الساحر المسمي wd40

**hemaa_82** · 04-09-2010 02:40 AM

السلام عليكم .....

انا عامل 16200 كيلو ... و بقالي 3 اشهر و 15 يوم من اخر صيانة ..... فقلت اكلم ابو غالي احجز علشان كنت ناوي اسافر اسكندرية صد رد في مشوار .... قلت اعمل المشوار الجمعة و الصيانة السبت و يبقي عصفورين بحجر.....

كلمتهم طلع ان مفيش مواعيد خالص لحد بعد العيد ...... قلت خلاص حلال عليا ال90 جنيه .... ماهي كدة كدة صيانة تربيط عفشة .....

كنت جايب استعدادا للصيانة علبة wd40كبيرة 400 ملي ..... قمت نازل رايح لمحمود صبي عم خالد الميكانيكي اللي في الشارع اللي جنبنا .....
يالا يا حودة هتربط العفشة بس قبل ما تربط حميها من الاسبراي ده ....
قعد الاول يسالني ايه ده .. طب يبوظ الجلب ؟؟؟ طب بلاش... قلتله لا ...حميها بس و مالكش فيه ....

الواد طبعا اول مرة ينزل تحت الموديل ده .... قعد يلف علي الصواميل لقاهم كتير :) قعد يربط بتاع نص ساعة .....

بس بجد يعد مكانت بتصوصو بقت زي الزيرو ..... ربنا يخلي الwd40 و يبارك في محمود ... مع انه خد 20 جنيه

نصيحة اعملو زيي و فككم من صيانة ال95 بلبل و خليكم في ال48 بلبل بما فيها تمن الاسبراي

عيد سعيد و يعود علينا الايام بخير

السلام عليكم

**hemaa_82** · 04-09-2010 02:41 AM

تمنه 28 من شارع التحرير في الدقي العلبة الكبيرة ال 400 مللي

جربوا و هتدعولي ان شاء الله

**hugan** · 04-09-2010 02:47 AM

مبروك التربيط
بس انت كده راحت عليك مره من التلاته
فاضل مرتين وتخرج من الضمان
بس انا سبقتك خرجت من الضمان من بدري

**hemaa_82** · 04-09-2010 11:41 AM

هيه فعلا بتبدأ تصوصو مع معاد الصيانة ..... و علا فكرة طيعي جدا لان هما مبيغسلوش العربية قبل ما تتربط و كمان بيربطوها بمفاتيح عزم ف عزمها محدود ..... علشان كدة انا قلت هربط برة .... و اشوف ....

بس فيه فرق ما بين صوصوة تربيط و صوصوة غير معلومة السبب بعد التربيط و دي تكون مشكلة ...

انما اي عربية مع الاستخدام لازم هتريح ..... و متنساش ان انا ساكن في هضاب الحرفيين يعني احلي دغدغة ...دي لو كانت هامر هتصوصو

و برضه انا قايل انها بتصوصو في التقرير الكامل

عارف بقي ايه الحل النهائي للتربيط؟؟؟؟؟؟
العفشجية بيربطوا الصامولة لاخرها و بعدين يحطوا صامولة تانيه وراها تمنعها انها تلف .... بيكون مستحيل تتفك "كنترة بلدي"
او في نوع صواميل بيكون فيه في طرفة قطعة بلاستيك بتطبع مع البراغي "الحلزون بتاع المسمار" و بتعمل نفس الموضوع انها تمنع فك الصامولة بس طبعا اضعف من الحل البلدي"اسمها صامولة كونتر"

**hemaa_82** · 04-09-2010 11:43 AM

المشاركة الأصلية كتبت بواسطة hugan

مبروك التربيط
بس انت كده راحت عليك مره من التلاته
فاضل مرتين وتخرج من الضمان
بس انا سبقتك خرجت من الضمان من بدري

ولا راحت ولا بتاع .... بعد العيد و براحتي اروح ادفع ال 90 بس ابقي عارف ان ملهومش لازمة ...
و علي فكرة ابو غالي مش ملتزم بموضوع كل 3 اشهر ..... و كمان التأخير المرة دي هما السبب فيه مش انا

**nouranwar** · 04-09-2010 12:01 PM

عارف بقي ايه الحل النهائي للتربيط؟؟؟؟؟؟
العفشجية بيربطوا الصامولة لاخرها و بعدين يحطوا صامولة تانيه وراها تمنعها انها تلف .... بيكون مستحيل تتفك "كنترة بلدي"
او في نوع صواميل بيكون فيه في طرفة قطعة بلاستيك بتطبع مع البراغي "الحلزون بتاع المسمار" و بتعمل نفس الموضوع انها تمنع فك الصامولة بس طبعا اضعف من الحل البلدي"اسمها صامولة كونتر"[/QUOTE]

الافضل طبعا الصامولة الفبرة اللي فيها بلاستيك ازرق
و مزيل الصدأ WD40 ب 20 جنيه في اسكندرية في صلاح الدين