صوت فى العربية لما تكون باردة

**احمد ابراهيم** · 03-09-2010 12:44 PM

صباح الفل يا رجالة

انا كان عندى صوت بيظهر لما العربية بتكون بارده بسمع صوت تخبيط فى الاول لكن لما العربية بتسخن مش بسمعه و كمان حتى لو العربية بارده و دوست دبرياج الصوت بيروح و لما اسيبه الصوت بيظهر

انا كنت معتقد ان العيب ده عيب بلية الدبرياج

لكن اللى فهمته امبارح من البشمهندس ممدوح امبارح ان بلية الدبرياج بتشتغل لما بكون دايس دبرياج و ليس العكس و بالتالى كده بلية الدبرياج مش هى سبب التخبيط للاسف ان احنا مجربناش العربية امبارح

فما الاحتمالات المتوقعة لهذا الصوت

و يا ريت كمان لو حد يعرف اظبط زوايا فين يبقى عمل فيا معروف

**mramzy** · 03-09-2010 06:06 PM

احسن مكان ظبط زوايا محسن امام مسجد النور فى العباسية

**Adham** · 03-09-2010 06:12 PM

سبيكة او ترزيع بيل

هل لمبة الزيت بتفضل منورة شوية اول الدوارة الصبح

**احمد ابراهيم** · 04-09-2010 01:01 AM

لا اللمبة بطفى عادى مفيهاش مشكلة اول ما بدور بتطفى الطبيعى يعنى

**Adham** · 04-09-2010 01:14 AM

طيب شوف اذا كان فية تنفيس من الشكمان

خللي بتاع شكمانات يقرط على فلانشات الشكمان

و لو لقى فية تسريب منها برضة يبقى يغير الجوان

لو الصوت دة بيبان على ار بي ام معين (حاول تزود و تسيب رجلك سنة سنة لغاية ما تسمعه) لو زي ورررة كدة لما توصل لار بي ام معين و تسيب رجلك شوية و تدي تاني , يبقى شوف ميكانيكي يشوف ان كان دة صوت سبيكة لا قدر الله

و اسمع رأي اكتر من ميكانيكي مختلف

**mely** · 04-09-2010 05:49 AM

السلام عليكم ورحمة الله وبركاته
الاخ الفاضل صاحب المشكله هذا العيب صادر من داخل الفتيس ولو انت اول مالك للسياره ارجع بذاكرتك ايه الى انت عملته فى الفتيس او الفتيس ده متغير بواحد استيراد لان العيب ده شايع فى الفتايس الاستيراد والمتسبب فى هذا الصوت ترس داخل الفتيس يسمى ترس السيتوليك (الترس الحر)المسؤل عن اندفاع السياره وهيا واخده غيار ولما بدوس دبرياج انت بتفصل حركة الفتيس وماتشغلش بالك بالموضوع ده لانه مش هيأثر على عمل السياره

**karimfahmy99** · 04-09-2010 06:01 AM

العيب دا اما بلية الفلام او بلية الفتيس مش بلية الدبرياج

عموما الاول اكشف على زيت الفتيس ممكن يكون ناقص

**احمد ابراهيم** · 04-09-2010 07:18 PM

المشاركة الأصلية كتبت بواسطة mely

السلام عليكم ورحمة الله وبركاته
الاخ الفاضل صاحب المشكله هذا العيب صادر من داخل الفتيس ولو انت اول مالك للسياره ارجع بذاكرتك ايه الى انت عملته فى الفتيس او الفتيس ده متغير بواحد استيراد لان العيب ده شايع فى الفتايس الاستيراد والمتسبب فى هذا الصوت ترس داخل الفتيس يسمى ترس السيتوليك (الترس الحر)المسؤل عن اندفاع السياره وهيا واخده غيار ولما بدوس دبرياج انت بتفصل حركة الفتيس وماتشغلش بالك بالموضوع ده لانه مش هيأثر على عمل السياره

للاسف انا مش اول مالك للعربية و كنت مشتريها من واحد هل الموضوع ده ليه حل ؟؟؟؟؟

**احمد ابراهيم** · 04-09-2010 07:20 PM

المشاركة الأصلية كتبت بواسطة karimfahmy99

العيب دا اما بلية الفلام او بلية الفتيس مش بلية الدبرياج

عموما الاول اكشف على زيت الفتيس ممكن يكون ناقص

الزيت مش ناقص لسه كاشف عليه هل البليتين دول لازم انزل الفتيس كله عشان اغيرهم ؟؟؟

**mely** · 05-09-2010 04:58 AM

يا حبيب قلبى ده عيب جوه الفتيس انا فى عربيتى كده من اكتر من سنه و واحد صاحبى بقاله سنتين ومش عامل مشاكل اغلب الفتايس الاستيراد فيها العيب ده وللاسف انا وصاحبى مغيرين الفتيس بتاع العربيه وبالمناسبه انا جربت اكتر من واحد ونفس الموضوع وشكيت فى المتور ركبت القديم منع الصوت بس للاسف الكارونه بتاعة الفتيس القديم عندى صوتها عالى
استسلمت للامر وركبت الاستيراد تانى