! اجراءات تجديد الرخصه لمن يهمه الامر

**ab_1090** · 02-09-2010 02:16 PM

إجراءات الرخصة الجديدة :
1- نموذج 51 مرور من خزينة المرور.
2- وثيقة التأمين الأجبارية.
3- سند الملكية إذا كانت السيارة صناعة محلية أو الإفراج الجمركى اذا كانت السيارة مستوردة من الخارج.
4- إقرار بأن قائد السيارة يقودها بنفسه ولا يستخدم سائقا.
5- إقرار بأن هذه السيارة هي الأولي أو الثانية أو الثالثة ..الخ لتطبيق قانون العدالة الضريبية.
6- تقديم السيارة للفحص الفني بالنموذج 101 مرور.
7- تقديم البطاقة الشخصية أو العائلية أو جواز السفر لاثبات الإقامة بدائرة قسم المرور المختص.
8- سداد الرسوم المقررة واستلام اللوحات المعدنية ورخصة التسيير.
9- تسري رخصة تسيير السيارة الملاكي لمدة سنة أو اثنتين أو ثلاث حسبما يرغب المالك.

إجراءات تجديد الرخصة :
1-قدم نموذج 51 مرور من خزينة المرور.
2-قدم شهادة براءة الذمة المالية من المخالفات.
3-وثيقة التأمين الاجبارية .
4-قدم السيارة للفحص الفني علي النموذج 101 مرور كل ثلاث سنوات.
5-قدم الرخصة المراد تجديدها.
6-استلم الرخصة بعد سداد الرسوم المقررة.

ومش بنصح تروح وانتا صايم
وكل سنه وانتم طيبين

**wael2sh** · 02-09-2010 02:19 PM

وإنت طيب
مشكور على المجهود .

**ahmed_mido1889** · 02-09-2010 03:56 PM

دلوقتي التجديد فيه حوار بيقرفه الناس بيه
انا كنت بجدد رخصه من يومين قالي روح هات براءه ذمه عن مخالفات نمر قديمه
طب ازاي؟؟
روح لامين العهده اللي في المرور وانت معاك طلب بيانات نمر قديمه وبعد كده اطلع علي نيابه المرور هات مخالفات النمر القديمه وبعد لما تاخد براءه الذمه عالنمر القديمه تروح تجيب براءه ذمه عن النمر الجديده وبعد كده تقدمها مع الملف في الشباك

**ab_1090** · 02-09-2010 04:36 PM

المشاركة الأصلية كتبت بواسطة ahmed_mido1889

دلوقتي التجديد فيه حوار بيقرفه الناس بيه
انا كنت بجدد رخصه من يومين قالي روح هات براءه ذمه عن مخالفات نمر قديمه
طب ازاي؟؟
روح لامين العهده اللي في المرور وانت معاك طلب بيانات نمر قديمه وبعد كده اطلع علي نيابه المرور هات مخالفات النمر القديمه وبعد لما تاخد براءه الذمه عالنمر القديمه تروح تجيب براءه ذمه عن النمر الجديده وبعد كده تقدمها مع الملف في الشباك

بس علي فكره المخالفات بتنزل علي النمر القديمه بس يعني احنا بنروح نقدم براءه الذمه علي النمر القديمه
ليس الا لكن بصراحه مسمعتش حاجه عن براءه الذمه للنمر الجديده
و اصلا التجديد في رمضان تقريبا يعتبر تكفير ذنوب
الحمد الله

**ahmed_mido1889** · 02-09-2010 06:31 PM

المشاركة الأصلية كتبت بواسطة ab_1090

بس علي فكره المخالفات بتنزل علي النمر القديمه بس يعني احنا بنروح نقدم براءه الذمه علي النمر القديمه
ليس الا لكن بصراحه مسمعتش حاجه عن براءه الذمه للنمر الجديده
و اصلا التجديد في رمضان تقريبا يعتبر تكفير ذنوب
الحمد الله

لا تسالني من انا
مش عارف هم عايزين يلمو فلوس بدل لما كنت بتدفع 5 جنيه دلوقتي بتدفع 15
واحلا حاجه في الترخيص اللي في رمضان ان انت بتدعي علي الموظف وانت صايم

**M.Osman** · 02-09-2010 06:42 PM

ومش بنصح تروح وانتا صايم
وكل سنه وانتم طيبين

و حضرتك طيب
انا كنت ناوي اروح قبل العيد بيومين على اساس ان المرور مش هيكون زحمة

**ab_1090** · 05-09-2010 12:04 PM

المشاركة الأصلية كتبت بواسطة m.osman

و حضرتك طيب
انا كنت ناوي اروح قبل العيد بيومين على اساس ان المرور مش هيكون زحمة

عادي ياباشا بس ابعد عن يوم السبت عشان بيكون بالضرب وهوا عاما مهما عملت
معاهم حتاخد 3 ايام عشان بس تكون عامل حسابك وخالبالك مواعيد رمضان
من 9 الصبح لغايه 11.30 بعد كدا بيقولك مش حنستلم ملفات من حد وربنا معاك

**ab_1090** · 05-09-2010 12:17 PM

نصائح عند التجديد
1- حاول ماتشتريش طفايه حريق جديده لان الموظف حيقولك اشتري واحده حتي لو كانت الطفايه الي معاك سليمه وطبعا علي اساس السي سي يعني 1600 بتاخد 2 كيلو وتمنها 189 جنيه تستعوض عنها بدفع 20 جنيه
للموظف تحت مسمي صدقه جاريه
2- المثلث وشنطه الاسعافات برضوا متحاولش تشتريهم وادفع 20 جنيه تمن الوصل فقط من غير ماتشتري الحاجات البايظه
3- قم بتصوير البطاقه اكتر من الصوره خارج المرور طبعا عشان جوا المرور الاسعار للاجانب جنيه للصوره وبالضرب زاي العيش
4-اخيرا كلمه السر داخل المرور ( كل سنه وانت طيب) اي حد يقولك كلمه السر اديلو جنيه لذلك حاول تفك حاولي من 10 الي 20 جنيه
وانشاء الله لما اخلص حبقي اكمل بس ادعولي