ايه رأيكم في عربية هيونداي كوبيه مستعمل سعرها حلو موتور حلو
يعني إيه اللي ليها واللي عليها
ارجو الرد عشان احدد اذا كنت اشتري ولا لأ
عرض للطباعة
ايه رأيكم في عربية هيونداي كوبيه مستعمل سعرها حلو موتور حلو
يعني إيه اللي ليها واللي عليها
ارجو الرد عشان احدد اذا كنت اشتري ولا لأ
ليها ثبات وفرامل حلوين ومتور حلو برضو
عليها قطع غيار واعاده بيع
بس عربيه شيك وسبور وعفشه حلوه برضو
أنا معايا العربية ديه ,كله تمام معاد مفيش abs , الكنبة الورا ضيقى قوي قوي, الناس كلها من اول الميكانيكي لغاية ظابط المرور بتعاملك اكنك معاك S-class , و الناس كلها بتبص جوه العربية وإنت سايق و بالذات لو معاك مزة
فعلا بحس ان الناس هنا بيخافو منها و يعملولها حساب زي الفيات كوبيه و الفيراي برة
غير وشها اللي شبه البورش
و كمان الجنط بيخلي شكلها فعلا معدي علي عكس اغلب الهيونداي
انا سمعت ان ليها مكنة تانية غير ال2000 و ال1600 تقريبا 6 سلندر كمان ولا دي محطوتة ليها من هيونداي تانية؟؟
شكرا علي المعلومه بس بتهيألي متصلحش ليه عشان انا متجوز
سؤال لك بس بخصوص الكنبة بتاعتها, ممكن تشيل اي حد ورا ولا هي مجرد منظر فقط ؟و يا ريت كلام باستفاضة في الموضوع ده لأحسن هو اكتر حاجة مقلقاني :)
و كمان بخصوص قطع غيارها, انا عارف ان موتورها في اكتر من عربيه فحاجته رخيصة بس بالنسبة للحاجات التانية اللي متنفعش الا ليها زي الفوانيس و الكلام ده اسعاره نظامها ايه ؟
و أخر سؤال هل العربيه واطية أوي ولا عادي, يعني بتحك كتير في الارض منك ولا لأ ؟
و شكرا لك مقدماً
متابع
بص يا ريس قطع الغيار زي الالترا ماعادا المساعد الامامي و تيل الفرامل الخلفي و نفس الاسعار طبعا
العربية كلها مينفعش يركب فيها حد اطول من 180 سم و ورة الكنبة بتشيل 2 بس لو طوال شوية بططلع الكرسي قدام شوية و مش بتحس بية عشان انت بتكون رجلك مفرودة اوي (وضع السواقة الرياضي)
الماتور 2000cc هو 4 cyl بس عشان تغيرو لازم تظبط حجات كتير عشان القوة الزيادة مع ان الماتور بتاعها 1600 كويس اوي و بيسد جامد اوي مع عربيات كتير نظرا لاختلاف نظام العادم و مقاومة الهواء المنخفضة و العربية مش وطية و انا مركب 4 تاخد المطب براحة عشان العربية متغطس بس و موضوع الفرامل الخلفي السكينة زي مابيسموها هنا بيفرق اوي في الفرامل و سبات العربية مع الفرامل المفاجة علي السرعات العالية و اي سوال انا تحت امرك