كرهت العربيات الكرباتير ساعدوني يامهندسين

السلام عليكم

بعد تغيير العربيه اتضح العيب في الميكانيكيه اولا واني بركب عربيه كارباتير ثانيا

كل الحاجات متشابهه

استهلاك عالي للبنزين مكنة 1300 والاستهلاك مبيوصلش ابدا 500 كيلو في التفويلة مهما كانت سرعتي 80 100 وبدون تكييف
رجرجه ورعشه غبيه جدا وطبعا سحب غير مرضي

لفيت علي كذه ميكانيكي هنا وهناك وكل واحد اخره يعالج حاجه او اتنين من دول وماعدا الاستهلاك


الكلام ده كله ينطبق علي عربيه كريستاله ومكواه نفس الاعراض حصلت الغريب ان العربيتين مكنش فيهم كده اول ماجبتهم

ومخنوق نفسي اظبطها بنفسي وارتاح لاني اتخنقت بجد وكرهت العربيات والصنايعيه وبقيت عصبي جدا

حد عنده حل او يقولي اعمل ايه بالظبط

خذها نصيحة اقبلها او لا

في مصر لاتصلح الكاربرتير ولكن غيير بجديد وريح دماغك 10 سنوات علي الاقل
ورجع عربيتك جديدة

انت فهمتني غلط ياجميل الكارباتير 100 100
انا بتكلم عن تظبيطه وظبط مسمار الهوا والبنزين بمعني اصح حرق البنزين
وهنا الفكرة كلها بس كدة

انا في البولونيز اخر مازهقت رحت في العمرة اشتريت كاربراتير جديد ب 700 جنيه والله بس ارتحت من قرفه في الاخر

الكاربراتير مدام مصارينه طلعت بره خلاص انتهى

اقتباس:

---

المشاركة الأصلية كتبت بواسطة haitham10

انت فهمتني غلط ياجميل الكارباتير 100 100
انا بتكلم عن تظبيطه وظبط مسمار الهوا والبنزين بمعني اصح حرق البنزين
وهنا الفكرة كلها بس كدة

---

'طيب ما تطلع على التوكيل يا ريس يضبطها على الكمبيوتر تدفع شويه زيادة و تريح الجمجمة :b4_611:

الكربيراتير يا شباب من اطول قطع السيارة عمراً ما لم يتم فكة وتركيبة
اكبر غلط بنعملة لما بيتسد فكة وتنظيفة
يادوب ينظف بالاسبيراى وهو راكب مكانة او اى اضافات توضع مع البنزين
ولو لزم الامر يتم فك الكربيراتير كلة قطعة واحدة ويتم نفخة بكمبروسر هواء فقط دون فك اى جزء منه
طبعاً باستثناء بك السيلانسية يمكن فكة وتنظيفة

روح اعملها في التوكيل

منا خايف التوكيل يعمل من البحر طحينة ومصاريف عالفاضى وانا مش محتاج غير حاجه واحدة وكل مابشوف مشاركات ناس بتروح التوكيل وترجع من غير ماتعمل الي هيه رايحه عشانه بيجيلي احباط انا مش ناقص مصاريف ومجربتش اروح التوكيل قبل كدة
وبعدين هل العربيه دي بتتظبط علي الكمبيوتر ؟؟ يعني اروح التوكيل اقولهم كدة ولا اقول ايه بالظبط

روح لواحد متخصص كاربيراتير كان في واحد في شارع شبرا مشهور خد رأيه في حالة الكاربيراتير لو محتاج يتغير غيره لو كويس خليه يظبطة وعيش

اقتباس:

---

المشاركة الأصلية كتبت بواسطة haitham10

منا خايف التوكيل يعمل من البحر طحينة ومصاريف عالفاضى وانا مش محتاج غير حاجه واحدة وكل مابشوف مشاركات ناس بتروح التوكيل وترجع من غير ماتعمل الي هيه رايحه عشانه بيجيلي احباط انا مش ناقص مصاريف ومجربتش اروح التوكيل قبل كدة
وبعدين هل العربيه دي بتتظبط علي الكمبيوتر ؟؟ يعني اروح التوكيل اقولهم كدة ولا اقول ايه بالظبط

---

انتا لما تروح التوكيل حتقوله على المشكله بيحط على العربيه على الجهاز الاسكانر او الكمبيوتر بيقدر يعرف ايه المشكله بالضبط من الكود اللى بيطلعله :3_3_102[1]:

ممكن تنزل غلي مركز الصفا بعد الحرفييين و هيظبتو و كمان تيجي تعمل مراجعة بعد 15 يوم مجانا

اقتباس:

---

المشاركة الأصلية كتبت بواسطة elewey

انتا لما تروح التوكيل حتقوله على المشكله بيحط على العربيه على الجهاز الاسكانر او الكمبيوتر بيقدر يعرف ايه المشكله بالضبط من الكود اللى بيطلعله :3_3_102[1]:

---

مظنش... مفيش الكلام ده في العربيات الكربيراتير

اقتباس:

---

المشاركة الأصلية كتبت بواسطة engahmedsamy

ممكن تنزل غلي مركز الصفا بعد الحرفييين و هيظبتو و كمان تيجي تعمل مراجعة بعد 15 يوم مجانا

---

+111111
هما في شارع المصانع او الثلاجه هو شارع واحد يحمل نفس الاسم في شارع جسر السويس هو الشارع البعض سنتر الشرق لو انت جاى من اتجاه موقف العاشر