مشكلله في النوبيرا حيرت التوكيل

**Adham** · 03-09-2010 08:36 PM

التقسيمة لو مش مظبوطة الموتور حايبقى متبرجل على طول

مش اول عشر ثواني في الدوارة و بس

و مش في السحب الهادي تبرجل و لما تسحب و تجيب التالت و الرابع تبقى كويسة

حاول تقيس كبس الموتور دة

بعداد الكبس اللي بيركب مكان البوجيهات و تدي مارش (مش بالكمبيوتر اللي بيركب على سلوك البوجيهات)

علشان لو فية صباب قاعدتة مش كويسة و بيهرب كبس حايبان

و علشان الموتور عندك خفيف يبقى حط شوية زيت صغيرين على وش البستم من فتحه البوجية قبل ماتركب عداد مقياس الكبس

علشان مايبقاش فية تهريب من الشنابر و بالتالي يبقى الحكم على قواعد الصبابات

**asaadpw** · 03-09-2010 08:41 PM

ان شاء الله بس ياريت مساعده ضغيره لاني سالت علي جهاز قياس كبس الموتور بس لو حد يعرف مكان حد في المنصوره اكون متشكر له جدا

**Adham** · 03-09-2010 08:44 PM

اقولك حاجة كمان حلوة قوي

هات علبة سبراي تنضيف كارتات كمبيوتر من اللي بتتباع فو مولات الكمبيوتر بيبقى مكتوب عليها "أكاي" و لونها ازرق (بدون زيت)
Contact Cleaner

و فك فيش الحساسات فيشة فيشة و انفخ فيها و رشها سبراي بالشاليموو الرفيع اللي مع السبراي و استني دقيقة تنشف و بعدين ركبها

علشان لو فية زفارة او اكسده على فيش الحساسات او الايدل او التي بي اس يبقى تروح الفيش تبقى زي الذهب ماتهربش و لا تعمل اي فاقد في الاشارة

و اتأكد من كابلات االارضي بتاعه الموتور دة انها راكبة كويس و ملمسة في صاج العربية

و أخر حاجة

لو عربيتك بيتعمللها أيدل رن اعملة

**Adham** · 03-09-2010 08:47 PM

للاسف ماعرفش حد في المنصورة

لو بتنزل القاهره - مدينة نصر أدلك

بس اكيد حاتلاقي عندك في المنصورة

انتوا عندكوا صنايعية زي الفل

**asaadpw** · 03-09-2010 08:50 PM

انا اساسا مهندس ماكينات تصوير وعندي خلفيه عن موضوع اكسدة توصيلات الاسلاك فعلا وهعمل كده تاني لاني بصراحه صرفت ثمن موتور جديد مش استيراد والصنايعيه عندنا ما شاء الله مش يقولك هنجرب حاجه لا يقولك غير علطول حتي لو مش متاكي ما هو مش خسران حاجه