صيانة 20000 للسيمبول وعرض رمضان من التوكيل بالداخل
الحمد لله ربنا وفقني وعملت صيانة ال20000 كيلو للسيمبول في فرع العبور الفترة المسائية واتكلفت 741 جنيه بس ده عشان انا غيرت المساحة الامامية ب90 جنيه الواحدة!!!! يعني من غير المساحة تكلفة الصيانة هتكون 650 جنيه وقالي ان التيل الامامي هيتغير في صيانة ال25000 كيلو وتمنه بالضريبة والمصنعية 500 جنيه
تفاصيل صيانة ال20000 كيلو
تغيير زيت 10000 كيلو تمنه 214 جنيه
تغيير بوجيهات الواحد ب22جنية ال4 ب88جنيه
تغيير فلتر هواء تمنه 30 جنيه
الكشف علي السوئل
الكشف علي الكهرباء
والمهندس هناك قالي علي مفاجاة قالي ان التيل الخلفي ب 1700 جنيه لانه لما بييجي يغيره بيغير الطنابير معاه مش عارف ليه يعني وده بيتغير عند 120000 كيلو ربنا يستر
وبالنسبة لعرض رمضان التوكيل عامل كشف مجاني علي التكييف وعامل تخفيض 20% علي فلتر التكييف بس هو ده العرض الي عنده التكييف بايز بقي يلحق يروح ويكشف عليه ببلاش
اي استفسار انا تحت امركوا
