صوت فى العربية لما تكون باردة

**karimfahmy99** · 05-09-2010 05:09 AM

المشاركة الأصلية كتبت بواسطة namla

الزيت مش ناقص لسه كاشف عليه هل البليتين دول لازم انزل الفتيس كله عشان اغيرهم ؟؟؟

لازم الفتيس ينزل لو لعيب فيهم و عاوز تغيرهم

**احمد ابراهيم** · 08-09-2010 04:12 AM

انا النهارده لاحظت انى لما بشغل التكييف الصوت ده بيكون واضح
السؤال بقى هل التكييف ليه بلية ( انا اعتقد ان ليه ) طيب و هل البلية بتاعه التكييف دى ليها علاقة بالدبرياج ؟؟؟؟؟

انا سالت واحد و قالى ان التكييف ليه بلية داخلية و دى تغييرها شغلانة و بلية خارجية و دى بسيطة باذن الله

و هل لو بلية التكييف فيها مشكلة بتأثر على سحب العربية انه يضعف اكتر من الطبيعى ؟؟؟؟
افيدونى عشان متسوحش و الناس تشتغلنى زى ما بتاع العفشة عمل معايا ؟؟

**mely** · 08-09-2010 05:49 AM

يا اخى اقسم لك بعزة وجلال الله ان العيب ده داخل الفتيس
شيل سير التكيف وجرب عشان ترتاح

**karimfahmy99** · 08-09-2010 07:20 AM

المشاركة الأصلية كتبت بواسطة mely

يا اخى اقسم لك بعزة وجلال الله ان العيب ده داخل الفتيس
شيل سير التكيف وجرب عشان ترتاح

اولا لا داعى لاستخدام الحلفانات لانك برضة ممكن تكون غلط . انت لا شفت و لا سمعت الصوت ع الطبيعة

و زى ما قلت ممكن 90% بلية الحدافة

**mely** · 08-09-2010 07:32 AM

المشاركة الأصلية كتبت بواسطة karimfahmy99

اولا لا داعى لاستخدام الحلفانات لانك برضة ممكن تكون غلط . انت لا شفت و لا سمعت الصوت ع الطبيعة

و زى ما قلت ممكن 90% بلية الحدافة

انا نفسى انك تكون صح بس انا دورت على العيب ده لدرجة انى غيرت الفتيس 3 مرات وجربت اركب بتاعى القديم تانى عشان اتاكد من الموضوع غرمت حوالى 500جنيه فك وتركيب وزيت عشان كده انا مستحرم انه يغرم مش اكتر وشكرا على توضيحك انى ممكن اكون غلط بس فعلا انا مستحرم المصاريف

**karimfahmy99** · 08-09-2010 07:37 AM

الفكرة ان مش لازم يبقى العيب اللى كان عندك يبقى عندة ممكن عيب تانى . مش اى حد يقول اةةة يا بطنى نقول زايدة . فهمت قصدى و برضة احنا بنقول الاحتمالات و الفك هو البينة القاطعة لمعرفة العيب

**احمد ابراهيم** · 09-09-2010 03:54 PM

المشاركة الأصلية كتبت بواسطة mely

يا اخى اقسم لك بعزة وجلال الله ان العيب ده داخل الفتيس
شيل سير التكيف وجرب عشان ترتاح

يا باشا جزاك الله خير و انا عارف ان انت فعلا همك المصلحة و عشان كده انا جيت و سالت لان اكيد هيبقى فى حد مر بالتجربة بتاعتى

المشاركة الأصلية كتبت بواسطة mely

انا نفسى انك تكون صح بس انا دورت على العيب ده لدرجة انى غيرت الفتيس 3 مرات وجربت اركب بتاعى القديم تانى عشان اتاكد من الموضوع غرمت حوالى 500جنيه فك وتركيب وزيت عشان كده انا مستحرم انه يغرم مش اكتر وشكرا على توضيحك انى ممكن اكون غلط بس فعلا انا مستحرم المصاريف

مشكلتى انى جايب العربية مستعملة فمش عارف اذا كان ده الفتيس بتاعها و لا متغير و لا ايه
و انا متشكر جدا لمساعدتك و نصائحك اللى فعلا خلتنى ابعد عن تفكير كان فى دماغى

و لكن انت حليت مشكلتك ازاى عشان اشوف انا كمان لو نفس العيبب عندى يبقى اختصر الطريق

**احمد ابراهيم** · 09-09-2010 04:02 PM

المشاركة الأصلية كتبت بواسطة karimfahmy99

الفكرة ان مش لازم يبقى العيب اللى كان عندك يبقى عندة ممكن عيب تانى . مش اى حد يقول اةةة يا بطنى نقول زايدة . فهمت قصدى و برضة احنا بنقول الاحتمالات و الفك هو البينة القاطعة لمعرفة العيب

و الله يا استاذ كريم انت معاك حق و لكن انت عارف ان الميكانيكية مش معاهم دكتوراه فى ميكانيكا السيارات و لكن ماشيين بنظام التجربة و الخطأ و زى ما حضرتك شوفت ان العضو (mely ) غير 3 فتيسات و رجع للقديم و بعدين ركب استيراد تانى و ما زال العيب موجود طيب لو الميكانيكى فاهم انه الترس الحر ده مش كان ريح الراجل لكن امرنا لله

**احمد ابراهيم** · 09-09-2010 04:10 PM

المشاركة الأصلية كتبت بواسطة mely

السلام عليكم ورحمة الله وبركاته
الاخ الفاضل صاحب المشكله هذا العيب صادر من داخل الفتيس ولو انت اول مالك للسياره ارجع بذاكرتك ايه الى انت عملته فى الفتيس او الفتيس ده متغير بواحد استيراد لان العيب ده شايع فى الفتايس الاستيراد والمتسبب فى هذا الصوت ترس داخل الفتيس يسمى ترس السيتوليك (الترس الحر)المسؤل عن اندفاع السياره وهيا واخده غيار ولما بدوس دبرياج انت بتفصل حركة الفتيس وماتشغلش بالك بالموضوع ده لانه مش هيأثر على عمل السياره

هل الترس ده بيتغير لانى لما باجى اغير من الاولانى للتانى مثلا او من التانى للتالت بسمع نفس الصوت ده يعنى فى اللحظة اللى بشيل رجلى فيها من على الدبرياج و العربية بتتحرك على الغيار الاعلى مثلا بسمع الصوت ده و كمان لو ماشى فى مكان هادى او شارع فاضى و مفيش صوت و مدى الاولانى و ماشى على السلانسية بسمع الصوت

فهل دى نفس الاعراض اللى كانت بتحصل معاك ؟؟ و هل فى الاخر غيرت الترس الحر ده و لا كبرت دماغك منه ؟؟

و شكرا على اهتمامك يا كبير

**karimfahmy99** · 09-09-2010 05:11 PM

يا خوانا . اللى شاكك او الميكانيكى قالة دا فتيس يفضل انك تروح لبتاع فتيسات تاخد راية قبل ما تعمل حاجة . امال بتوع الفتيسات دو شغلتهم اية . و لو بتاع الفتيس قالك دا عيب فتيس هوا اللى يشتغل فى العربية مش الميكانيكى او الميكانيكى بس للفك و شغل الفتيس عند بتاع الفتيسات