شغل عيال صحيييييييييييح

**Khalid_Mostafa** · 11-03-2008 11:54 AM

المشاركة الأصلية كتبت بواسطة Xpert

لاء لسه بادور علي عروسه و انت الصادق :d
بس ماتخافش ... العبد لله قدها و قدود... ايه يعني عيل و لا 2 و لا 3 حتي ... ده احنا بنرخم علي اللي نعرفه و اللي مانعرفوش ... مش هانعرف نرخم علي عيالنا ؟ ههههه

إن شاء الله حنتفرج عليك ونضحك :D

**Xpert** · 11-03-2008 12:01 PM

انا ابن عمي بيمسك ابن الجيران (حاجه كده طولها نص متر و لامؤاخذه شبه القرد (بجد مش باهزر... شبهه في الشكل) ... و اخر ما يتقعد منه يعلقه علي مسمار في الحيطه في الشارع .. دقله مسمار صلب 10 سم في الحيطه بره الدكان مخصوص ... يعلقه عليه يسيبه و يرجع ينزله بعد نص ساعه ولا ساعه :d
ممكن ابقي ادقلهم مسمار في البلكونه :d

**emadkamel** · 11-03-2008 12:16 PM

المشاركة الأصلية كتبت بواسطة Xpert

ليه ؟ :D

عيب عليك يا عم عماد ... ده انا باطلع عين البشريه .. ده انا معروف عني اني رخم طبيعي :D
.. هم ... انا مرحله ال ليه دي قعدت معايا ... لحد ما بقي عندي بتاع 16 او 17 سنه... عادي يعني انت و حظك :D و ربنا يخلهملك ... ممكن تديني واحد اطلعلك عينه ... بدل ما هوه يسأل ليه أسأله : عاوز تعرف ليه :D

لأ فتك ياخويا :) :) كان غيرك اشطر .... يا بيه باقوللك سنه ونص ... متخيل انى ماجربتش اى حاجه سمعت او حتى ماسمعتش عنها؟؟ ده انا لو سألت السؤال ده بافتح على نفسى باب تانى وموال جديد تماما

انا الحمد لله عندى ولد واحد بس وبالطريقه دى مش بافكر ابداً انهم يبقوا اكتر من كده ... مش هاستحمل انا وامه ...بس برضه اسف مش هاقدر اديهولك لان اكيد اسرتك هايطالبوا بالتعويضات بعد ما بيبو يقضى عليك وانا برضه مش فى حمل اى حاجه

بس بالنسبه لحالتك دى من الحالات المتقدمه قوى يعنى انا مش متخيل بيبو يقعد يقول ليه لغايه 16 او 17 سنه ....اساسا انا مش هاكون موجود وهو فى السن ده لو استمر على هذا الحال

لا نتكلم جد شويه ..... المشكله الفعليه انك بتبقى مجبر تقول رد مهذب وصحيح ومن غير انفعال لأنه بيسأل وهو فعلاً مش عارف وبيلقط منك اى آثار سلبيه ولو حتى تعبير وشك وبالتالى بيبتدى يكون فكره واسس للمناقشه والتفاعل مع اللى حواليه فلازم تبقى عينك فى وسط راسك واعصابك فى تلاجه وانت بترد علشان تعرف تربيه كويس.

**ams** · 11-03-2008 12:18 PM

المشاركة الأصلية كتبت بواسطة emadkamel

لأ فتك ياخويا :) :) كان غيرك اشطر .... يا بيه باقوللك سنه ونص ... متخيل انى ماجربتش اى حاجه سمعت او حتى ماسمعتش عنها؟؟ ده انا لو سألت السؤال ده بافتح على نفسى باب تانى وموال جديد تماما

انا الحمد لله عندى ولد واحد بس وبالطريقه دى مش بافكر ابداً انهم يبقوا اكتر من كده ... مش هاستحمل انا وامه ...بس برضه اسف مش هاقدر اديهولك لان اكيد اسرتك هايطالبوا بالتعويضات بعد ما بيبو يقضى عليك

بس بالنسبه لحالتك دى من الحالات المتقدمه قوى يعنى انا مش متخيل بيبو يقعد يقول ليه لغايه 16 او 17 سنه ....اساسا انا مش هاكون موجود وهو فى السن ده لو استمر على هذا الحال

لا نتكلم جد شويه ..... المشكله الفعليه انك بتبقى مجبر تقول رد مهذب وصحيح ومن غير انفعال لأنه بيسأل وهو فعلاً مش عارف وبيلقط منك اى آثار سلبيه ولو حتى تعبير وشك وبالتالى بيبتدى يكون فكره واسس للمناقشه والتفاعل مع اللى حواليه فلازم تبقى عينك فى وسط راسك واعصابك فى تلاجه وانت بترد علشان تعرف تربيه كويس.

ليه ؟ :p:D:p

**cpt_shawky** · 11-03-2008 01:00 PM

المشاركة الأصلية كتبت بواسطة ams

ليه ؟ :p:D:p

إيه :D:D:D:D:D:D

**Xpert** · 11-03-2008 01:09 PM

المشاركة الأصلية كتبت بواسطة ams

ليه ؟ :p:D:p

نيااااااهاهاها هعهعهعهع :D ليه ؟ :D بس هاته انت بس و مالكش دعوه ... انا عن نفسي مش عاوز تعويضات :D

الحل ... بجد بجد بقي ... اما تيجي تجاوب عليه ... تديله اجابه بسيطه .. بس اكبر من انه يفهمها .. هاتلاقيه اخد بعضيه .. و قعد يفكر في الكلام اللي انت قلتهوله .. و يرجع يسالك .. و بذلك تنمي قدرات التفكير عنده .. و تفتح عقله .. و في نفس الوقت يتعلم ...
بس هاته انت بس :D قال بيبو يقضي عليا قال ... بيبو مين اللي يقضي عليا ده ... انت بتستسلم .. انا مابستسلمش :D

**GoldenManEye** · 11-03-2008 01:31 PM

أهم الأسئلة اللى جننتى وانا صغير.

1) مين اللى بيدى للممثلين فلوس
الحل: بعد عناء التفكير و الإعتماد على النفس، تم الربط بينهم و بين شركة الكهرباء
(علشان دول الوحيدين اللى بيخدوا فلوس وعلشان نشغل التليفزون لازم نحط الفيشة فى الكهرباء يبقى هما المسئولين عنهم.!!)
يبقى الممثلين بياخدوا مرتب من شركة الكهرباء.!! :)

2) أشد تعقيداً: إزاى بيصورا الأحلام فى الأفلام و المسلسلات!
يعنى لما كنت أشوف ممثل أو ممثلة نايمة و جابوها لبسه أبيض فى أبيض وماشيه فى حته غريبة.!
كنت أستغرب أوى إزاى صوروها و هى بتحلم!!! :)

**aif** · 11-03-2008 01:45 PM

باسأل ابراهيم ابني الصغير 3 سنوات
اسمك ايه يا حبيبي
ابلاهيم ( حرف الراء عنده بيعلق )
ابراهيم ايه
ابلاهيم اهمد ابرلاهيم ( الحاء برضه بيعلق )
طب واخوك اسمه ايه
مهمود ( الحاء بيعلق زي ما قلتلكم )
محمود أيه
مهمود اهمد مهمود !!!!!!!!

سيادته فاكر ان الاسماء كلها علي وزن لوبيا فجل لوبيا
او
قلقاس سلق قلقاس
:):p:)