبقاش يثق فى الصينى اوى بس ايه اخبار الشركات التانية الايطالية الدقة و العمر لو تعرف اى حاجة قولى انا الصراحة مش متابع الموضوع لو كده كويس ان انت متابع و لو فى جديد عرفنا يا باشا