35 مليون جنية أجر عمرو دياب رمضان 2011

**haytham306** · 03-09-2010 02:14 PM

إعلان شركة "سينرجي" للإنتاج الفني عن حصول المطرب عمرو دياب

419
على 35 مليون جنيه نظير بطولة مسلسل تليفزيوني في رمضان المقبل وهو ما يعتبر بمثابة أعلى أجر يحصل عليه فنان في تاريخ الدراما المصرية

يا جماعة انا بحب عمرو دياب جدا جدا وبستمتع بأغانية والحمد لله انا مش منفسن ولا حاجة بس بجد بجد بجد مش حرام في الغلا وقلة الجواز والظروف الاجتماعية اللي زي الزفت ده واحد ياخد أجر في الشهر 35 مليون جنية طيب دول ممكن يجهزوا كام شاب للجواز ولا يبنوا كام عمارة سكنية لعرسان جدد مش لاقيين سكن
بجد مش عارف أقول اية ؟
علي فكرة انا مش بلوم علي عمرو دياب لا لا لا أبدا أنا بلوم علي أصحاب شركات الانتاج المستفزين

**crazylambada** · 03-09-2010 02:22 PM

طب ده كويس
محمد منير اخد في اعلان بتاع اتصالات اللي فقرته فيها 10 ثواني فقط
7 مليون جنيه
يعني الثانيه واقفه عليه ب 700 الف جنيه
:d:d:d:d:d:d
رزق الهبل على المجانين

**Dr Ahmed** · 03-09-2010 02:22 PM

قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : (مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا)

على فكرة القول دا غير جائز:

رزق الهبل على المجانين

رزق المخلوقات كلها على خالقها

**أحمد كمال** · 03-09-2010 02:28 PM

المشاركة الأصلية كتبت بواسطة crazylambada

طب ده كويس
محمد منير اخد في اعلان بتاع اتصالات اللي فقرته فيها 10 ثواني فقط
7 مليون جنيه
يعني الثانيه واقفه عليه ب 700 الف جنيه
:d:d:d:d:d:d
رزق الهبل على المجانين

ممكن اعرف مصدر حضرتك إيه؟

**Dr Ahmed** · 03-09-2010 02:35 PM

فرق بسيط 2 مليون من 7 مليون
وفىالآخر يكون واخد 70 ألف

**M.Mosaad** · 03-09-2010 02:38 PM

مفيش حد عبيط
لما شركه انتاج هتدي عمرو دياب 35 مليون هما و عمرو نفسه عارفين كويس ان الاعلانات و فلوس حقوق عرض المسلسل هتجيب 350 مليون يعني مشروع كسبان مليون في الميه
يعني لما المسلسل دة يجيب فلوس بالهبل يبقي من حق عمرو يطلب فلوس بالهبل برضة و اهو كله علي قفا المستهلك و الشعب و اللي بيتفرج

و كمان لو المبلغ اللي واخدة محمد منير صحيح برضة هو عارف ان باعلان زي دة العملا بتوع اتصالات بيزيدوا جداااااااا بسببه يعني الشركه بتكسب كتير جدااااااااا بسببه

**hazemhany** · 03-09-2010 02:39 PM

يا جماعة والله العملية مبتتقسش كده ..ده واحد سوبر ستار وتعب عقبال ما وصل للهوا فيه ده .. ومن حقه يحط الرقم اللي شايفه مناسب لحجم نجوميته وشهرته ومن حق المنتج انه يوافق او يرفض ..وطبعا المنتج هيوافق لانه عارف حجم المكاسب اللي هيحققها من وراه ..وهنمثل موضوع عمرو ده مثلا بواحد استشاري كبير في اي مجال عنده خبره تزيد عن عشرين سنة في مجاله وشهادات الخ الخ لما يجي يتقدم لعمل في مكان بيحط الاجر اللي هوا عايزه وهوا حاطط رجل ع رجل والشركة عشان محتجاله بتوافق ع كل طلباته ...هوا ده بالظبط اللي بيحصل مع عمرو ...فاانا لا الوم عليه ولا ع المنتجين لان ده بيزنيس كبير وبيدخل كتير ...

**kamalsalem** · 03-09-2010 02:41 PM

عرض وطلب... لو احنا بطلنا نسمعه هيفلس... وكل واحد حر في اللي بيسمعه

**Mostafa.Mahran** · 03-09-2010 02:55 PM

المشاركة الأصلية كتبت بواسطة hazemhany

يا جماعة والله العملية مبتتقسش كده ..ده واحد سوبر ستار وتعب عقبال ما وصل للهوا فيه ده .. ومن حقه يحط الرقم اللي شايفه مناسب لحجم نجوميته وشهرته ومن حق المنتج انه يوافق او يرفض ..وطبعا المنتج هيوافق لانه عارف حجم المكاسب اللي هيحققها من وراه ..وهنمثل موضوع عمرو ده مثلا بواحد استشاري كبير في اي مجال عنده خبره تزيد عن عشرين سنة في مجاله وشهادات الخ الخ لما يجي يتقدم لعمل في مكان بيحط الاجر اللي هوا عايزه وهوا حاطط رجل ع رجل والشركة عشان محتجاله بتوافق ع كل طلباته ...هوا ده بالظبط اللي بيحصل مع عمرو ...فاانا لا الوم عليه ولا ع المنتجين لان ده بيزنيس كبير وبيدخل كتير ...

طيب الاستشارى فى اى مجال بيعمل حاجة مفيدة و بتفيد الناس

انما ده بيغنى

الموضوع: 35 مليون جنية أجر عمرو دياب رمضان 2011

LinkBack

أدوات الموضوع

عرض

-

-

-

-

-

-

المواضيع المتشابهه

إستطلاع: هل عمرو دياب و جيلة ضحكوا علينا؟

عمرو دياب باللحية

عمرو دياب و الطوبة و الاشاعة

الشباب بيتجنن لما بيشوف عمرو دياب

الكلمات الدلالية لهذا الموضوع

المفضلات

المفضلات

ضوابط المشاركة