أحتاج مساعدة من رابطة محبى التمبرا ((أخص بالذكر أ/زلبانى & جاليليو))

**fire333works** · 03-09-2010 04:19 AM

السلام عليكم ورحمة الله وبركاته

إخوانى رابطة محبى التمبرا أحلى سلام
بعد الكلام الجامد اللى شوفته على لسانكم على أداء و قوة العربية التمبرا ..شبط فيها و بقالى شهرين بحاول أبيع السيارة السوزوكى سويفت بتاعتى موديل 98 لحد ما بعتها وأبدأ رحلة البحث عن تمبرا وبجد معاناة لا توصف فى البحث ...

المهم أنا هقولكم مشاكلى اللى كانت فى السوزكى سويفت واللى خلتنى أدور عن تمبرا

_ السرعة بعد 120 زفت زفت زفت ((3 زفت)) كأنى عباس بن فرناس فى أول محاول طيران العربية بتعمل كل اللى نفسك فيه بإختصار بحس إن بين الحياة والموت

_ صوت الهوا بحس بيه جدا و العربية بعد ماتعدى 100 و كأنى مش قافل زجاج السيارة ساعات والله بصدع لو على سفر

_ ضيق الصالون طبعا مش محتاج وصف

_ العفشة اللى ملهاش حل بعد شهر من تربيطها ترجع زيى ما كانت العربية بتشخلل ولا غربال تنقية الرز

_ أخيرا التكييف اللى بيبقى زيى الفل فى السفر لكن جوه البلد ولا له أى لازمة بالكاد بيبقى لطيف

بس الشهادة لله العربية كانت ناعمة موفرة فى البنزين ما بتفتحش بوقها إلا نادرا

المهم فى خلال الفترة دى سوقت عربيتين تمبرا خلال البحث.. مشكلتى الكبرى مع العربية اللى عجبانى فيهم الأتى

_ حاسس إن الموتور خفيف+ صوته عالى حبة يعنى عداد الأمبير بيعلى علطول بمجرد ما أدوس بنزين ((و أنا شخص سوقت عربيات مختلفة يعنى إحساسى إنه مش عيب إن رجلى تقيلة على البنزين )) صاحب العربية قالى إنه موضوع ديسك وإسطوانة بمجرد ما يركب أنسى المشكلة دى .

_ الدبرياج محجر و بتبطل منى كل شوية

_الباور لطيف بس مش ملبن زيى العربيات أم باور ((حسيت إنه أقل من لفة دريكسيون السويفت بحاجة بسيطة برغم إن السويفت مفيهاش باور أصلا))

سؤالى يا محبى التمبرا هل أصلا النقل من سوزوكى لتمبرا فعلا نقلة هحس بيها و هل برده أغير الديسك والإسطوانة و أجرب ولا أصرف نظر عن التمبرا و أبحث عن سيارة أخرى

مشكلتى يا رجالة إنى بعت السوزكى ب 25 ألف مكيفة وندمت بصراحة مش عشان السعر اللى بعته بيها أنا كنت شاريها من 3 سنين ب 28 من غير تكييف كلفت تكييف 1000 جنيه فال4 ألاف اللى نقصه دول بعد البيع هم فعلا تكلفة إستخدامى للعربية و مرمتطها مش ببحث عن مكسب من البيع يعنى ...فأنا معايا 25 + 7 ألاف كنت محوشهم وبدور على تمبرا فعشان اللى يتكرم بالرد عليا يبقى عارف أن بدور فى حدود كام

وشكرا على وقتكم مقدما و منتظر ردودكم

**fire333works** · 03-09-2010 05:41 AM

السلام عليكم ورحمة الله
الأستاذ/ هشام ذكى ..خلانى أخد بالى إنه ممنوع الكتابة باللون الأحمر
فأنا أسف جدا على ده وأرجو من الإدارة ترك مشاركتى و عدم حذف الموضوع
مع الإعتذار على جهلى بقوانين المنتدى وعدم فعل ذلك مرة أخرى

و1000 شكر للأستاذ هشام على التنبيه

**heshamzaky** · 03-09-2010 06:16 AM

ازيك يا باشا و العفو و والله انا بس نبهتك علشان نكون ملتزمين بقواعد المكان الى بنحبة و ما يكونش فية مشاكل و نمشى بسلام و نكون احسن ناس ملتزمة طالما بنحب المكان و الناس الى فى المكان بيقدرو دة

