مبروك يا محمد
عرض للطباعة
مبروك يا محمد
مبروك يا باشا بصراحة ابو اليزيد ناس فهمة ومحترمين فى التعامل انا جربت بتاع 6 اكتوبر والخدمة بتاعتهم متميزة وبيطلعو كمان معاك يجربو العربية ياريت كمان تغير لزيت فسيكو 5000 بدل زيت فسيكو 2000 لان فى فرق كبير بينهم
ده منور بأهل اكتوبر وشبابها يا صديقي :-) و بإذن الله نتقابل قريبا وده شرف ليا والله :-)
ربنا يبارك فيكم يارب :-)
+1 كلام سليم
ربنا يبارك فيك , وان شاء الله ابقا اعمل العلبه الوسطى في 6 اكتوبر بس لما يجي وقتها :-)
وبالنسبه للزيت فأنا فعلا ناوي اعمل كده بإذن الله وهنزل الزيت على 2000 او 3000 كم , واحط الفيسكو 5000 او موبيل 1 وخلينا في المضمون , لان كده فيسكو 2000 ده كان غلطه (مع اني راضي عنه لغايه دلوقتي) , ومتشكر على نصيحتك الغاليه :-)
مبروك يا صاحبي على الشغل
وكده انت خليتني اتشجع و ان شاء الله و اغير علبه البيئه عشان افوق عربيتي شويه
يبو حميد انت تغلط الغلطة دى ؟؟؟ حد يحط ال 2000 و هو مصرى !! طب حط ال 3000 على الاقل اماراتى . انا عن نفسى هحط ال 3000 مش توفير بس لانى هغير كدة كدة كل 10000 كم ادفع لية تمن ال5000 و انا مش هستفاد بية . انا مش من انصار انى اخللى الزيت 20000 و لا 25000 كم فى العربية . لو مرتاح على الفيسكو غير و حط ال 3000
الحمد لله انها جت في شويه زيت :-) وبعدين هي مش غلطه بمعنى غلطه لان الحمد لله لسا مفيش ضرر ولا هيكون , بس الفكره هو انه زيت معدني وانا كنت شغال على التخليقي , وبالتالى انا حاليا بعتبر الفيسكو 2000 مجرد زيت رخيص لتنضيف الشوائب الموجوده في الموتور وهنزله قريب وبعدها احط تخليقي تاني سواء موبيل 1 او غيره
وانا لسا عند رأيي :-
صوت المكنه اهدا مع الفيسكو 2000 (عن الموبيل1) , وانا مبسوط منه (بعيداً عن تخليقي او معدني) , وحتى مع الـ rpm العالى المكنه صوتها حلو
لو عاجبك الامر ليك اما 3000 او 5000 . بس انت مقتنع تخللى الزيت 20000 او 25000 كم فى العربية ؟؟ الاختيار لك يا صحبى
لا خالص والله انا مش بحسبها بالكيلو متر , انا بحسبها بالعقل والمنطق وحسب حاله الزيت , الموبيل 1 كنت بنزله على 6 او 7 الاف بالكتير , على الرغم من انه ممكن يقعد لغايه 10 الاف ويعدي كمان
وحتى لو حطيت فيسكو 5000 هنزله اقل من 10 الاف كم , حفاظاً على المكنه