رساله الى وزير النقل والطرق ......يشوفوا رصف الطرق والكبارى والمطبات الصناعيه
ارجوا من سياده الوزير متابعه الطرق ورصفها ومشاهدتها قبل الاستلام وبعد الرصف بشهر
فمثلا الكبارى فى طريق القاهرة الاسكندريه الزراعى محتاجه رصف وانارة لانها طريق سفر
وقبل الاستلام من هيئه الرصف معاينه الكوبرى
لان كوبرى قويسنا العلوى
اللى لسه مبنى من سنتين او ثلاثه مليان مطبات والعربيات بطير وتنزل على الارض وتتهبد
ازاى الشركه المنفذه ماخدتش بالها من الكوبرى والمهندسين اللى استلموا استلموا ازاى وهما قاعدين على مكاتبهم ولا كانوا ماشين على رجليهم مافيش حد عنده ضمير ويجرب بعربيته
الفلوس اللى ادفعت فى الكوبرى اللى عايز يترصف تانى المفروض تتخصم من الشركه المنفذه واجبارهم على الرصف تانى
بالنسبه للطرق والشوارع الداخليه
مفيش حد يمر ويشوف الشوارع ده
فى شوارع ليها 20 او 30 سنه وماشفتش الرصف ولا سمعت عنه وهى متفرعه من شوارع رئيسيه
شارع خالد امين المتفرع من شارع العريش الهرم ملين مطبات على الرغم ان مطبعه البنك المركزى هناك ده حال الشوارع الكويسه طيب الشوارع اللى فى المناطق العشوائيه ها يكون شكلها ايه
مع العلم ان فى شوارع كل 6 شهور او كل سنه بتترصف
بالنسبه للمطبات الصناعيه
ياريت يتابعوا الشوارع بعد الرصف لان فى اهالى بيعملوا مطبات صناعيه من غير اخذ اى موافقه وللاسف هذه المطبات بتبهدل العربيات زى الشوارع الموجوده عند نفق فيصل
وياريت هيئه الرصف تنشى مطبات تكون ذات مواصفات عالميه علشان العربيات الجديده معظمها ارتفاعها قريبه من سطح الارض
ولكم جزيل الشكر