الموضوع: وزير التعليم.... وهيبه المدارس والمعلمين

اولا المدارس
نرجوا من وزير التعليم ارجاع هيبه التعليم والمدارس كما كانت سابقا لما نشاهده من سوء تصرفات الطلبه من مشاكل من شتائم وتعدى على المدرسين ومعاكسه البنات اللى هما زاميلهم فى المدارس
وليس العقاب عن طريق الضرب او دفع مصاريف اعاده قيد
فالوزارة ليست محتاجه الى اموال اولياء الامور وانما عن اذا بدر سوء تصرف من الطالب يكون حرمان من امتحانات نصف العام واذا تكرر الخطا حرمان من امتحان اخر العام ويدخل امتحان الدور الثانى
واذا كان الطالب عمل مشكله كبيره فيكون عقابه حرمانه من اداء اى امتحانات هذا العام
فاذا علم الطالب ومعه ولى امره بهذه الامور لن نسمع عن مشاكل الطلبه داخل المدرسه
وعادت هيبه التعليم والمدرسين كما كانت
ثانيا المعلمين
يجب ان تراعيه الوزاره وتهتم بهم مثل المهندس والدكتور وغيرهم من الوظائف الاخرى فاذا حدث ذلك سنجد كل اولياء الامور يحترموا المدرس وترجع هيبه المعلم ولن يتعدى عليه احد فى مكان عمله او يتبلى عليه او يلفقه مصيبه ومحاسبه كل من يحاول ان يتبلى عليه لن نسمع عن مشاكل المعلمين لان مافيش معلم او اى موظف يحب يعمل مشاكل
واذا كان هناك بعض المدرسين اخطاوا نرجو ا عدم نشرها فى كل وسائل الاعلام ومعاقبتهم
فكل الوزارات بها موظفين يخطئوا ولكن لانسمع عنهم ولا يكتب عنهم فى وسائل الاعلام بل تحترم موظيفها
ومافيش وزير يحب ان يكتب عن موظيهم اى اساءة لهم فى وسائل الاعلام
ثالثا صرف مكافات ماليه من فائض الميزانيه
نرى وزير التعليم قام بحمله للدفاع عن مال وزاره التعليم وارجاع اموال كانت تؤخذ من غير وجهه حق
فنرجوا من سياده الوزير صرف مكافات لجميع المدرسين من فائض الميزانيه وذلك من خلال المديريه او الادارة
لاننا نريد ان نعرف اين تذهب اموال فائض الميزانيه مثل باقى الوزارات
رابعا صرف منح للمعلمين بمناسبه دخول المدارس والاعياد
نرجوا من الوزير اعطاء منح كل عام للمدرسين كل عام للمناسبات السعيده مثل الاعياد ودخول المدارس ومولد النبوى وغير ذلك قدوه بما تفعله الوزارات الاخرى
خامسا اعفاء ابنا ء العاملين فى المدارس من دفع المصاريف
نظير خدمتهم فى الوزاره وقدوه ماتقدمه الوزارات الاخرى لعامليها وابنائهم
سادسا بناء شقق مصايف فى الساحل الشمالى
نرجوا بناء شقق او ايجار شقق مصايف فى الساحل الشمالى وتكون متاحه للجميع وان يعلن عنها
مثل باقى الوزارات

المشاركة الأصلية كتبت بواسطة Ralliart

هيبة ايه بس بطلو الاسلوب ده عمره ما هيجيب فايده
والله المدرسين هما اللي عملو في نفسهم كده كل واحد عايز لما يكح العيال تقف زي الالف ودا عمره ما هيحصل

انا اتعلمت نص تعليمي برا ومن اول تالته اعدادي في مصر والله فرق بين السماء والارض
المدرس برا بيبقى صديقك وبيناديك يقولك يا استاذ مش انت اللي تقوله استاذ وهو يديك بالجزمه
عمر ما في مدرس ضربنا ومع ذلك كنت تشوف كل الاحترام والتقدير لكلامه وكان ليه هيبه باحترامه مش بعقابه

انما في مصر كان اول مرره اشوف خرطوم الكهرباء البرتقالي وكان اول مرره اتضرب في الشتا واحس الالم واول مرره اكره المدرسه على اللي فيها ...........
جتنا نيله في حظنا والله هنفضل متخلفين طول عمرنا طالما محدش فاهم في مجاله ودي الحقيقه ان نادراً ما هتلاقي مدرس فاهم في التربيه

قال نلغيالامتحان ،ما تخلوها عقاب اسبوعين سجن !!

ماهذه السخريه والتريقه
على المدرسين عندما تقول هما اللى عملوا فى نفسهم كده...لانك لاتعرف الجوانب الفنيه فى العمليه التعليميه
انت بتتكلم على تعليم بره مصر واحنا بنتكلم على التعليم داخل مصر فرق السماء والارض
معى احد الزملاء يعمل فى السعوديه وبيقلى عدد التلاميذ فى الفصل 5 تلاميذ يعن ده درس خصوصى بالنسبه لمصر وتكييف داخل الفصل ولاب توب لكل تلميذ
تعالى شوف مصر عدد التلاميذ 60 طالب ولايوجد مراوح والزجاج مكسر وعدد المقاعد لايكفى وماحدش بيعرف يستخدم الكمبيوتر مش لاب توب
بالنسبه للضرب لمعلوماتك انها قديمه فى قرار وزارى ممنوع الضرب داخل المدرسه من سنه 1990
ازاى تقول ان المدرسين مش فاهمين فى التربيه
الحقيقه ان المجتمع مش مدى المعلمين حقها فى مدرسين حاصلين على ماجستير ودكتواره وفى ناس بتاخد دراسات عليا فى المركز البريطانى للتدريس فى المدارس الامريكيه والبريطانيه
المعلمين اللى مش فاهمين فى التربيه لما بيراقبوا على طلاب الثانويه العامه ويسافروا الى القرى والمراكز
وبيبقى عامل زى ضابط الشرطه ممكن مايرجعش لبيته وما يتعرض عليه من ابتزاز بالمال والمخدرات ومن تهديد اولياء الامور بالقتل اذا لم يجعل الطلاب يغشون فى الامتحان لانهم مستنيهم بالسلاح والاسلحه البيضاء ويتصل بالشرطه علشان تيجى تاخده من اللجنه وبحراسه مشدده ...مين بقى اللى مايفهمش فى التربيه
وتقول نلغى الامتحان وتخلوها عقاب اسبوعين سجن
بتقول فيها ده كان سيحدث
انا مدرس math فى احدى المدارس التجريبيه
وحدث ان ضرب طفل زميله وهو فى مرحله رياض الاطفال kg1
لقينا عربيه شرطه وضابط وامين شرطه وعايزين ياخدوا طفل فى البوكس عمره 4 سنوات الذين هم احباب الله ومن ستر ربنا ان الطفل كان غايب فى هذا اليوم
تخيل مين باباه ووظيفته ايه اللى يرسل بوكس بضابط وامين شرطه لاحضار الطفل زى الحراميه
كان ساعتها شعور الاب ايه لما ياخدوا ابنه فى البوكس امام زملائه من المدرسه
مش عايزين ترقيه على المعلمين لان كل صاحب منصب بيستغل نفوذه على المدرسه وده حقيقه