انا حبيت القصه جدا وفعلا ده عمل مشرف مش الحاجات الباقيه
تحياتي
عرض للطباعة
انا حبيت القصه جدا وفعلا ده عمل مشرف مش الحاجات الباقيه
تحياتي
انا ندمانة على متابعتي للمسلسل ده
على اد الضحك اللي ضحكته طول المسلسل على مناوشات صالحة وورد اليمن على اد وجع القلب في الحلقة الاخيرة وأسر عيلة همام وخيانة الشيخ اسماعيل وخراب البلاد
جامد يحى الفخراني وهو بيندب خيانة اسماعيل في المشهد الاخير قبل موته
جامد مشهد قتل الشيخ اسماعيل وهو بيندم على خيانته للشيخ همام
جامدة مشاهد الحزن على خسارة الحرب من كل الممثلين
جامدة اغنية تتر نهاية المسلسل
ايه النكد ده وجعوا قلبي والله
انا لسه ماسمعتش الحلقة بتاعة النهاردة بس لما رجعت لقيت مراتي زعلانة و شكلها حزينة جدا و كانت بتعيط بصراحة اتخضيت و افتكرت فيه حاجة وحشة حصلت لما بسألها عرفت ان همام مات و الشيخ اسماعيل خانه و تسبب في الهزيمة و المماليك اسروا زوجات همام و البلد خربت
بصراحة انا زعلت جدا عشان الخيانة اللي حصلت و كنت اتمني انها ماتجيش من اسماعيل خالص
انا مش عارف هل القصة الحقيقية بنفس الطريقة ولا المخرج هييس حبتين و حب يعمل نهاية دراماتيكية و يقلب الطربيزة في وش الكل و ينكدها علينا قبل العيد
بصراحة المسلسل عجبني جدا و شدني بقوة و كانت بتابعة كويس يمكن عشان انا صعيدي فاللهجة و العادات و كمان المسلسل بيتكلم عن فتره زمنية مهمة في تاريخ مصر يمكن كلنا ما نعرفش تفاصيلها و للأسف هي بداية كل المشاكل اللي عنات منها مصر منها بداية الإحتلال الفرنسي لمصر و طبعا الكلام دا ظهر في مشهد في المسلسل بيبين ان فرنسا متابعة الموضوع و الحروب اللي حاصلة ما بين الخلافة العثمانية و الروس من بعيد و منتظرة اللحظة المناسبة اللي تحتل فيها مصر بدون خسائر
بالنسبة للناس اللي مش حابة متابعة المسلسلات في انها مش كويسة وبتوجه نقد بطريقة مش مهذبة للمتابعين للمسلسل بصراحة انا مش عارف ليه الهجوم دا كله
يا جماعة دا مسلسل تاريخي و بعدين انا مش شايف فيه اي اسفاف و يا ريت يبقي فيه تعبير عن الرأي بطريقة افضل من كدا
القصة الحقيقية ان علي بيه بعد ما خد مشيخة البلد بدء يخلص على عرب البحيره و المماليك المعارضين ليه و بعد كدد قتل صالح بيه و بعدها علي بيه طلب من همام انه يرجع لحدود برديس و يسيب المنيا و اسيوط و جرجا و ياخد من برديس لحد اسوان
همام وافق و اتنازل عن الالتزام لمحمد ابو الدهب وكيل علي بيه لأنه كان لسه ملمش العرب و المماليك اللي عنده و كان بيكسب وقت
بعد كده لم المماليك بتوع صالح بيه و مماليك تانيين غيرهم كتير و اداهم الرجال و السلاح و بعتهم ياخدوا اسيوط و ده حصل بس بعد التنازل اللي قلتلك عليه
المهم لما المماليك خدوا اسيوط و قعدوا فيها محمد ابو الدهب قعد يغري اسماعيل بالملك لحد ما خان همام و سابه و خد كتير من هواره منه
و بكده همام اتهزم في الحرب و هرب لبلد في الجنوب عشان يلم الرجالة و السلاح لكنه مات من القهرة من اسماعيل و اللي عمله فيه .....
طبعا من اختراعات المؤلف ورد اليمن و الشيخ سالم دول نمالهمش وجود اصلا
الشيخ عيسى كان موجود فعلا لكن مش ابن عمه هوه كان من عيلة البلابيش اللي همام خد منهم الالتزام بتاعهم ..
نواح القديرة محسنة توفيق على اولاد الكرام كان مؤثر جدا
سبب المشاكل بتاع همام وخيانة اسماعيل له ، هو الواد جابر ابن الجيل ده ، يعنى متجوز وحدة زى القمر ، يعرف عليها وحدة تانى ليه ؟؟؟ خلى اسماعيل الراجل الطيب يخون شيخ العرب ،
منك لله يا جابر
المسلسل في مجمله كويس، إلا من بعض الأخطاء في الإخراج بما يتصل بالحقبة التاريخية كان المفروض المخرج يبقى حريص جدا في بعض التفاصيل.
قصة جابر و ليلة جابت لي الضغط :b4_237:
الصراع بين زوجتي همام أو بالأخص غيرة صالحة من ورد اليمن أخد أكتر من حقه بكتير في سياق الأحداث.
حكاية الشيخ سلام اللي سايب الآخرة بكل مافيها و متفرغ لإنه ييجي للناس في الحلم و ينبههم للخطر اللي حواليهم دي واسعة حبتين.
مافيش فايدة في المط و التطويل و حشو أحداث غير مؤثرة في السياق الدرامي زي مرض ورد اليمن ثم شفاءها، كل ده عشان ال30 حلقة.
شخصية سلام و أداء الممثل كانوا مفاجأة، خصوصا ان نفس الممثل قام بدور سخيف في مسلسل حضرة المتهم أبي و وقتها مالقاش قبول من المشاهدين.
صابرين أبدعت و كانت في أحلى أداء ليها بعد مسلسل أم كلثوم، طبعا بغض النظر عن نظرية الباروكة و تبعاتها، بس كأداء تمثيلي بصراحة.. تصفيق حاد.
عبد العزيز مخيون تفوق على نفسه في الدور ده و الدور نفسه مكتوب حلو أوي.
ريهام عبد الغفورن اللي مش بيحبها كممثلة بالتأكيد حبها من الدور ده.
الممثلة اللي كانت عاملة دور خاتون هانم دي مالهاش فيها.
نهاية المسلسل حزينة، بس فعلا هو ده اللي حصل تاريخيا يعني.
أهم ميزة في العمل ده بأه في وجهة نظري إنه خلى الناس تقرا في التاريخ.
أنا عن نفسي سألت نفسي هو جن علي هو هو علي بك الكبير؟ و دورت ع النت و فعلا لقيته هو و كل الشخصيات المحورية في المسلسل طالعين بأسمائهم، خصوصا اللي ليهم صلة بتاريخ مصر زي إبراهيم بك كتخدا (حسن مصطفى في المسلسل) و محمد بك أبو الدهب (بهاء ثروت) و طبعا همام.
المسلسل كعمل درامى مقارنه بباقى الاعمال ياخد عشرة على عشرة
وطبعا كل الممثلين كانوا فوق الممتازين انما مش عاوزين ننسى ملحن التتر بتاع المسلسل العملاق عمار الشريعى
علي بيه الكبير ماكانش عميل و لا خاين
دي كدبة أو اختراع من المؤلف و افترا على المماليك
كمان همام ماكانش راج زي الفل ... ده كان بيعمل اي حاجة عشان ياخد الالتزام من الناس حتى من اولاد عمه
و ده كله مثبت في كتب التاريخ
شكرا على كتاب الرائع للقصة الحقيقية