ٍممكن اغير الفاونيس الخلفية

**emelu** · 02-09-2010 08:07 PM

سلام عليكم هل من الممكن اغير الفاونيس الخلفيه لنسيان 2007 للشكل الجديد من غبر اى عمل اى اضافة لها

**SeaShark** · 02-09-2010 08:27 PM

انا معايا صني 2010 و بالفوانيس الجديدة

علي فكرة انا شايف ان الشكل القديم اللي زي 2007 احسن من الشكل الجديد و اشيك بكتير بس انا ملحقتش الشكل القديم

الفوانيس الخلفيه بتاعة الشكل القديم احلي بكتير و اشيك فوانيس الشكل الجديد بحس انها شفافة كده و مش عجباني

سيبك بءي من ده و ده لو انت عايز تغير الفوانيس و لا تجيب الجديدة ولا القديمة. في فوانيس متعدلة للصني و شكلها

جامد جدا جدا روح اتفرج عليهم في محل go car accessories الفانوسين عاملين 1000 جنيه و شكلهم تحفة.

**emelu** · 02-09-2010 08:31 PM

طب ممكن تقول لى فين المحل دة

**SeaShark** · 02-09-2010 08:36 PM

ده الجروب بتاعهم علي الفيسبوك

GO car accessories آ® | Facebook

15 شارع احمد خليفة من شارع حسين كامل جنب محطه الماظة بتاعة السوبر جيت

**SeaShark** · 02-09-2010 08:44 PM

بس انا عايزك تتأكد ان الفانوس تايواني و شوف تقفيله كويس ولا لا

عشان ساعات لونه بيتغير زي من برة بسبب الشمس

تاني حاجة لازم تكون عارف ان الفانوس ده من جوة ليدات و دي ساعات بتكون مزعجة شوية لما بتتحرق

هو شكله شيك جدا بس برضه اتاكد من اللي بقوله ده و لو طلع مش تايواني بلاش منه (لانه بيكون صيني او معمول عموله)

بالنسبة بءي لسؤالك الاساسي ايوه ينفع انك تشيل الفانوس الشكل القديم و تركب الجديد من غير اي مشاكل و ممكن تجيب الشكل الجديد من التوكيل عشان يكون اصلي لو نويت انك تجيبه

ابءي قولنا عملت ايه

**harizy** · 02-09-2010 11:18 PM

أنا أؤيد رأى الزميل العزيز فى أن الشكل القديم وفوانيسه فعلاً أشيك من الشكل الجديد، على فكرة عربيتى مو 2010 بس برضه الشكل القديم أحسن، فلصاحب الموضوع لو تعرف حد عنده فوانيس الشكل القديم يا ريت تشوف هل يمكن تركيبها على الشكل الجديد بدون تعديل أو إضافات ولا لأ، وشكراً اهتمامك مقدماً، ورمضان كريم، وربنا يهدينا كلنا ...... سلام.

**SeaShark** · 02-09-2010 11:27 PM

المشاركة الأصلية كتبت بواسطة emelu

سلام عليكم هل من الممكن اغير الفاونيس الخلفيه لنسيان 2007 للشكل الجديد من غبر اى عمل اى اضافة لها

المشاركة الأصلية كتبت بواسطة harizy

أنا أؤيد رأى الزميل العزيز فى أن الشكل القديم وفوانيسه فعلاً أشيك من الشكل الجديد، على فكرة عربيتى مو 2010 بس برضه الشكل القديم أحسن، فلصاحب الموضوع لو تعرف حد عنده فوانيس الشكل القديم يا ريت تشوف هل يمكن تركيبها على الشكل الجديد بدون تعديل أو إضافات ولا لأ، وشكراً اهتمامك مقدماً، ورمضان كريم، وربنا يهدينا كلنا ...... سلام.

سبحان الله
emelu عايز يغير الفوانيس القديمة و يجيب الجديدة
harizy عايز يغير الفوانيس الجديدة و يجيب القديمة

فعلا الدنيا أذواق

يا جماعة انا متأكد بنسبة 99.9 % ان الفانوسين الجديد و القديم يركبوا مكان بعض بالظبط بدون اي مشاكل لان الفرق بينهم في الشكل بس

**mohamedbook** · 02-09-2010 11:36 PM

انا جايب الشكل الجديد 2010 وولله مش عاجبني الشكل الشفاف ده مش ماشي مع الالوان الغمقة خالص وشكلة عرة عليها

**Bishoy.Girgis** · 03-09-2010 03:40 PM

المشاركة الأصلية كتبت بواسطة emelu

سلام عليكم هل من الممكن اغير الفاونيس الخلفيه لنسيان 2007 للشكل الجديد من غبر اى عمل اى اضافة لها

بصراحة حضرتك انا مش بحبذ شكل الفوانيس الجديدة علي الصني خالص لأنها مش لايقة عليها لكن دي ازواق و علي فكرة اعتقد بنسبة كبيرة انها نفس المقاس لعربيتك

**emelu** · 03-09-2010 09:01 PM

الف شكر يا جماعة على الردود وانشاء الله اخذ بالنصيحة وفعلا كلامكم افادنى

الموضوع: ٍممكن اغير الفاونيس الخلفية

LinkBack

أدوات الموضوع

عرض

-

-

-

-

-

-

المواضيع المتشابهه

الفاونيس المعدلة ( احنا بيتنصب علينا ) !

انا محتار بين الكاميرا الخلفية و الحساسات الخلفية؟؟!!

الفاونيس المط

انا محتار بين الكاميرا الخلفية و الحساسات الخلفية؟؟!!

شباب المنصورة : عاوز اغير بلية الصرة الخلفية مين ممكن يغيرها ؟؟

الكلمات الدلالية لهذا الموضوع

المفضلات

المفضلات

ضوابط المشاركة