لمبه Check مش بتنور عندى اول ما افتح الكونتكت مع باقى اللمض
هل ده طبيعى ؟
العربيه نيو اكسنت 2011
عرض للطباعة
لمبه Check مش بتنور عندى اول ما افتح الكونتكت مع باقى اللمض
هل ده طبيعى ؟
العربيه نيو اكسنت 2011
طلع علي التوكيل معلش هو مشوار بس هو امان واستفسر منهم وخليهم يشيكو علي العربيه بالمره ويظبطولك الي انت عايوزه ولو انت في الضمان هيبقي ببلاش
لا هو مش طبيعي
هو الطبيعي انها تنور لما تفتح الكونتاكت وتفضل منورة لثواني بعد تشغيل العربية واول ما تطفي بتكون كل حاجة تمام والموتور اتعمل عليه التشيك اللازم
لو فضلت منورة دا معناه ان فيه مشكلة في الموتور واوتوماتيك وضعية التشغيل بتتحول لوضع الطواريء
ممكن تلاقيه فيوز محروق بس لو بتعرف بص انتا عليه لاكن لو مش بتعرف يبقي روح التوكيل احسن خصوصا انك في الضمان
أنا كمان عندي نفس المشكلة ممكن حضرتك تقولي عملت إيه في التوكيل
أنا العربية بقلها معايه سنة وكنت فاكر ده الطبيعيي
أنا برده بجرب الانهارده لقيتها مش بتنور
ممكن حد ياكد إذا كان ده الطبيعي ولا في حاجة غلط ؟
يارييت حد ياكد من الي راكبين Ellantra و New Accent
عشان أنا سألت واحد صاحبي معاه New Accent قال لي مبتنوارش بردو
هى مش بتنور اول ما تدور العربيه وسالت كذا حد معاه العربيه
فاعتقد ان ده طبيعى فى النيو اكسنت على الاقل
على العموم فى صيانه الالف هسال واقولكم
لأ مش بتنور عندى برضو انا معايا 2010 اوتوماتيك
وانا معايا النترا 2011 ومش بتنور واظن اصلا انها مش موجوده لاني قعدت مققت عيني عشان اشوف الخلفيه بتاع العلامات في الطابلوه ومش لاقيتها موجوده ولا يمكن العيب في نضارتي :)
لأ العلامة موجودة بس مش بتنور
المشكلة لا تكون مش بتشتغل أصلا
هى موجوده وانا شفتها فى العداد بس انا خايف انها تكون مش متوصله دى تبقى مشكله كبيره اوى فى هيونداى وعيب يعنى لما تعمل عربيه فى الايام دى من غير لمبه اتشك
ياجماعة مش بتنور الا لو فى مشكلة فى الموتور ذى كدة لمبة ال 120 مش بتنور وتعطى جرس ألا لما السرعة توصل 120 فى بعض السيارات الاخري ذى التويوتا لمبة التشيك وال120 بينوروا مع الكونتاكت لمدة ثوانى وبعدين يطفوا على فكرة انا معايا النترا 2010 خليجى ولمبة التشيك مابتنورش ويارب ماتنور ابدا
المشكله إن في الكتالوج مكتوب إنها لازم تنور ولو منورتش اطلع على التوكيل
فاهمين أنا قصدي إيه ؟
مش ممكن طبعا تكون المشكلة ثابتة فى كل سيارات هيونداى أعتقد دة مش عيب أنما هو نظام جديد لسيارات هىونداى واللة أعلم ياريت حد يسأل فى التوكيل ويعطينا الاجابة الشافية بدل كل هذة الاجتهادات.....أنا سيارتى خليجى مش هقدر أروح التوكيل وشكرا
طبيعى جدا فى الالنترا و النيو اكسنت
اما فى الفيرنا بتنور
طبيعي جدا على أساس إيه إذا كان الكتالوج بيقول غير كده
يا جماعة اللمبة لازم تنور عند التدوير ده لو موجودة
ممكن اصلا النيو اكسنت يكون مفيشهاش اللمبة ده وده اللي واضح من كلام ملاكها
زي حاجات كتير بتتشال من العربية!!!
لو اللمبة موجودة فعلا وانتوا شايفينها يبقا لازم تنور
مش بتنور يبقا دي غلطة غبور ولازم يحلها
مش موجودة خالص يبقا دا عادي بس انا مستبعد انها تكون موجودة في الفيرنا ومش موجودة في النيو اكسنت !
ده فى النيو اكسنت والالنترا كمان يعنى ازاى مش موجوده فى العريبتن دول
ومكانها فى العداد انا شفته على العموم انا اليومين الجاين هحجز صيانه الالف هناك وابقى اسئل على الموضوع ده
انا معايا نيو أكسنت 2011 و لمبه الcheck مش بتنور خالص و انا لسه مستلم امبارح حد يقولى هى بتنور ولا لأه
ياجماعه طلعت مش بتنور انا شفت عربيتين نيو أكسنت انهارده بعد الصلاه والله ناس معرفهمش أفتكرونى مجنون ..........
عربيه نيو أكسنت 2010 عامله 7000 و عربيه 2010 عامله 500 كيلو و الأتنين مش بتنور عندهم لمبه الcheck عموما انا رأيى كده انها بتنور فى حدوث مشكله ما. لأنى كانت معايا لانسر 2009 زيرو مكنتش بتنور لمبه الcheck بس اول مبدأ يظهر فيها مشاكل زى البطاريه مثلا بدأت تنور.....
ان شاء الله خير ....... انا منمتش من امبارح عشان القصه دى.......
سلامو عليكم اولا جميعا
إسمحولى اتدخل لأن الموضوع كان عملى مشكله من اكتر من سنه و انا بشترى العربيه
و اخيرا طلعت النيو أكسنت و الإلنترا مبتنورش اللمبه فيهم زى باقى الحاجات اللى متشاله من العربيه وده من التوكيل نفسه
و دمتم
الافضل ترجع للكهربائي اللي انت بتتعامل معاه ممكن تكون فاصله من التابلوه والا حاجه