**heshamzaky** · 03-09-2010 06:36 AM

بص حا اقولك المفيد من وجهت نظرى انا لغاية ما جاليليو و زلبانى يردو عليك ك مالك للتمبرا جرب تسوق عربية تمبرا سليمة مش متبهدلة و بعدين أحكم لو بتتكلم على الثبات لغاية ال 150 كيلو انت فى امان بنسبة جيدة جدا دا العربية دى مش بتركب الهوا ثابتة تماما و الوسع انا شحصيا مش بعرف اظبط المرايا اليمين و انا على كرسى السواق الا لما بميل على ناحية اليمين شوية و انا مش قصير فى الطول هههههه لو قاعد فى الكنبة الى ورا ركبك مش حا تلمس ظهر الكرسى الامامى الحاجة الوحيدة الى السويفت تكسب فيها الباور طبع حا يكون انعم من التميرا بس التمبرا الباور معقول جدا جدا صوت الموتور لا ناعم مش عالى مش زى اليابانى طبعا بس ما لوش صوت زى ال 127 مثلا لا طبعا و على فكرة انا عندى سوبر فيورا معايا من سنة 90 الى اليوم التكيف معقول جدا لو مظبط نسبيا و لو معمول صح الصح زى الفل و كويس جدا جوة البلد و ما بيأسرش على سحب الموتور ممكن تشد بالعربية مع حد و النكيف شغال يا باشا العربية لو الموتور سليم مش حا تشحر منك حا يبقى عادى و كويس

**fire333works** · 03-09-2010 07:11 AM

ربنا يخليك يا أ/هشام على سرعة الرد ..و أفهم من كلام حضرتك إنك بتؤيد إن التمبرا نقلة أفضل من السويفت..والله كان لسه الميكانيكى قايلى ((التمبرا مرشيدس الفيات القديم)) على فكرة مرسيدس قالها بال ش فعلا

**heshamzaky** · 03-09-2010 06:16 PM

كلام لبميكانيكى صح و مش حا اقولك مرسيدس الفيات القديم و بس لا بجد حا تحس لو ركبت تمبلاا نظيفة فعى انك راكب عربية بجد مش هوا

**kdosoki** · 04-09-2010 01:14 PM

المشاركة الأصلية كتبت بواسطة heshamzaky

كلام لبميكانيكى صح و مش حا اقولك مرسيدس الفيات القديم و بس لا بجد حا تحس لو ركبت تمبلاا نظيفة فعى انك راكب عربية بجد مش هوا

ok

**ZALABANY** · 04-09-2010 02:42 PM

اهلا بيك يا باشا وان شاء الله ربنا يرزقك بعربيه كويسه بص بالنسبه للتمبرا كعربية تقدر تقول التمبرا ركوبه مختلفة فعلا العربية تحسها ما شاء الله راسيه على الارض بالاضافة لاحساس الفخامة في العربية نفسها حتى الخامات الدخليه الفرش جلد التابلوه والابواب والفتيس كفايه اقولك تمن العربية دي سنة 94 وهشام عارف الكلام ده وقاله كذا مره كان تمنها 85 الف جنيه وكانت ساعتها الاكسيل بحاجه وتلاتين وبعدها بكام سنه اللانوس بحاجه وتلاتين فهي طبعا ركوبه نختلفة تماما عن السوزوكي مع احترامي للسوزوكي اخويا معاه ألتو على فكره
بالنسبه للباور هي الباور بتاعها تقيل شويه عن العربيات الجديده بس شغال كويس جدا وبيقضي الغرض وقطع غياره موجوده جديده واستيراد الطرمبه استيراد ب200 جنيه
عفشة التمبرا من الحاجات المتميزه العربية دي عفشتها حموله جدا بس تركبلها حاجات كويسه وما تسترخصش انا من سنه تقريبا كنت بمشي فيها في جبل لحد ما ربنا كرمني والشارع اتسفلت
عزل العربية كويس مش زي الاوكتافيا طبعا بس احسن من اللانوس لما بتقفل بتحس انك اتعزلت عن اللي بره
بالنسبه للتكييف لو متظبط صح وحالة الكباس كويسه والكهربا بتاعته تمام هايبقى كويس بس عشان نبقى واقعيين مش في جودة تكييف الياباني والكوري عشان نبقى واقعيين بس لو ماشي في اشاره هاتبقى متكيف ولو على طريق هاتلج ولازم توطيه
الدبرياج موضوعه بسيط الطقم اللوك الالماني ب 430 جنيه
التمبرا النضيفه تعمل في حدود 35
لو محتاج اي مشوره تحت امرك

**adelco** · 04-09-2010 03:55 PM

وشكرا على وقتكم مقدما و منتظر ردودكم[/quote]

السلام عليكم
والله قلبى معاك
اولا انا مش خبير قوى فى العربيات بس انا راكب تمبرا
وكل اللى هقدر اقولك عليه هو ان انا بحب العربيه دىايوة بحبها اليوم اللى ما بطلعش بيها بحس انى فى حاجه ناقصانى
نصيحتى الوحيده
هى ما تسترخصش