-
كيفية توزيع السماعات في انظمة الصوت الدولبي ديجيتال في المنزل (صور توضيحية)
-
كلام زى الفل يا باشا تسلم ايدك وانت ضابط الصور زى ما تكون قاعد معايا فى الاوضة وقريب هرتبهم صح زى ما الصور بتقول تسلم ايدك يا باشا
-
و اسمع بقى الصوت و انت بتتفرج على اي فيلم اكشن في الدي في دي او الرسيفر و شوف المؤثرات الصوتية حاتبقى جية من حواليك كأنك قاعد وسط ابطال الفيلم (مانت قاعد وسط دايرة من السماعات بتنقل لك كل مؤثر صوتي من اتجاة مختلف كمعايشة للفيلم)
وزي ما قلت لحضرتك مافيش مصدر يديلك صوت 5.1 دولبي ديجيتال الا الدي في دي او رسيفر الدش و بيبقى من خلال توصيلة يا بفايبر اوبتك او كواكسيل بسيستم الصوت ال 5.1 دولبي ديجيتال
-
طيب وصلة الفايبر اوبتك دى الاقيتها فين وبكام وهل اى رسيفر بيبقة فى الكبل دا انا عندى دريم بوكس هل فى الكبل دا ؟؟
-
تلاقيها في مول كمبيوتر او راديو شاك و سعرها حسب طولها و جودتها
يعني لو Monster Cable Premium ممكن تلاقيها ب 800 جنية هههههههه بس العادي و جودة متوسطة بيبقى حوالين 30 جنية هي عبارة عن شعرة زجاج بيمشي فيها ضوء شبية بالليزر
شوف ضهر الرسيفر او كتالوجه شوف بيطلع صوت دولبي ديجيتال و للا لأ
و شوف الخرج هل هو
COAXIAL = SPDF
or
Fiber Optic
-
انا عندى وصلة spdf فى الكمبيوتر وهوا عبارة عن مربع صغير كدة ببوابة هل لو جبت الكابل دا ووصلتة بين الكاسيت والكمبيوتر هيبقة فى فرق فى الصوت عن وصلة الaux العادية بين الكاسيت والكمبيوتر ولا راى حضؤتك اة متابع حضرتك ورايا فى كل المواضيع معلش تاعبك معايا
-
ادهم باشا معلش تاعبك معايا دلوقتى خليتنى قومت لفيت على اجهزة البيت كلها دلوقتى انا عندى الكمبيوتر فيها المدخل الspdif والرسيفر كمان فى نفس المدخل دا ولما بشيل الغطا من علية بيظهر نور كدا زى الليزر احمر كل دا جميل المشكلة والاهم بقا انى كل الاجهزة عندى فى البيت فيها spdif out لاكن الهاى فاى نفسوا مفهوش spdif in يعنى مفهوش السوكيت دا هل الكابل بتاع الspdif دا بيبقا شكلة مربع كدا من طرف والطرف الاخر كابلات اوديو فيدجيو كدا عادية زى الار سى اة ولا اة وهل لو جبتة كدا بيبقة فى تاثير فى جودة الصوت ولا اة الكلام والدنيا
-
لأ المربع الصغير دة بيبقى وصلة الفايبر اوبتك
هي بتبقى غطا شكلة شبة عسكري الشطرنج الصغير
و لما تشيلة تلاقي تحتة فتحه مربعه فيها عدسة صغيرة
ال SPDF هو ال COAXIAL هو بالضبط وصلة RCA بس تكون كابل شيلد عالي و يفضل Gold Plated
-
لأ بيقى فايبر اوبتك من الناحيتين
طيب شوف الكاسيت كدة هل فية مدخل كواكسيل
ار سي اية بس لونها اسود و لوحدها و مكتوب عليها كو أكسيل
الصوت الديجيتال مش موضوع صوت انضف و بس
زي ما شرحتلك بيبقى شايل صوت 6 قنوات صوت >>> 5.1 يعني 5 قنوات صوت + صب ووفر
الاوديو العادي الار سي اية الابيض و الاحمر بيبقى كل جاك شايل تشانيل
يعني ابيض و احمر يبقى 2 تشانيل ستيريو
بس الفكرة هي اية المصدر اللي حاتسمع منة صوت دولبي ديجيتال اللي هو 5.1
لازم دي في دي او رسيفر دش او افلام متسجلة دولبي ديجيتال عالكمبيوتر
-
انا رحت اقلب فى الهاى فاى ملقيتش غير 8 فتحات منهم 4 متجمعين فى حتة واحدة
الاول لونة احمر وعلية حرف Pr
التانى اخضر ومكتوب علية y
التالت ازرق ومكتوب علية p8
الرابع اصفر ومكتوب علية video out
بعدين فى 4 مع نفسهم كدا منهم 2 بتوع ال aux
و2 مكتوب عليهمline out
مش عارف بقا كدا فى ولا اة مع انى الكاسيت يعتبر حديث وفى كل الموثرات دولبى وdts pro logigic prog logic2 وكل حاجة تقريبا