الموضوع: بنزين 80

المشاركة الأصلية كتبت بواسطة epnmasr

لا انصحك ب 80 الا عند الضروره فعلا تأثيره كبير علا السحب والفلتر والكربيراتير وحتى الاجزاء الداخليه للموتور وده نتيجة الحرق واذكر ان حد متخصص قال الكلام ده

مش بياثر عن تجربة
الهم الصيانة الدورية و متستناش لغاية لما التانك يفضي علي الاخر وتملي لما يبقي علي الربع ع الاقل
والكربيراتير بيتحطلة 80 اساسا
في الكاتلوج مكتوب بيتحط بنزين 85 ومن 85 ل 80 مش هاتفرق

مع احترامي لجميع الاراء ان عندي سوزوكي فان بحطاها بنزين 80 بس رحت للميكانيكي ظبطلي الكهربا وكل شهر بغير فلتر البزين وماشاء الله ذي الفل

المشاركة الأصلية كتبت بواسطة love7amada

ايوه هيا البنزينه ديه
قريبه من كليتك يا عم
و لا برجلت و لا عملت حاجه
و لحد دوقتي عامل 170 كيلو
ولا حاسس باي فرق
كفايه اني فولت ب 24 جنيه
و مفيش فرق ف الاستهلاك
انا اول مره فولت 92 من كالتكس اللي ف العشرين عملت 287
تاني مره يوم المقابله فولت92 و انا مروح من ايسوو عملت 250 كيلو بالعافيه
دوقتي التفويله التالته بنزين 80 من البنزينه اللي ف المنيل دبه و لحد دوقتي عامل 170 و المؤشرلسه موصلش النص بحاجات بسيطه يعتبر ع النص يعني التفويله ديه ممكن تعمل 300 او 340 كمان

التفويله اللي ب 80 عملت معايا 305 لل 24 لتر
فولت 80 تاني من بنزينه تانيه و دوقتي قبل النص و عامل 150 كيلو

يعني ماشي بال 80 حوالي 455 كيلو و مفيش شكاوي خالص منه
ده ال 92 كان بيخلص اسرع منه

يا جماعه بلاش سذاجه الماروتى نسبة انضغاط المحرك 8.8 : 1 على ما تذكر من الدليل والكتالوج بتااعها وده يعنى انها تشتغل بكفاءه على خليط من التمانين والتسعين ، مساله الشوائب دى اشاعات او غش من البنزينه اللى انت بتمون منها انما الحقيقه لا ، البنزين التمانين خالى من الرصاص والشوائب انما الطاقه الحراريه الناتجه عن حرقه اقل من الناتجه عن حرق التسعين ، لكن تصميم الماتور اصلا مصمم للتمانين فمفيش مشكله ، لو حطيت اتنين وتسعين يبقى بترمى فلوس فى الارض لان العربيه مش مصممه للاستفاده منه اصلا

المشاركة الأصلية كتبت بواسطة love7amada

التفويله اللي ب 80 عملت معايا 305 لل 24 لتر
فولت 80 تاني من بنزينه تانيه و دوقتي قبل النص و عامل 150 كيلو

يعني ماشي بال 80 حوالي 455 كيلو و مفيش شكاوي خالص منه
ده ال 92 كان بيخلص اسرع منه

التفويله التانيه لحد دوقتي 230 كيلو و لسه موصلتش لربع التانك
ومفيش شكوي من البنزين و لا ف مطالع و لا ف حاجه

انا صاحبي كان معاه ماروتي 94 و كان بيفو 80 ع طول بس وطى الكهرب و الدنيا كانت فل معاه
بس انا موطتش كهربا و لا حاجه هيا كانت تمام