سلام الله عليكم
سمعت أنه في السيارات المانيوال
(وخاصة ذات المحركات الضعيفة نسبيا نظرا لثقل وزن السيارة كالفانتازيا مثلا )
سمعت أن التكييف مع الجير المانيوال متعب وبيعمل مشاكل
فهل هذه العبارة صادقة أم أنها مجرد وهم
وجزاكم الله خيرا
سلام الله عليكم
سمعت أنه في السيارات المانيوال
(وخاصة ذات المحركات الضعيفة نسبيا نظرا لثقل وزن السيارة كالفانتازيا مثلا )
سمعت أن التكييف مع الجير المانيوال متعب وبيعمل مشاكل
فهل هذه العبارة صادقة أم أنها مجرد وهم
وجزاكم الله خيرا
مشاكل زى ايه يعنى ؟؟ انا مانيوال وعربيتى ياريس ومفيش مشاكل الحمد لله // انت تقصد ايه بالظبط ؟؟
العبارة كاذبة !
مفيش حاجة اسمها كدة
لا الكلام ده مظبوط انا معايا بولو 2001 1000 cc بس التكيف داخل البلد مقرف بشكل يخليك تستحمل الحر أفض من تشغيلة لكن على الطريق السريع هايل ولا اليابانى بصراحة
معنا فيرنا مانيوال وام 11 برده والحمد لله التكييف زى الفل اعتقد ده مع العربيات الى السعه اللترية اقل من 1400 سى سى
هذا خطأ شائع
انت بس محناج تتعود على دوسة معينة والتكييف شغال، ولو العربية انجكشن يبقى عادي تماماً
ياجماعه لو التكييف بيسحب جامد وكل ماكان السي سي صغير زي ال1000 وال 1300 وال1400 بيبقي السحب اضعف لكن من بعد 1600 مش بتحس باي فرق لان عزم الماتور اقوي
اولا جزاكم الله كل خير على المشاركة الفعالة
هو أنا أقصد في المحركات ذات السعة1600 مانيوال
هل مثلا بيبقى في رجرجة أو تقطيع أو ما شابه
ولا العملية عادي جدا
يا لاباشا انا سقت البكانتو و السبارك و دوول 1000 و 1100 سيسي و التكييف بيأثر على السحب تأثير بسيط يعني بدل ما هتنقل على 3 rpm هتنقل على 3.5 علشان متحسش بفرق و معايا لوجان 1600 سي سي 90 حصان يعني بردو موتور مش قوي اوي بردو و بنقل عادي على 3 و يمكن 2.5 في بعض الاحيان و مفيش اي مشكلة
مع احترامي ليك برده
1600 عن 1300 عن 1000
ملناش دعوة
المهم الhp بتاع الموتور ونوع التكييف وبياخد قد أيه من الhp
وبناءا عليه بيأثر علي السحب ولا لأ
كله بيأثرر ولكن بتفرق درجة التأثير
كل ماكان ال hp عالي وسحب التكييف أقل كل ماكان التأثير مش واضح
لانوس 1500 وياريس 1300
شوف تأثير التكييف علي كل واحد
مع ملاحظة أختلاف الحجم وال hp ونوع التكييف
يا سلام عليكم
جزاكم الله كل خير
حوار مفيد جدا
بارك الله لكم
الطلعه الأولي فقط بتحتاج تسايس العربيه بالدبرياج ..
بعد كده أحسن من الأوتوماتيك
والله انا شايف انه مع العربيات الاكثر من 1000 cc التكييف بيكون معقول قوى ومع 1600 بيكون رائع ولا بتحس باى حاجة والاخ اللى بيقول ان فيه رج رجه ممكن يكون عندة مشكلة فى العربية لكن الطبيعى مايكونش فيه مشكلة انا سقت الباسات 1600 وكان التكييف رائع
والله يا جماعة انا رأيي انو المفروض بتكون معود نفسك على دوسة معينة للدواسة فى حالة التكييف وفى حالة عدم تشغيله وبعدين برضو اعرف ان التكييف بيخصم 3 حصان يعنى موش حاجة كبيرة يعنى وفى ظروف الحر الحالى تكيف ثم تكييييف ثم تكييييييف والسحب لا وألف لأ
اعتقد الموضوع ده ممكن يكون صعب يكون في المنيول بس غالبا التكييف بياثر علي سحب اي عربية لانه بياخد جزء من عزم الماتور فبيكون السحب والاربي ام عالي مع زياده البنزين