الموضوع: لو بتتنفخ بسرعة ،، متدخلش لمصلحتك...،، زهقت من الشاهين بتاعتي!!

السلام عليكم ورحمة الله وبركاته

أنا مش عارف بكتب الموضوع ده ليه الصراحة ، بس أنا حاسس أن أعضاء المنتدى دول أهل ليا و عائلة ،، و زي متقولو كده بفضفض معاكم ،، مش عارف أذا كنت اكتب الموضوع ده هنا ولا في الأجتماعي ،، بس المهم أنا زهقت من الشاهين اللي عندنا ،، مش عارف اعمل فيها حاجة ،، كل شوية ،، كل متشجع ليها و أقول حعمل كذا ،، ألاقي أمكانية توفر حاجة زي دي صعبة ، أو مينفعش ،، أدور على فوانيس كرستاله ،، مش لاقي غير أسطمبه واحده و شكل أمهها عككر أعوذو بالله ،، لما بشوفها راكبه على عربية شاهين بفتكر و بحس أن العربية دي لابسة نظارة قعر كوبباية ،، أينعم بسخسخ على نفسي من الضحك ،، بس برده مفيش أشكال تانية ،، ولما أحب أخلي شكلها حلو ،، لازم تعدل في الفوانيس بعد متشتريها ،أدورلها على جنوط ألاقيهم بيقولولي أكبر جنط يركب فيها 14 عشان العفشة ،، يا نهار ،، امال هية راكب فيها ايه ، يقللك 13 ،، العربية الصراحة حمممممااااااااااااااالللل لة أسسسسسسسسسية لأبعد الحدود ،، بس برده زهقت منها ،، غيرنا طقم مساعدين قدام من شهر و حاجة ،، و باظ تاني ،، و على فكرة كان من التوكيل ،، غيرنا طقم فرامل كامل ،، من التوكيل برده،، بااظ تاني ،، و فيه عالي و واطي ،، التابلوه كان فيه حاجة كده ،، و أنا بصلح العربية في التوكيل آخر مرة ،، "عشان الفرامل" واحد فتح التابلوه عشان يعمل لمبة الفرامل المعلقة في العدادات ،، و بيركبه ،، ركبه بطريقة زباله ،، و بقى التابلو عندي مفارق من نحية المفاتيح بتاعت الأنتظار ،، جايبين العربية زيرو ،، موديل 2006 ، 1400 حقن وقود ،، التابلوه مفارق بطريقة غبيية من عند مفاتيح المروحة ،، ندور على تكييف ،، نلاقي الناس كلها بتنصح و تقول لا ،، الموتور ضعيف ،، 1400 مش حيبقى حلو معاك ،، فكسنا من الكلام ده ،، و ندور برده ،، يقللك لا لا ،، عزل الكابينة زبااله ،، و حيتعب التكييف و بالتالي الموتور ،، و أصلاً عزل الموتور وحش أوي و أنا قاعد في العربية بسوق أنا أو الحاج ،، رجلينا بيجي عليها وقت بنحس انها بتتسلخ ،، من كتر السخونية اللي طالعه من الموتور علينا ،، أشغل المروحة اللي في الكابينة "بديل التكييف" ألاقيها جايبة هوا بيغلي "متسألنيش أزاي هوا ، و بيغلي" ،، العربية جايبنها من الأجنص ،، الشنطة مفارقة ،، من حته معينة كده ،، العربية طول محنا ماشيين بيها بتزيق ، وكلها أصوات ،، مع أني أنا و الحاج مهتمين بيها ، و نربط العفشة على طول ، و نشحمها بأستمرار ،، لكن العربية بتزييق من ورا ،، نفضي الشنطة ، و نفك الكراسي و نركبها تاني كويسس ، برده بتزيق في المطبات ، طيب ده من أيه من العضم مثلاً ،، بس العربية متخبططش و الحمد لله ،، الأكصدام اللي ورا ،، كل شوية يقع من الجنب كده اليمين أو الشمال ، و أكيد أي حد عنده شاهين عارف الحكاية دي ،، و بيبقى شكله عيييييييييييييرررااه أويي ، أركبه و أيدي بتتسلخ على مركبه أصلاً،، ميكملش يومين ،، و ممكن كمان في نفس اليوم ،، أخد مطب ألاقيه وقع ،، عشان الحكاية دي تتصلح ،، لازم يدقوا مسمار في الأكصدام بالبادي ، وده شكله وحش و مش حابب أننا نخرم على الفاضي ،، فكرنا فكرنا ،، قلنا خلاص نركب كافر لحوض العجل تاني بدل الأصلي ،، بس عمولة و نزود فيه شوية و ننشفه عشان نربطه بمسامير كبس في الأكصدام ،، أتعملت الحمد لله ،، بس طلعت عيننا ،، العربية كلها أصوات من التابلوه و الكراسي ،،

الزجاج بنهتم بيه و عال العال ،، أبتدى يجيله زي السرطان اللي بيجي للأزاز ده ،، و بينقر لوحده ،، جيبنها بكاسيت من الاجانص مكملش 3 شهور و بااظ
أدور على فلتر هوا سبور ،، فيين و فييييين لما لقيت حد ممكن يشتغل في الشاهين و يركبه ،،

أضائة التابلووه و العدادات زبالة و ضعيفة ،، و مش واضحة ، العربية بنوكن مشاين بيها لو دسنا فرامل و مشغلين لمبة الصالون ، نلاقيها رعشت ، و ضعفت ،، و هكذا مع أي كهربا فيها ،، مش عارف ده عيب كهربا ولا ايه ،، بس واللله جيبينها كده من الأجنص ،، بابا قاللي عادي يمكن هيه كده
طبعاً مش عايز أقولكم العربية جيابنها من 2006 و خلاااص طهقت منها أنا والحاج لكن بابا صبور شوية و عشان كده بيقولي يا عم تعمل اللي تعمله ،، مش المهم عربية و بتوصلنا ،، هو اـعود الحمد لله ، الموضوع كان صعب شوية لأن كان معاه نيسان صاني مو 2004 و كان جايبها زيرو و في 2006 بيعناها و جبنا الشاهين


آسف طولت عليكم ،، لكن كنت محتاج أتكلم في الحكاية دي ،، نظراً لقرفي منها ،، و بجد آسف جداً

كل سنة و أنتوا طيبين ، و رمشان كريم ، و للأسف قرب يمشي الراجل الطيب ده ،، "أيامٌ معدودات فعلاً" و على العموم عيد فطر مبارك أن شاء الله

و ربنا يرزقنا جميعاً ، و يعدل أحوالنا و أحوال البلد ، و يعدل رايتها .. اللي أختفت دي

المشاركة الأصلية كتبت بواسطة hulk_jotun

والله يا جماعة العربية دى جميلة و موفرة و مشاكلها كلها بسيطة وسهلة
انا معايا دوجان 1600 مو 95 و الحمد لله ربنا يباركلى فيها مريحانى اوى فاضلى بس اصلح التكييف و اركب طقم جنوط و اطلعها من شكل عربيات القطاع العام و تبأه فلة بس مستنى الافراج من ابويا لما يجبلة عربية

the same witj us ,,but the problems in my father's car,, are much more than it's benefits