هل ممكن وضع بنزين 80 للماروتي ؟
هل ممكن وضع 80 والتنك به 90 والعكس ؟
ارجو النصيحه ؟
سبحانك اللهم وبحمدك ، أشهد أن لا إله إلا أنت أستغفرك وأتوب إليك
عرض للطباعة
هل ممكن وضع بنزين 80 للماروتي ؟
هل ممكن وضع 80 والتنك به 90 والعكس ؟
ارجو النصيحه ؟
سبحانك اللهم وبحمدك ، أشهد أن لا إله إلا أنت أستغفرك وأتوب إليك
هي مش الماروتي دي كاربراتير؟ لو كربراتير اكلها 80 ولا يهمك... هي بتحبه
عادى جدا مفيش اى مشاكل
انا بحط 92
بجد لو اتطمن ان 80 عادي
هحطه من بكره
اعتقد ان الزملاء هنا حذروا منه لأنه مليان شوائب ممكن تسد الكربراتير واللى وفرته حتدفعه اضعاف وسحب العربيه يبقى ضعيف ويطلع عليك ريحه حرقه و انت سايق و مش حتستحمل تقعد فى صالون العربيه و أخيرا لو لقيت بنزين 80 اصلا.
80 ده لعنه
انا كنت ماشى بيه فتره
ده غير قرف الطوابير و تستنى العربيه لما تيجى تفضى البنزين
و ممكن متلاقيش و تعد تلف
وجع دامغ يا عم
ال 90 اه الضعف
بس انت بتشترى نفسك من البهدله كلها اول حاجه
و تانى حاجه
بتحافظ على موتورك
ده انا 1200 و العربيه كانت بتسقف كل ما تكبس
و ظبط تاكيهات و كهربا و عملت قرد و برضه مفيش
كمان كنت قريت قبل كده ان البنزين ده فيه ماده كده اللى هى يتخليه لونه احمر
دى بترفع من ددرجه حراره الموتور مع الحتراق ( والله اعلم )
اخواننا مش بيشجعوا 80....واحنا مش معاهم
انا شايف انه ال90 حل وسط لحد ما البنزين يغلى وكلنا هنتقابل في المترو مع بعض بإذن واحد احد وكل واحد لازق بادج نايل موتورز على صدره
بما انك بتقولوا 90 يبقي مش هاتفرق لما نحط 92
هاتفرق كام في التفويله اقل من 5 جنية
ويبقي انظف نوع وخلاص
80 وزي الفل الحمدلله وعن تجربه فى اكثر من عربيه
ال80 فعلا مشكلة و ال90 بردة مشكلة
بس لو حطيتهم فى بنزينة زبالة
اما لو بنزينة نظيفة فمفيش مشكلة حط 90 او 80 و ميهمكش
و البنزينة مش من منظرها تقول نظيفة لاء من تنكها اللى تحت الارض
نظيف و اللى شغالين فيها امناء مش حاطين مياه على البنزين
لان بعض البنزينات بيكون الخزان تحت الارض مخروم او به بارومة و بيحطوا مياه علشان تجزى معاهم فى السعر و تسرب البنزين فى الارض
و كدة كدة هتمون مياه فى التنك سواء كانت شغالة 80 او 90
كل ما انت مطالب به انك تحط من بنزينة محترمة
طيب يا جماعه عايزين نعمل حصر بالبنزينات النضيفه عشان الواحد ميضحكش عليه
يعني البنزينات الكيسه ف ال 80
و ال 90
و ال 92
اسؤا بنزينه ممكن تفول منها هي موبيل اللي قدام نادى الشمس (جسر السويس) ناصية شارع احمد عصمت لانى لسه مفول منها امبارح 92 و كان التانك فاضى خالص و من ساعتها و العربية عمالة تسقف منى على السرعات البطيئة يعنى لما يكون rpm واطى (يعنى لازم اقرص جامد علي النزين عشان مسمعش تسقيف) لكن لما بيعلى rpm العربية بتبقى طبيعية مع فرق طفيف في السحب عرفت من كده انهم كده شكلهم فولوا ليه بنزين 80 و انا مخدش بالى
غالبا كده الواحد لازم بعد كده يستنضفلوا بنزينة و ميفولش غير منها عشان ميضحكش عليه
انا بحط 80 و لا فيه مشاكل الشوائب دي و لا اي كلام من الاشاعات دي اللي مالهاش اصل ... ممكن تكون حصلم مشاكل مع العربيات الحديثة و ده سبب الاشاعات دي
الفرق عندي بس في تسارع العربية و السرعة القصوى غير كده مفيش اي فرق
كمان معندناش طوابير في المنيا
من ساعه ماجبنا الماروتى زيرو بقالها حوالى سنه والحمد لله بنحط 80 علطول
انا بدات احط بنزين 80 ومشيت بيه 100 كيلو لغاية دلوقتي
ومش لاقي اي فرق خالص
انا بحط من بنزينة في اول المنيل من عند كوبري الجامعة
