مشكله مش عارف اعمل ايه (سرقوا فرحتي بالالنترا)

**د.محمود صلاح** · 03-09-2010 12:52 PM

يا ترى ايه سبب الخرابيش ؟ ممكن تكون كلاب أو قطط كانت بتنام عليها في التخزين

**modydosoki** · 03-09-2010 04:50 PM

المشاركة الأصلية كتبت بواسطة kamalsalem

المفروض العربيات دي تتخزن احسن من كده والله احنا مش لاقيين فلوسنا

بس انا خايف على الاخ اللي اشترى صاحب الموضوع انه يكون الموضوع ناتج عن فرق درجات حرارة في التخزين وده معناه انه معرض انه الزجاج ده يطق ف اي لحظة

الله المستعان وربنا يعوض عليه خير ويخلفه خيراً من الزجاج ده

تصدق بقا يا باشا الكلمتين دول خلوني اتحمس اكتر اني اروح التوكيل ومش حمشي غير لما اخدت حقي احنا مش لاقين الفلوس فعلا في الشارع وطبعا انا متوقع عدم استجابه بس اهوه اكون حاولت

**HOSSAM99** · 04-09-2010 04:41 AM

السلام عليكم ورحمه الله وبركاته مبروك يا فندم علي العربيه هي عربيه ماشاء الله ربنا يباركلك فيها بالنسبه للمشكله حلها بسيط لو التوكيل معملهاش يعني لو معالجش الموضوع اما لو استعصت عليهم متسمعش كلام حد يقولك غير الزجاج بس الحل تروح لواحد هو مكان محترم شفت عنده عربيات البرابريز مكسر ومشرخ وبيعمله هو في الهرم في ناصيه شارع فاطمه رشدي خلف تونكي محطه الخزان

**ashrafsadany** · 04-09-2010 04:52 AM

بص يا اخى الكريم اذهب الى التوكيل وحاول تقلهم الى حصل وتوريهم انك لسه مرخص واستعن بالله قبل متروح ولو حسيت انهم ناويين يستهبلو هددهم انك هتطلع على حمايه المستهلك وتثبت دا واعمل كده فعلآ وفى نهايه المطاف لو الموضوع مديقك قوى ممكن يتغير جديد بحوالى 400 جنيه

**engahmedsamy** · 04-09-2010 05:06 AM

ممكن جهاز حماية المستهلك

**modydosoki** · 05-09-2010 01:52 PM

السلام عليكم
تم الذهاب الي التوكيل و الدخول الي مدير الفرع والمعاينه بنفسه وبعد كده قالي دا عيب غسيل
طبعا انا قولتله يعني الي غسلها ما غسلها كلها اشمعني يعني الي قدام قالي ممكن يكون قبل ما تستلمها برده مليش دعوه دا مؤثر خارجي زيه زي البويه يا عم طب يا حج مفيش فايده طبعا احنا حعمل واشتكي وحمايه المستهلك (وكان معايا وكيل نيابه قولت يمكن يخافوا) برده مفيش فايده بسهوه دا الي حصل ابتسم انت في مصر

**walidtawfek** · 05-09-2010 05:15 PM

قدر الله مشاء فعل
اخي العزيز حصل معايا نفس الشئ بس كنت انا السبب تقريباً
بعد شهر من شراء الالنترا جالي مشوار للشرقيه وطلعت علي الزراعي من عندنا في الاسكندريه ومش عارف ليه
كان حظي ان الطريق كله عربيات نقل محمله رمل
المهم الزجاج بقي كله خرابيش واضايقت جداً لان العربيه لسه جديده
لمارجعت اسكندريه رحت لبتاع الدوكو اللي بتعامل معاه ولمعت الزجاج وكاني بالمع العربيه بالضبط
والوضع اتحسن بنسبه 90%
جرب وقولي رايك

**modydosoki** · 05-09-2010 07:18 PM

المشاركة الأصلية كتبت بواسطة walidtawfek

قدر الله مشاء فعل
اخي العزيز حصل معايا نفس الشئ بس كنت انا السبب تقريباً
بعد شهر من شراء الالنترا جالي مشوار للشرقيه وطلعت علي الزراعي من عندنا في الاسكندريه ومش عارف ليه
كان حظي ان الطريق كله عربيات نقل محمله رمل
المهم الزجاج بقي كله خرابيش واضايقت جداً لان العربيه لسه جديده
لمارجعت اسكندريه رحت لبتاع الدوكو اللي بتعامل معاه ولمعت الزجاج وكاني بالمع العربيه بالضبط
والوضع اتحسن بنسبه 90%
جرب وقولي رايك

بس اعرف استخدمت ايه وانا اجرب يا باشا وشكرا ليك علي الافاده