برنامج لكشف مواقع الرادار

**hon** · 03-09-2010 02:17 AM

السلام عليكم ورحمه الله وبركاته
أعضاء قسم الدايو الكرام كل سنة وانتو طيبين ورمضان كريم
أولا الموضوع منقول من قسم شفرولية ربنا يبارك فى صاحب الموضوع
وهو عبار عن برنامج يتم تحميلة على الموبايل ويجب وجود خاصية gps فية ويتطلب أتنرنت
فكرة عمل البرنامج بعد تثبيتة على الجهاز وعمل register على الموقع الخاص بة سوف يقوم بمساعدة ال gps بتحديد موقعك والطريق الى انت فية وهو برنامج من برامج المشاركة sharing يعنى لو حضرتك مشيت فى طريق ولقيت رادار أو كاميرا سرعة بتبلغ البرنامج ان فى لجنة report trap وبكدا بيترفع على الخريطة ان فى لجنة أو رادار وبيستفيد بية كل اللى بيشوفوا الخريطة بعد مشاركتك
انا كنت بشك فى جدية البرنامج لغاية لما جربتة النهاردة وانا مسافر مصر من بلبيس الصحراوى وفعلا قبل الرادار ظهرلى التنبية وفعلا كان الكمين موجود
وممكن لو كلنا شغلنا البرنامج ممكن نغطى أكتر من 90 % من رادارات الطرق ونتقى شرها
البرنامج اسمة trapster وموجود على متجر ovi store وهو مجانى بس لازم جهازك يكون يدعم جى بى اس وهوا شغال معايا على n86 تمام ولازم تجربوة وتسجلوا على موقع البرنامج ولاوم
- الايجابية يعنى لو شفت رادار تبلغ ومتطنش عشان تخدم غيرك
وكل سنة وانتوا طيبين ورمضان كريم

**kiroo** · 03-09-2010 03:03 AM

شديد اوى دة

**samcar** · 03-09-2010 05:31 AM

رادار بلبيس معروف مكانه كويس - واعتقد ده مقصود- يعنى علشان اللى بيبقوا فاتحين بعد دخلة العبور يهدوا شويه

اجهزة كشف الرادار افضل - خصوصا فى حالة الكماين العشوائيه
كمان ربنا يبارك فى الجدعان فى الاتجاه المعاكس - بيدوا تحذير من بدرى - هههههههه

**hon** · 03-09-2010 05:55 AM

انا مش بتكلم على كمين بلبيس وبس
البرنامج دا مضبط الدائرى وجايب كل الكاميرات الثابتة الى فية
وفعلا تجربة البرنامج غير الكلام عنة :)

**Moe86** · 03-09-2010 06:22 AM

شكرا على المعلومة يا ريس

**hon** · 03-09-2010 12:09 PM

اى خدمة وياريت تنشروها حتى تعم الفائدة

**محمد الشامي** · 03-09-2010 01:00 PM

مشكور على البرنامج الجميل والله , بس المشكله انه للنوكيا فقط

و بما اني من حاملي السامسونج (مش النوكيا) فـبحثت عن نفس البرنامج ليناسب السامسونج والحمد لله لقيته , وده اللينك بتاعه لتعم الفائده بإذن الله
Trapster - mobile9

**faron525** · 03-09-2010 02:10 PM

هو ده الكلام المظبوط طب يا تري البرنامج ممكن يشتغل علي n95 8g ?

**hon** · 03-09-2010 02:31 PM

بيشتغل يا فندم على 95 عادى أهم حاجة يكون عندك فى التليفون gps شغال وهو بيطلب نت عشان يحمل الخرايط

**magomago** · 03-09-2010 02:47 PM

بس اظن ان البرنامج المقصود به اجهزة المراقبه الثابته
لان فى دول كتير مطبقاه فى اشارات المرور او الكاميرا مثبته دائما بدون تدخل انسان
فهل يمكن تطبيق البرنامج على الطريق الزراعى او الصحراوى
لو كل واحد مشى على الصحراوى وبلغ عن رادار يبقى بعد شهر الطريق هايبقى متلغم على الخريطه بسبب تنقل الرادار