قصدك البنزينه اللي ونتا جاي من كوبري الجامعه وداخل المنيل بتبقى عالناحية التانيه ؟؟؟؟
شكلي هتخلوني احط ال80 واجرب
اسلام العربية مبرجلتش منك ونتا بتشغلها الصبح بدري؟؟
يعني الكهربا مظبوطه؟؟؟
تحياتي
ايوه هيا البنزينه ديه
قريبه من كليتك يا عم
و لا برجلت و لا عملت حاجه
و لحد دوقتي عامل 170 كيلو
ولا حاسس باي فرق
كفايه اني فولت ب 24 جنيه
و مفيش فرق ف الاستهلاك
انا اول مره فولت 92 من كالتكس اللي ف العشرين عملت 287
تاني مره يوم المقابله فولت92 و انا مروح من ايسوو عملت 250 كيلو بالعافيه
دوقتي التفويله التالته بنزين 80 من البنزينه اللي ف المنيل دبه و لحد دوقتي عامل 170 و المؤشرلسه موصلش النص بحاجات بسيطه يعتبر ع النص يعني التفويله ديه ممكن تعمل 300 او 340 كمان
لا انصحك ب 80 الا عند الضروره فعلا تأثيره كبير علا السحب والفلتر والكربيراتير وحتى الاجزاء الداخليه للموتور وده نتيجة الحرق واذكر ان حد متخصص قال الكلام ده
مع احترامي لجميع الاراء ان عندي سوزوكي فان بحطاها بنزين 80 بس رحت للميكانيكي ظبطلي الكهربا وكل شهر بغير فلتر البزين وماشاء الله ذي الفل
يا جماعه بلاش سذاجه الماروتى نسبة انضغاط المحرك 8.8 : 1 على ما تذكر من الدليل والكتالوج بتااعها وده يعنى انها تشتغل بكفاءه على خليط من التمانين والتسعين ، مساله الشوائب دى اشاعات او غش من البنزينه اللى انت بتمون منها انما الحقيقه لا ، البنزين التمانين خالى من الرصاص والشوائب انما الطاقه الحراريه الناتجه عن حرقه اقل من الناتجه عن حرق التسعين ، لكن تصميم الماتور اصلا مصمم للتمانين فمفيش مشكله ، لو حطيت اتنين وتسعين يبقى بترمى فلوس فى الارض لان العربيه مش مصممه للاستفاده منه اصلا
الله ينور عليك يا باشا
هوه دة الكلام المظبوط اللى انا مستنى حد يقوله
كلام صح ميه فى الميه
بس ينطبق على الموتور بتاع الحديث مش التسعينات
انا بحط 80 بعد ما كنت بحط 90 و اول تفويله كنت هطب ساكت بعد ما شغلت الموتور و حسيت ان الموتور هيفرقع او العربية هتبوظ و مرعوب من ال80 بس بعدها مغيرتوش لانى لقيتها مش فارقة اوى
و بالمناسبة فيه موضوع كان معمول عن البنزين ال80 ياريت تقروه
.
انا صاحبي كان معاه ماروتي 94 و كان بيفو 80 ع طول بس وطى الكهرب و الدنيا كانت فل معاه
بس انا موطتش كهربا و لا حاجه هيا كانت تمام
اللي عايز يجرب يجرب ومش هايندم
بس يختار بنزينه تمام ووقت كويس يوح يمول فيه
ياما الصبح بدري او وقت الفجر من 2 او 3 بليل كدة
انا مونت من بنزينة في اول المنيل من ناحية كوبري الجامعة و بنزينة تانية في منزل الجيزة اللي في الوسط
والاتنين كانوا كويسين
اشمعنا الوقات دية يعنى ؟؟؟؟اقتباس:
بس يختار بنزينه تمام ووقت كويس يوح يمول فيه
ياما الصبح بدري او وقت الفجر من 2 او 3 بليل كدة
اية الفكرة
وهو يعنى فرق صفيحة ال 80 عن ال90 كام
الوقت ده مميز عشان كذا حاجه
اولا بتكون الخزانات مليانه والاوساخ بتتجمع في قعر الخزانات وبالتالي لما تعبي في الوقت ده هتعبي بنزين نضيف
ثانيا ان في الوقت ده بتكون الخزانات بارده وبالتالي نسبة البخر بتكون شبه معدومه فاللي بتعبييه على عدادهم بيكون قراءه فعليه غير لما تعبي الظهر لان بيكون نسبة البخر عالي والعداد بتاعهم بيقرا غلط بسبب نسبة البخر دي
اما عن فرق الصفيحه فطبعا هوا فرق الضعف بس
هههههههههههههههههه
تحياتي
هوه انا كل اللي ملاحظة ان بنزين 80 بيعمر في العربية اكتر من 92
يمكن عشان 92 كنت بمونة في الظهر والاوقات اللي فيها البخر
انا كل مرة بفول حوالي صفيحة عشان بيبقي باقي لسة 4 لتر تقريبا في التانك وبيعملوا كويس
من 280 ل 300 تقريبا