الام الظهر بعد قيادة السيارة

الام الظهر بعد قيادة السيارة فترة طويلة و بالاخص فى السفريات و كانت احداها بعد قيادة متصلة لاكثر من اربع ساعات و صاحبها الم فى بطن القدم اليمنى مكان الضغط على دواسة البنزين علما باننى اضع عراقة على الكرسى و لكن نزلت من العربية و ظهرى كله عرق و قدماى لا استطيع المشى بهما فما هى النصائح لتجنب هذه المشاكل
و كذلك الام فى الرقبة لوجودها على وضعية ثابته لمدة طويلة و بالاذن اليسرى نتيجة ارتطام الهواء من الشباك بها فى اغلب الطريق

ارجو تثبيت الموضوع مع عمل نصائح للسفر للوقاية و نصائح للعلاج او تمارين

شوف يا أ/ أيمن :-

طبعا كل اللي حضرتك عملته ده غلط جدا علي الظهر , و علي جسمك بوجه عام ,,
و كل اللي بتحس به ده هو أجهاد عام بعد القيادة الطويلة ..

يستحسن حضرتك تعمل الأتي في حالة القيادة ( سواء قصيرة او طويلة) :-
1- كرسي العربية يكون درجة ميله 95 درجة ..
2- ربط الحزام ..
3- القيادة لمدة نصف ساعة فقط ,, بعد كده حضرتك توقف العربية علي جنب ,, و تنزل تأخد لفتين حول العربية و تقف ثواني , بعد كده تركب تاني و تتوكل علي الله (كل نصف ساعة او ساعة إلا ربع تعمل الموضوع ده عشان تحافظ علي سلامة ظهرك)
4- عدم الميل تجاه شباك السيارة او المسند اللي جنب الفتيس ,, يعني عايز ظهرك يكون مفرود و Straight و انت سايق ..
5- عدم طرقعة الرقبة او الظهر و انت جالس ..
6- عدم لف ظهر ( يعني عمل Twist له ) و حضرتك بتركن او بترجع مارشيدير بالعربية ,, عشان تتفادي اي أصابات في العمود الفقري ,, و أستخدم المرايات في ركن السيارة ..
7- أتمني المحافظة علي المشي يوميا لمدة نصف ساعة حفاظا علي سلامة العمود الفقري ,, و نشاط عام لجسمك برضه ..

كيفية ركوب السيارة : أفتح باب العربية ,, و أقعد الأول مع أبقاء الرجلين خارجها ,, ثم بعد كده دخلهم العربية ( زي قعدة الممثلات) ..
الخروج : العكس ,, أفتح باب العربية ,, و لف و خرج رجلك الأول ,, و أسند علي ظهر كرسي العربية و قوم بعد كده ..

حضرتك إن شاء الله لما تطبق التعليمات دي ,, إن شاءالله مش هتعاني بأي مشكلة في القيادة بعد كده ..

الف شكر على النصايح الغالية دى بس حكاية نصف ساعة جى هحاول اطبقها بس صعب شوية ده انا باخد من الهرم للمظلات - مشوار شغلى -- ساعة كاملة صباحا و اكثر بعد الظهر و كمان لسة المدارس ما دخلتش و الله اعلم بحال الشوارع لما المدارس و الجامعات تبدأ