كنت عاوز اعرف رايكم فى 132 افضل وله البولونيز وشكرا مش هطول عليكم فى انتظار ارئكم اهل الاخبره
عرض للطباعة
كنت عاوز اعرف رايكم فى 132 افضل وله البولونيز وشكرا مش هطول عليكم فى انتظار ارئكم اهل الاخبره
ال132 من كل النواحي أفضل
132 افضل طبعا بس المشكلة ان قطع غيارها قلت جامد و العربية قدمت و ده = بارومة و هتحتاج صرف علشان تبقي كويسة
ال132 لا تقارن بأي عربية (2000 سي سي تكييف ازاز كهرباء و سنتر و كاسيت الفبريكة بيسجل للي جوة) كانت مع والدي زماان ده غير ان فيات كانت عملالها اختبارات تصادم و امان! شفت التقدم
بولونيز حلوة بس الدركسيون الخفيف من بعد 87 و كمان ممكن تجيب بولونيز و تحط موتور ال131 ال1600 و هتبقي جامدة جدا لأنه هيكون اقوي من بتاعها و هيشدها كويس مش هيبقي ضعيف عليها
و تبقي تكمل انتا بقي الباقي سنتر و ازاز كهرباء و انا ارجح ده لأن البولونيز لو صرفت هتكون اهون بكتير جدااا من ال132
البولينيز قطع غيارها مش سهل تلاقيها يعني ال132 أسهل بكتير
الف شكر لردكم على موضوعى واهتمامك وبصراحه انا بستفيد منكم كتير والله الف شكره على الردود
انا جايب شبكه ال132 الاماميه من التوفقيه 35 جنيه والكابوت من عابدين عند الموردى 300 جنيه كله جديه مش استيراد
32 افضل لو حاله نادره
البولونيزمن موديل 88 تقريبا شباك زجاج ثابت خلفي
والافضل 1600 فوانيس جولف
قطع غيار البولونيز اغلي من 32
طلمبه المياه كنت جايبها في 2005
350جنيه
اظن ال32 ارخص
الاتنين حيتعبوك في قطع الغيار
جيب لادا 2107
احسن من البولونيز
معلش ياجماعة مين قال قطع غيار البولونيز دش موجوده !!!!
ده حسب المنطقة منتشر فيها نوع العربية ولا لا يعنى عندنا فى اسكندرية قطع غيارها ((مرطرطة )) وزى الرز لدرجة انى كل ماروح اسال على حاجة بالنسبة للاستعمال يقولى فيه بتاعة البولونيز لو عايز وفقها عليها لو تدرو عندنا على قطع غيار جيب قديم مثلا متلاقيش بس فى دمنهور بالهبل !!
قطع الغيار جديد كده كده موجوده لاى عربية ولكن الندرة والاسعار انت ممكن الاول تكتب ورقة ببعض طقع الغيار وتسال عن الاتنين يعنى مساعدين رفرف اكرة مارش وكده .. وفى كل الاحوال ال132 افضل بس فعلا يعيبها الموديل وزى ما الاخوة قالو لو قدامك حالة تحفة وموديل قريب زى 84 خدها
لو لادا انا شايف ال 2105 احسن بكتييييييييير ما عدا ان 2107 باور
بولونيز لأ... م الاخر دي عربية سهل عليها جداً انها تهينك مهما كنت واخد بالك منها
ده وانا بكامك عن عربية معانا من الزيرو من سنة 88 يعنى مش واخدنها مستعملة
انت عارف انه عمرة البولونيز كلفتني 4000 جنيه؟
يا جماعه انا شايف انا كافت ال132 ارجح بكتير من البلونيز مهما انا كانت وشكرا على الموضوع الجميل اللى خلنا نتبادل المعلمومات
اهم فرق ان 2105 من ورا سوست ورق مش يايات وقدام مساعدين عادى يعنى ركب العمارة كلها ورا ونت مطمن
غير كده ان اغلبها صناعة روسى مش مصرى والروسى افضل بمراحل ضيف انها كاربراتير مش انجيكشن طبعا فيه ناس هاتقول ده عيب بس انا شايفه ميزة للى زى حالاتنا بيحط بنزين 60 مش 80 حتى انما الانجيكشن يفضل بنزين 92
وطبعا الصاج والكلام ده كله
وتتميز ال 2107 بالدركيون الباور وفارق السحب بين الانجيكشن والبنزين الى جانب الكراسى الجديدة بتاعتها تحفة
وعموما لو مش غاوى موديل معين انت ممكن تلاقى لادا تسعينات فى نفس امكانياتك وقطع غيارها زى ال 128 بتتصرف على بطاقة التموين بس تاكل ال 128 فى التحمل وال 128 تاكلها فى الجرى
مع احترامى للبولونيز لا يوجد وجه مقارنة اطلاقا بـ 132 من حيث الفخامة والوسع والقوة والنعومة فى القيادة ونعومة الفتيس والكارونة اما اللى بيقعدوا يقولوا قطع الغيار بتاعة 132 غالية دول بيتكلموا على سمع لكن اللى معاه العربية دى وبيجيب قطع غيارها هيلاقيها قريبة جدا من قطع غيار 128 وده بناء على تجربة شخصية منى لانى كان معايا 128 وحاليا 132 واما اسعار الصاج عادية جدا ومتواجدة جديدة واستيراد وعلى سبيل المثال انا من فترة عملت عمرة كاملة للمتور كلفتنى 2100 بالمصنعية مع العلم انا مغير عمود الكرنك وديسك واسطوانة وفى الـ 128 كلفتنى 1900 او 2000 مش فاكر بالظبط وكانت من غير تغيير عمود الكرنك اما دلوقتى بجدد العربية سمكرة وفرش ولون وجبت ستارة امامية جديدة 120 جنية وجوز عتب جديد 95 جنية وشبكة امامية جديدة 40 جنية وداير رفرف خلفى 45جنية وطبلة باب 65 جنية انزلوا ارض الواقع يا جماعة واحكموا بلاش نتكلم عن سمع وخلاص